Զինկոմիսարիատից ստացվող ծանուցումները ստուգելու համար անհրաժեշտ է՝

Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

• մուտք գործել համակարգ՝ նույնականցվելով թվային նույնականացման ազգային «ԵսԵմ» հարթակի միջոցով,
• այցելել «Անհատական ծանուցումներ» բաժին,
• ստուգել ծանուցման առկայությունը։ 

Ներկայացվող պահանջները

Ծանուցումները տեսնելու համար անհրաժեշտ է ունենալ՝

• ԵսԵմ բջջային ID SIM քարտ
• Նույնականացման քարտ և քարտ ընթերցող սարք

Տրամադրման կարգը և ժամկետը

• Ծանուցումների առկայությունը հնարավոր է ստուգել անմիջապես և դրանց անհրաժեշտ է արձագանքել 5 օրվա ընթացքում։
• Եթե քաղաքացին 5 օրվա ընթացքում չի ներկայանում զինկոմիսարիատ, ապա ՀայՓոստի միջոցով իր հաշվառման հասցեին ուղարկվում է թղթային ծանուցում։
• Եթե այս տարբերակով էլ հնարավոր չի լինում ծանուցել քաղաքացուն, ապա ծանուցումը հրապարակվում է ծանուցումների պաշտոնական azdarar.am կայքում։
• Ծանուցվելուց հետո զինկոմիսարիատ չներկայանալու դեպքում քաղաքացին ենթարկվելու է օրենքով սահմանված պատասխանատվության։ 

Ի՞նչ պատիժ է նախատեսված տարածքային ստորաբաժանում չներկայացած կամ զորակոչից խուսափած անձանց համար՝

• Այդ քաղաքացիների անձնական գործերի պատճենները, հաստատված տարածքային ստորաբաժանման ղեկավարի կնիքով, զորակոչի ավարտից հետո 15 աշխատանքային օրվա ընթացքում համապատասխան միջնորդությամբ ներկայացվում են ՀՀ քննչական կոմիտե՝ միաժամանակ տեղեկացնելով համապատասխան կայազորային զինվորական դատախազությանը,
• Այնուհետև հարուցվում են քրեական գործեր,
  
• որից հետո նախատեսված է պատիժ կալանք՝ առավելագույնը 2 ամիս ժամկետով, կամ ազատազրկում՝ առավելագույնը 3 տարի ժամկետով: