Ինչպե՞ս դիմել

Նույնականացման քարտ ստանալու այց ամրագրելու համար «Շարունակել» կոճակը սեղմելուց հետո անհրաժեշտ է․

• ընտրել փաստաթղթի և ընտրել ծառայության տեսակը,
• նույնականանալ «ԵսԵմ» ազգային նույնականացման հարթակի միջոցով կամ լրացնել անձնական տվյալները,
• կցել փաստաթղթեր (անհրաժեշտության դեպքում),
• վերանայել, հաստատել դիմումը,
• ընտրել նախընտրելի սպասարկման տեսակը, նշել ցանկալի սպասարկման կենտրոնը, օրն ու ժամը,
• կատարել առցանց վճարում՝ ստանալով վճարման անդորագիրը։

Ներկայացվող պահանջները

Նույնականացման քարտ ստանալու համար անհրաժեշտ է ունենալ․

• ՀԾՀ կամ
• «ԵսԵմ» ազգային նույնականացում։
  
  

Պահանջվող տվյալները

Նույնականացման քարտ ստանալու նախագրանցման հայտի մեջ անհրաժեշտ է նշել․

• էլեկտրոնային փոստի հասցե,
• հեռախոսահամար։

Ուշադրություն
Տվյալների ճշգրտման համար որոշ դեպքերում անհրաժեշտ կլինի կցել փաստաթղթեր։

Վճարման չափը և կարգը

Նույնականացման քարտը առաջին անգամ ստանալու, վերաթողարկելու կամ փոխարինելու համար վճարվող պետական տուրքը 5,950 դրամ է։

Ուշադրություն
Արագացված ընթացակարգով նույնականացման քարտ ստանալու վճարման չափը հայտնի կլինի շուտով։

Տրամադրման ժամկետը և կարգը

• Նախնական էլեկտրոնային հայտը ուղարկելուց և հաստատում ստանալուց հետո նշված օրը և ժամին անհրաժեշտ է ներկայանալ սպասարկման կենտրոն՝ անձը հաստատող փաստաթղթով։

• Տեղում անհրաժեշտ է տրամադրել մատնահետք, ստորագրություն և լուսանկարվել։

• 14 աշխատանքային օրվա ընթացքում փաստաթղթի պատրաստ լինելու մասին ծանուցում ստանալուց հետո անհրաժեշտ է մոտենալ նույն սպասարկման կենտրոն և վերցնել այն՝ կրկին տրամադրելով մատնահետք։

Հղում օրենսդրությանը

«Անձը հաստատող փաստաթղթի մասին» ՀՀ օրենք

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)