Հայաստանի Հանրապետության զինանշան
Ծառայությունների
ազգային հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Արդարադատություն և օրենք

Ստանալ դատվածության և հետախուզման մասին տեղեկանք

Դատվածության և հետախուզման մասին տեղեկանք ստանալու համար հնարավոր է դիմել առցանց կամ ֆիզիկապես.

  • առցանց դիմելուց հետո տեղեկանքը հնարավոր է ստանալ ԱԳՆ հյուպատոսական վարչությունից (երկ, երք, հնգ, ուրբ՝ 10։00-12։00),
  • ֆիզիկապես դիմելու դեպքում անհրաժեշտ կլինի այցելել վարչություն թե՛ դիմումը ներկայացնելիս, թե՛ տեղեկանքը ստանալիս (երկ, երք, հնգ, ուրբ՝ 10։00-12։00)։

 Հասցե՝ Վազգեն Սարգսյան 3, Երևան

Կոճակը կուղղորդի ծառայությունը մատուցողի կայք, որը կբացվի նոր էջում։
Ո՞վ կարող է դիմել
ՀՀ քաղաքացիներ և օտարերկրացիներ
Դիմելու տևողությունը
5 րոպե
Ծառայության արժեքը
7,000 դրամ
Տրամադրման տևողությունը
Մինչև 5 աշխատանքային օր

Հայտը ներկայացնելու համար «Շարունակել» կոճակը սեղմելուց հետո անհրաժեշտ է լրացնել պահանջվող տվյալները և կատարել վճարում՝ հետևելով հրահանգներին։

Ընդ որում՝ անհրաժեշտ է ընտրել այն երկիրը, ուր ներկայացվելու է տեղեկանքը․ օրինակ՝ եթե տեղեկանքը ներկայացնելու եք Իսպանիայի դեսպանատուն, որը գտնվում է Ռուսաստանում, ապա անհրաժեշտ է նշված երկրներից ընտրել Իսպանիան։


Ներկայացվող պահանջները

Տեղեկանքը ստանալու համար 16 տարին լրացած անձինք կարող են դիմել անձամբ կամ ծնողի, քրոջ, եղբոր, ամուսնու, զավակի կամ լիազոր ներկայացուցչի միջոցով։ 

14-16 տարեկան անձի դիմումը ներկայացնում է վերջինիս ծնողը կամ օրինական ներկայացուցիչը։


Պահանջվող փաստաթղթերը

Համակարգում տվյալների մեծ մասը կլրացվի ինքնաշխատ եղանակով։ Անհրաժեշտ կլինի՝

  • լրացնել կոնտակտային տվյալները,
  • կցել անձը հաստատող փաստաթղթի սքանավորված տարբերակը։

Տեղեկանքը ստանալիս անհրաժեշտ է վարչություն այցելել անձնագրով։

Եթե տեղեկանքը ստանալու է լիազորված անձը, ապա անհրաժեշտ է՝

  • որպես տեղեկանքը ստացող առկա տարբերակներից ընտրել «Լիազորված անձի կողմից» տողը,
  • մուտքագրել լիազորված անձի անունն ու ազգանունը
  • կցել նրա անձնագրի գունավոր լուսապատճենը։


Վճարման չափը և կարգը

Դատվածության և հետախուզման մասին տեղեկանք ստանալու համար անհրաժեշտ է վճարել 7,000 ՀՀ դրամ պետական տուրք, ընդ որում՝ այն ներառում է նաև փաստաթղթի ապոստիլով վավերացումը։


Վճարումն իրականացվում է հետևյալ եղանակներից մեկով՝

  • E-payments համակարգի միջոցով,

  • բանկային փոխանցման միջոցով ՀՀ պետական բյուջեի հաշվեհամարին՝ 900005163515400։ Փոխանցման նպատակի դաշտում պետք է նշել «ՀՀ-ում դատվածության կամ հետախուզման առկայության մասին տեղեկանք տրամադրելու համար»։

Տեղեկանքը ՀՀ ԱԳՆ-ի կողմից դիմողի նշած հասցեով առաքելու համար սահմանված է հավելյալ վճար:

ՀՀ տարածքում առաքում կատարելու համար անհրաժեշտ է վճարել 430 դրամ։

Առաքման վճարումն իրականացվում է հետևյալ եղանակներից մեկով՝

  • E-payments համակարգի միջոցով,

  • բանկային փոխանցման միջոցով ՀՀ պետական բյուջեի հաշվեհամարին՝ 900013196101։ Փոխանցման նպատակի դաշտում պետք է նշել «ՀՀ ԱԳՆ կողմից քաղաքացիներին անհատական փոստային առաքում կատարելու համար` ՀՀ տարածքում»։

ՀՀ տարածքից դուրս առաքում կատարելու համար` 11,000 - 25,000 դրամ՝ կախված առաքման երկրից։

Վճարումն իրականացվում է հետևյալ եղանակներից մեկով՝

  • E-payments համակարգի միջոցով,

  • բանկային փոխանցման միջոցով ՀՀ պետական բյուջեի հաշվեհամարին՝ 900013196093։ Փոխանցման նպատակի դաշտում պետք է նշել «ՀՀ ԱԳՆ կողմից քաղաքացիներին անհատական փոստային առաքում կատարելու համար` ՀՀ տարածքից դուրս»։

Եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը։


Տրամադրման ժամկետը և կարգը

Տեղեկանքը տրամադրվում է առցանց հայտ ներկայացնելուց հետո 5 աշխատանքային օրվա ընթացքում: Այն ստանալու համար անհրաժեշտ է անձնագրով այցելել ԱԳՆ հյուպատոսական վարչություն՝ Երևան, Վազգեն Սարգսյան 3։ Անհրաժեշտ է տեղում վերցնել հերթի կտրոն՝ սարքի վրա ընտրելով «Ստանալ» տարբերակը։


Հղում օրենսդրությանը

ՀՀ կառավարության՝ 2010 թվականի N 1561-Ն որոշում
Որոշումը հնարավոր է գտնել arlis.am-ում։ 

Տեխնիկական աջակցության համար՝
Աշխատանքային ժամեր` 
10:00 - 18:00
 
Հեռախոսահամար`
0-8000-2020
(+374) 010 58-59-80
Viber: (+374) 041 58-59-80
Ծառայության գծով աջակցության համար՝
Աշխատանքային ժամեր`
10։00 - 12:00 (բացի չորեքշաբթի օրվանից)
 
Հեռախոսահամար`
(+374) 060 62-00-00

WhatsApp, Viber
(+374) 055 62-01-11
Այս ծառայությունից հնարավոր է օգտվել նաև այլ եղանակներով։

Ծառայությունից տարբեր եղանակներով օգտվելիս կարող են տարբեր քանակությամբ ռեսուրսներ և ժամանակ պահանջվել։

Դիմել ֆիզիկապես
Ծառայությունը մատուցող՝
ՀՀ արտաքին գործերի նախարարություն
[email protected]https://www.mfa.am
Այս էջը օգտակա՞ր էր