Աջակցություն հաշմանդամություն ունեցող անձանց

Բժշկասոցիալական փորձաքննությունն օգնում է գնահատել անձի առողջական վիճակը և որոշել, թե ինչ օգնություն է նրան անհրաժեշտ: 

Բժշկասոցիալական փորձաքննությունն իրականացնում են ՀՀ աշխատանքի և սոցիալական հարցերի նախարարության հատուկ գործակալությունը և նրա տարածքային մարմինները՝ բժշկասոցիալական փորձաքննական հանձնաժողովները:

Եթե անձը համաձայն չէ հաշմանդամության ֆունկցիոնալության գնահատման հետ, ապա հնարավորություն ունի բողոքարկել գնահատումը՝ ներկայացնելով համապատասխան դիմումն ու պահանջվող փաստաթղթերը։

ՀՀ-ում անձի ֆունկցիոնալության գնահատումը կատարվում է «e-disability» էլեկտրոնային համակարգի միջոցով։ E-disability կայքը ՀՀ աշխատանքի և սոցիալական հարցերի նախարարության միասնական սոցիալական ծառայության էլեկտրոնային համակարգ է։ 

Ծրագրի շրջանակում տրամադրվում է տարեց կամ հաշմանդամություն ունեցող անձանց ցերեկային ընդհանուր տիպի խնամքի ծառայություններ։

Ծրագրի շրջանակում իրականացվում է աուտիզմ ունեցող անձանց սոցիալ-վերականգնողական ծառայությունների մատուցում ցերեկային կենտրոնում` ապահովելով աուտիզմ ունեցող անձանց` համայնքում և ընտանիքում ապրելու իրավունքը։

Ծրագիրը նպատակ ունի բարելավել տարեցների և 18 տարին լրացած հաշմանդամություն ունեցող անձանց կյանքի որակը՝ ապահովելով նրանց հիմնական կարիքները և իրավունքները շուրջօրյա խնամք ապահովող կենտրոններում (տուն-ինտերնատ):

Ծրագրի շրջանակում իրականացվում է 18-ից բարձր տարիքի մտավոր և հոգեկան խնդիրներով հաշմանդամություն ունեցող անձանց սոցիալ-վերականգնողական ծառայությունների մատուցում ցերեկային կենտրոնում։

Ծրագրի շրջանակներում տնային պայմաններում աջակցություն է տրամադրվում խնամքի կարիք ունեցող, կյանքի դժվարին իրավիճակում հայտնված անձանց։

Ծրագրի շահառուներն են՝ տեսողության խնդիրներով հաշմանդամություն ունեցող անձիք։ Ծրագրի շրջանակում իրականացվում է սպիտակ ձեռնափայտով տեղաշարժվելու հմտությունների ուսուցանում: 

Ծրագրի նպատակն է աշխատավայրում և ուսումնական հաստատությունում խելամիտ հարմարեցումներ ապահովել հաշմանդամություն ունեցող անձանց համար։

Հաշմանդամության նպաստ նշանակվում է այն հաշմանդամություն ունեցող անձին, որը չի կարող ստանալ կենսաթոշակ, ինչպես նաև հաշմանդամություն ունեցող երեխային։

Ծրագրի շրջանակներում տրամադրվում է հավաստագիր, որի միջոցով հնարավոր է ստանալ փոխհատուցում աջակցող միջոցներ (անվասայլակ, քայլակ, հենակ, ձեռնափայտ, լսողական սարք և այլն) ձեռք բերելու համար։

Ծառայության նպատակն է աջակցել հաշմանադամություն ունեցող անձանց, ստեղծելու նրանց համար անկախ և լիարժեք կյանք՝ ներգրավելով նրանց իրենց բնակության համայնքում, ինչպես նաև՝ ստեղծելով սոցիալական շփման համար բնականոն միջավայր։