ՀՀ արդարադատության նախարարության կողմից մատուցվող ծառայությունների ցանկ

Գործադիր մարմնի ղեկավարի փոփոխության պետական գրանցումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։ 

Իրավաբանական կրթություն ունեցող ՀՀ քաղաքացիները կարող են ստանալ նոտարական որակավորում՝ անհրաժեշտ փաստաթղթերը ներկայացնելով Արդարադատության նախարարություն (հասցե՝ Երևան, Վազգեն Սարգսյան փ. 3/8)։

Առևտրային կազմակերպության կանոնադրության փոփոխության պետական գրանցումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։ 

Պետական միասնական գրանցամատյանի (ռեգիստրի) տեղեկությունները բաց են համընդհանուր ծանոթացման համար: Ռեգիստրի ամբողջական տեղեկությունները, ինչպես նաև իրավաբանական անձանց կանոնադրությունների պատճենները տրամադրվում են պետական տուրքի վճարումը կատարելուց հետո։

Կոռուպցիայի մասին անանուն եղանակով առցանց հաղորդելու հնարավորությունը թույլ է տալիս կանխարգելել կամ նվազեցնել կոռուպցիոն դեպքերը, իսկ ՀՀ օրենսդրությամբ սահմանված երաշխիքները ապահովում են հաղորդող անձի անվտանգությունը։    

Կոռուպցիայի մասին առցանց եղանակով հնարավոր է հաղորդել (ազդարարել) Կոռուպցիայի կանխարգելման հանձնաժողովի՝ «Ազդարարման միասնական էլեկտրոնային հարթակում»:

Մահվան վկայականը մահը հավաստող ​​պետական փաստաթուղթ է, որն ունի եզակի համար։
Մահվան վկայականում նշվում են մահացածի անունը, անձը հաստատող փաստաթղթի համարը, ծննդյան և մահվան տվյալները։

Առանց մահվան վկայականի հնարավոր չէ իրականացնել մահվան հետ կապված որևէ գործարք, օրինակ՝ ստանալ թաղման նպաստ, կառավարել հանգուցյալի պարտավորությունները և նույնիսկ կազմակերպել հուղարկավորություն։

Առևտրային կազմակերպությունների կանոնադրության, մասնակիցների և գործադիր մարմնի ղեկավարի փոփոխության պետական գրանցման համար անհրաժեշտ փաստաթղթերի և տեղեկությունների հավաքագրումն ու փաստաթղթերի կազմումն իրականցվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Քաղաքացիական կացության ակտերի գրառումներում ՔԿԱԳ գործակալությունը (տարածված է նաև ռուսերեն տերմինը՝ ЗАГС) ուղղումներ, լրացումներ կամ փոփոխություններ կատարում է օրենքով նախատեսված հիմքերի առկայության և շահագրգիռ անձանց միջև վեճի բացակայության դեպքում:

Գրավոր դիմումի հիման վրա կատարվում են սխալների ուղղումներ կամ լրացումներ՝

• ծննդյան վկայականում,
• ամուսնության վկայականում,
• հայրության ճանաչման վկայականում,
• ամուսնալուծության վկայականում,
• մահվան վկայականում։

Ընտանեկան կարգավիճակի մասին տեղեկանքը տրամադրվում է չամուսնացած, ամուսնալուծված կամ այրի անձանց։ Այն տրվում է 6 ամիս վավերականության ժամկետով։

Տեղեկանքը ստանալու համար հնարավոր է դիմել առցանց կամ ֆիզիկապես։

Անհատ ձեռնարկատիրոջ տվյալների փոփոխությունը (բացի անձնագրային տվյալներից) կատարվում է ինքնուրույն կամ լիազորված անձի միջոցով՝ ներկայացնելով դիմում և փոփոխությունը հաստատող փաստաթուղթ։

Առևտրային կազմակերպությունների լուծարման պետական գրանցում կատարելու համար անհրաժեշտ փաստաթղթերի և տեղեկությունների հավաքագրումն ու փաստաթղթերի կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Միացման ճանապարհով վերակազմակերպմամբ պայմանավորված իրավաբանական անձանց պետական գրանցման համար փաստաթղթերի և տեղեկությունների հավաքագրումն ու կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Ամուսնալուծության դիմում հնարավոր է ներկայացնել, եթե ամուսնությունը գրանցվել է ՀՀ ՔԿԱԳ (ԶԱԳՍ) մարմիններում, արտերկրում գործող ՀՀ հյուպատոսություններում կամ օտարերկրյա պետությունում՝ միջազգային պայմանագրով սահմանված իրավասության առկայության դեպքում։

Ամուսնալուծության պետական գրանցում կատարելիս տրամադրվում է ամուսնալուծության վկայական։ Անհրաժեշտության դեպքում հնարավոր է առցանց եղանակով ստանալ նաև վկայականի կրկնօրինակը (ներառյալ մինչև 2021 թվականը տրամադրված թղթային վկայականների կրկնօրինակները)։

Իրավաբանական անձի միացման ճանապարհով վերակազմակերպումը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

Ապոստիլով վավերացվում են այն փաստաթղթերը, որոնք ուղարկվում են 1961 թվականի հոկտեմբերի 5-ի Հաագայի կոնվենցիային միացած երկրներ։

Հայաստանում ապոստիլով վավերացվում են միայն ՀՀ-ում կազմված և տրված պաշտոնական փաստաթղթերը։ Օտարերկրյա պետությունների կողմից տրված փաստաթղթերը Հայաստանում չեն վավերացվում։

Փաստաթղթերի ապոստիլով վավերացում հնարավոր է ստանալ առցանց կամ ֆիզիկապես։

Հիմնադրամի պետական գրանցումը ենթակա է պետական միասնական գրանցամատյանում գրառման։ Պետական գրանցումը կատարվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

Ոչ ռեզիդենտ համարվող առևտրային կազմակերպությունների առանձնացված ստորաբաժանումների հիմնադրման պետական գրանցման համար անհրաժեշտ փաստաթղթերի կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Ոչ առևտրային կազմակերպությունների կանոնադրության փոփոխության պետական գրանցման համար անհրաժեշտ փաստաթղթերի և տեղեկությունների փաստաթղթերի կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Իրավաբանական անձի պետական գրանցմումը թույլ է տալիս իրավաբանական անձին ձեռք բերել իրավունքներ, ստանձնել պարտականություններ, հանդես գալ երրորդ անձանց հետ հարաբերություններում, պաշտպանել իր իրավուքներն ու օրինական շահերը, ինչպես նաև ծառայել իր ստեղծման նպատակներին:

Հասարակական կազմակերպություն գրանցումն իրականացվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։ 

Ապահովված իրավունքը պարտատիրոջ իրավունքն է շարժական գույքի կամ իրավունքի նկատմամբ, որը դրվում է որպես երաշխիք, որպեսզի պարտապանը կատարի իր պարտավորությունը։ Այս գույքը կարող է լինել որևէ ֆիզիկական առարկա (օրինակ՝ սարք, ավտոմեքենա և այլն), կամ որևէ իրավունք (օրինակ՝ պահանջի իրավունք)։

Եթե այս ապահովված իրավունքի մեջ լինում են փոփոխություններ, դրանք պարտադիր գրանցվում են ՀՀ արդարադատության նախարարության իրավաբանական անձանց պետական ռեգիստրի գործակալությունում։

Իրավաբանական անձի առանձնացված ստորաբաժանման և հիմնարկի միաձուլման եղանակով վերակազմակերպման պետական հաշվառումը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

Իրավաբանական անձի առանձնացված ստորաբաժանման և հիմնարկի վերակազմավորման եղանակով վերակազմակերպման պետական հաշվառումը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

ՀՀ-ում օտարերկրյա քաղաքացիների, քաղաքացիություն չունեցող անձանց, օտարերկրյա պետությունում մշտապես բնակվող ՀՀ քաղաքացիների` միմյանց կամ ՀՀ քաղաքացիների հետ ամուսնության գրանցման մասին թույլտվությունը տրամադրվում է ՀՀ արդարադատության նախարարության կողմից։

Պետական մարմնի պետական հաշվառումն իրականացվում է գլխավոր քարտուղարի (աշխատակազմի ղեկավարի), օրենքով նախատեսված դեպքում՝ պետական մարմնի ղեկավարի դիմումի հիման վրա։

Սահմանափակ պատասխանատվությամբ ընկերություն գրանցել հնարավոր է՝ օգտվելով նաև փաստաթղթերի նմուշային ձևերից։ Այս տարբերակը կարող է խնայել ավելի շատ ժամանակ։ 
Փաստաթղթերի նմուշային ձևերից օգտվել հնարավոր է թե՛ ֆիզիկապես, թե՛ առցանց դիմելիս։ 

Հիմնադրամների լուծարման դեպքում պետական միասնական գրանցամատյանում կատարվում է լուծարման մասին տեղեկությունների գրառում։ 

Իրավաբանական անձանց լուծարման գործընթացում գտնվելու մասին գրանցում կատարելու համար պահանջվող փաստաթղթերի կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Իրավաբանական անձի առանձնացված ստորաբաժանման և հիմնարկի բաժանման եղանակով վերակազմակերպման պետական հաշվառումը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

Երևանի դեպքում երեխայի որդեգրման գործընթացը սկսվում է քաղաքապետարանից, իսկ մարզերի դեպքում՝ համայնքապետարանից։

Որդեգրման պետական գրանցումն իրականացնում է ՀՀ արդարադատության նախարարության քաղաքացիական կացության ակտերի գրանցման գործակալությունը։

Որդեգրման պետական գրանցման ժամանակ տրամադրվում է որդեգրման վկայական։ 

Իրավաբանական անձի գործադիր մարմնի ղեկավարը կարող է լիազորել որևէ ֆիզիկական անձի ՀՀ արդարադատության նախարարության պետական ռեգիստրի գործակալությունում իր անունից հանդես գալու և իրական շահառուների վերաբերյալ հայտարարագիր ներկայացնելու համար։

Առաջին անգամ լիազորագիրը կարող է կիրառվել միայն իրավաբանական անձի իրական շահառուների հայտարարագիր ներկայացնելու նպատակով, որից հետո այն հասանելի է դառնում նաև արդարադատության ոլորտի թվային ծառայությունների հարթակում ներառված այլ ծառայությունների համար:

Վերակազմավորման ձևով վերակազմակերպմամբ պայմանավորված իրավաբանական անձանց պետական գրանցման համար փաստաթղթերի և տեղեկությունների հավաքագրումն ու կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Պետական մարմնի վերաբերյալ պետական միասնական գրանցամատյանում գրառված տեղեկությունների փոփոխությունները կատարվում են գլխավոր քարտուղարի, աշխատակազմի ղեկավարի կամ պետական մարմնի ղեկավարի դիմումի հիման վրա։

Փակ բաժնետիրական ընկերության գրանցումն իրականացվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։ 

Առևտրային կազմակերպությունների ստեղծման պետական գրանցման համար անհրաժեշտ փաստաթղթերի կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Հիմնադրամի առանձնացված ստորաբաժանման և հիմնարկի հաշվառումից հանումը ենթակա է պետական միասնական գրանցամատյանում գրառման։ Փոփոխությունը գրանցվում է իրավաբանական անձանց պետական ռեգիստրի գործակալության կողմից։

Եթե երեխայի ծննդյան պահին ծնողներն ամուսնության մեջ չեն գտնվում, ապա իրեն երեխայի հայր ճանաչող անձը պետք է դիմի հայրության ճանաչման պետական գրանցման համար։

Օտարերկրյա պետությունում հայրության ճանաչման պետական գրանցման համար անհրաժեշտ է դիմել տվյալ երկրի հյուպատոսական հիմնարկ։

Անհրաժեշտության դեպքում հնարավոր է առցանց եղանակով ստանալ նաև հայրության ճանաչման վկայականի կրկնօրինակը (ներառյալ մինչև 2021 թվականը տրամադրված թղթային վկայականների կրկնօրինակները)։

Հիմնադրամի կանոնադրության փոփոխությունը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։ 

Իրավաբանական անձի վերակազմակերպմամբ պայմանավորված (ոչ առևտրային իրավաբանական անձանց վերակազմավորման ճանապարհով) պետական գրանցումը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

Համատիրության սկզբնական գրանցումն (հիմնադրում) իրականացվում է արդարադատության նախարարության իրավաբանական անձանց պետական ռեգիստրի գործակալության կողմից։

Միաձուլման ճանապարհով վերակազմակերպմամբ պայմանավորված իրավաբանական անձանց պետական գրանցման համար փաստաթղթերի և տեղեկությունների հավաքագրումն ու կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Անհատ ձեռնարկատիրոջ պետական հաշվառումից հանելը կատարվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության ցանկացած սպասարկման գրասենյակի կողմից՝ անկախ անհատ ձեռնարկատիրոջ գործունեության վայրից:

Անձն իրեն ուղարկված ծանուցումները (այդ թվում՝ զինկոմիսարիատից ստացված) կարող է ստուգել առցանց եղանակով ծանուցումների պաշտոնական կայքի միջոցով։ 

Իրավաբանական անձի առանձնացման ճանապարհով վերակազմակերպումը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

Հիմնադրամի առանձնացված ստորաբաժանման և հիմնարկի պետական հաշվառումը կատարվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Ծառայության միջոցով առցանց եղանակով հնարավոր է ստանալ հետևյալ վկայականների կրկնօրինակները․

• ամուսնության, 
• ծննդյան,
• հայրության ճանաչման,
• ամուսնալուծության,
• անվանափոխության,
• մահվան։ 

Համատիրության սկզբնական գրանցման (հիմնադրման) համար փաստաթղթերի կազմումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Շարժական գույքի նկատմամբ ապահովված իրավունքի գրանցման համար անհրաժեշտ է ՀՀ օրենքով նախատեսված կարգով ապահովված իրավունքի վերաբերյալ տվյալները մուտքագրել էլեկտրոնային գրանցամատյան։

Ռեզիդենտ համարվող առևտրային կազմակերպությունների առանձնացված ստորաբաժանումների հիմնադրման պետական գրանցումն իրականցվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Պետական միասնական գրանցամատյանի տեղեկությունները բաց են համընդհանուր ծանոթացման համար: Պետական միասնական գրանցամատյանից քաղվածքներ ստանալու համար անհրաժեշտ է դիմել ՀՀ արդարադատության նախարարության իրավաբանական անձանց պետական ռեգիստրի գործակալություն։ 

18 տարին լրացած անձն իրավունք ունի փոխելու իր անունը, ազգանունը կամ հայրանունը՝ առանց դատարանի վճռի առկայության։

Անվան փոխման պետական գրանցում կատարելիս տրամադրվում է անվանափոխության վկայական։ Անհրաժեշտության դեպքում հնարավոր է առցանց եղանակով ստանալ նաև վկայականի կրկնօրինակը (ներառյալ մինչև 2021 թվականը տրամադրված թղթային վկայականների կրկնօրինակները)։

Իրավաբանական անձանց լուծարման գործընթացում գտնվելու մասին պետական գրանցումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Շարժական գույքի նկատմամբ իրավունքները գրանցվում են իրավաբանական անձանց պետական միասնական գրանցամատյանում, որից քաղվածք ստանալու կարգը սահմանված է ՀՀ կառավարության և ՀՀ արդարադատության նախարարի համապատասխան կարգով և որոշումներով:

Իրավաբանական անձի միաձուլման ճանապարհով վերակազմակերպումը ենթակա է պետական միասնական գրանցամատյանում գրառման։ Փոփոխությունը գրանցվում է ՀՀ արդարադատության նախարարության աշխատակազմի` իրավաբանական անձանց պետական ռեգիստրի գործակալության կողմից։

Իրավաբանական անձանց լուծարման գործընթացն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։

Հայաստանի Հանրապետության տարածքում ծնված յուրաքանչյուր երեխայի ծնունդ ենթակա է գրանցման։ Երեխայի ծննդի պետական գրանցում կատարելիս տրամադրվում է ծննդյան վկայական։

Անհրաժեշտության դեպքում հնարավոր է առցանց եղանակով ստանալ նաև վկայականի կրկնօրինակը (ներառյալ մինչև 2021 թվականը տրամադրված թղթային վկայականների կրկնօրինակները)։

Սահմանափակ պատասխանատվությամբ ընկերությունների մասնակիցների փոփոխության պետական գրանցումն իրականացվում է ՀՀ արդարադատության նախարարության իրավաբանական անձանց պետական ռեգիստրի գործակալության կողմից։