• Մասնավոր կազմակերպություններում փորձնակը գործատուի մոտ աշխատանքի է անցնում մինչև 2 ամիս ժամկետով։

• ՀՀ պետական մարմիններում անձը կարող է փորձնակի թափուր հաստիք զբաղեցնել առավելագույնը 1 տարի ժամկետով։

Պետական մարմինների փորձնակների ցանկում ընդգրկվելու համար պետք է մասնակցել վարկանիշային թեստավորմանը և հավաքել առնվազն 30 միավոր։

Վարկանիշային ցուցակում ընդգրկվելու համար պետք է հանձնել ՀՀ վարչապետի աշխատակազմի քաղաքացիական ծառայության գրասենյակի կողմից մշակված թեստը, հավաքել 40 և ավել միավոր և սպասել աշխատանքի առաջարկի։

Թեստավորման անցկացման մասին նախապես հրապարակվում է հայտարարություն Քաղաքացիական ծառայության գրասենյակի «Վարկանիշային թեստավորում» բաժնում։

Վարկանիշային ցուցակի թեստավորմանը մասնակցելու համար անհրաժեշտ է ներկայացնել․

• դիմում,

• անձնագիր և/կամ նույնականացման քարտ (նույնականացման քարտը չներկայացնելու դեպքում անհրաժեշտ է կցել ՀԾՀ-ի կամ այն չունենալու վերաբերյալ տեղեկանք),

• կրթությունը հավաստող փաստաթուղթ (միջնակարգ կրթություն ստացած լինելու դեպքում՝ միջնակարգ կրթությունը հավաստող փաստաթուղթը (ատեստատ), բարձրագույն կրթություն ստացած լինելու դեպքում՝ դիպլոմը կամ դիպլոմները, բուհում սովորելու դեպքում՝ ուսանող լինելու վերաբերյալ տեղեկանք կամ ուսանողական տոմս),

• արական սեռի անձինք՝ նաև զինվորական գրքույկի բոլոր գրառված էջերի լուսապատճենները կամ կցագրման վկայականը,

• աշխատանքային գործունեությունը հավաստող փաստաթուղթ (առկայության դեպքում),

• 3x4 չափսի մեկ լուսանկար:

Պետական մարմինների թափուր աշխատատեղերի հայտարարությունները առցանց տեղադրվում են՝

• ՀՀ վարչապետի աշխատակազմի քաղաքացիական ծառայության գրասենյակի պաշտոնական կայքում` cso.gov.am, ինչպես նաև նույն գրասենյակի ֆեյսբուքյան պաշտոնական էջում,

• ՀՀ հրապարակային ծանուցումների պաշտոնական էջում ՝ www.azdarar.am։

Տեղեկանքով հաստատվում է, որ տվյալ պահին ՀՀ դատարանների կողմից դիմողի վերաբերյալ չկա օրինական ուժի մեջ մտած դատական ակտ, որով նա ճանաչվել է անգործունակ կամ սահմանափակ գործունակ։ Այս տեղեկատվությունը տրամադրում է ՀՀ դատական դեպարտամենտը։ 

• Տեղեկանքը հավաստում է, որ դիմողը չունի այնպիսի հիվանդություններ, որոնք կարող են խոչընդոտել պետական պաշտոն զբաղեցնելուն:
• Տեղեկանքը տրամադրում է այն պոլիկլինիկան, որտեղ գրանցված է դիմողը։
• Պետք է անցնել համապատասխան բժշկական հետազոտություններ (թերապևտ, նյարդաբան)։ Որոշ դեպքերում կարող են պահանջվել լրացուցիչ նեղ մասնագիտական հետազոտություններ։