Նախ անհրաժեշտ է ստեղծել անձնական էջ Երևանի քաղաքապետարանի Միասնական մուտքի համակարգում (YID համակարգ)։ Գրանցվելուց հետո անհրաժեշտ է անցնել նույնականացում, որի համար գործում է 2 տարբերակ՝

• «ԵսԵմ» ազգային նույնականացման հարթակի միջոցով,
• անցնելով KYC նույնականացում հաշիվը ստեղծելուց հետո՝ անձնական էջում։

Նույնականացում անցնելուց հետո հնարավոր կլինի գնել նախընտրելի տոմսի փաթեթը՝ անցնելով Երևանի քաղաքապետարանի Տրանսպորտի կայքէջ։

Երևանի քաղաքապետարանի Տրանպորտի կայքէջից հնարավոր է ձեռք բերել ուղետոմսերի հետևյալ տեսակները`

• 1 օր,
• 7 օր,
• 10 ուղևորություն,
• 30 օր,
• 90 օր,
• 365 օր: 

Այս ուղետոմսերը կարելի է կցել տրանսպորտային կամ բանկային քարտին (MIR բանկային քարտով տրանսպորտի տոմս գնել հնարավոր չէ)։

90 րոպե տևողությամբ և Զվարթնոց օդանավակայանի ուղետոմսերը հնարավոր է ձեռք բերել մետրոպոլիտենի դրամարկղերից, TelCell հավելվածով կամ TelCell ինքնասպասարկման վճարային տերմինալներով՝ տեղադրված Երևանի մետրոպոլիտենի կայարաններում կամ «Հանրապետության հրապարակ» մետրոկայարանի հարակից այգու սկզբնամասում (Նալբանդյան փ․, 2/1) և «Ֆրանսիայի հրապարակին կից (Բաղրամյան պ․, 2/5) գտնվող Երևանի զբոսաշրջային տեղեկատվական կենտրոններում։

YID համակարգը Երևանի քաղաքապետարանի Միասնական մուտքի համակարգ է, որի միջոցով հնարավոր է հասանելիություն ունենալ Երևանի քաղաքապետարանի էլեկտրոնային ծառայություններին։

YID հաշիվ կարող են ունենալ թե՛ ՀՀ քաղաքացիները, թե՛ օտարերկրյա քաղաքացիները։ Կարևոր նախապայմաններն են՝ ունենալ անձը հաստատող փաստաթուղթ (անձնագիր, նույնականացման քարտ, սոցիալական ապահովության քարտ կամ կացության քարտ) և գործող հայկական բջջային հեռախոսահամար՝ հաշվի գրանցման և հաստատման նպատակով։

Այո՛։ Նախքան առցանց տոմս գնելն անհրաժեշտ է անցնել «ԵսԵմ» կամ KYC (Know Your Customer) նույնականացում՝ այցելելով անձնական YID հաշիվ։ Առանց նույնականացում անցնելու տրանսպորտի տոմս գնել հնարավոր չի լինի։

KYC (Know Your Customer) նույնականացումը օգտատիրոջ ինքնությունը ստուգելու և հաստատելու գործընթաց է։ Այն անցնելուց հետո հնարավոր կլինի օգտվել YID համակարգի ծառայություններից։

KYC նույնականացում հնարավոր է անցնել YID անձնական էջում։ Անհրաժեշտ է ընտրել քաղաքացիությունն ու անձը հաստատող փաստաթղթի տեսակը, լրացնել փաստաթղթի տվյալները, որից հետո համակարգն ավտոմատ կերպով կստուգի ներկայացված փաստաթղթի և անձի ինքնության համապատասխանությունը։ Տվյալների ստուգումից հետո համակարգը կտեղեկացնի նույնականացման գործընթացի ավարտի մասին։ Եթե նույնականացում անցնել չի հաջողվել, հնարավոր կլինի կրկին անցնել ինքնության ստուգում։

Սովորաբար նույնականացումն իրականացվում է անմիջապես։ Այնուամենայնիվ, որոշ դեպքերում հնարավոր է, որ գործընթացը տևի ավելի երկար՝ մի քանի րոպեից մինչև մի քանի օր՝ կախված համակարգից և տրամադրվող փաստաթղթերից։

Այո՛։ TelCell Wallet հավելվածը ներբեռնելուց հետո պարտադիր է անցնել նույնականացում՝ հետևելով հրահանգներին։ Առանց նույնականացում անցնելու հնարավոր չի լինի տրանսպորտի ուղետոմս գնել։

 TelCell Wallet հավելվածում հասանելի են QR ուղետոմսեր։ Հնարավոր է գնել ուղետոմսի նախընտրելի տեսակը։

Հավելվածի միջոցով ուղետոմսը գնելուց հետո անհրաժեշտ է էկրանին հայտնվող QR ուղետոմսը մոտեցնել հանրային տրանսպորտում տեղադրված QR կոդ ընթերցող սարքին։

TelCell Wallet-ի միջոցով տոմս գնելու համար նախ անհրաժեշտ է լիցքավորել դրամապանակի հաշիվը։

Հաշիվը լիցքավորելու համար անհրաժեշտ է՝

• անցնել հավելվածի ստորին հատվածում գտնվող «Բանկինգ» բաժին,
• կցել բանկային քարտը՝ մուտքագրելով քարտի տվյալները,
• անցնել գլխավոր էջ և սեղմել հաշվեկշիռ դաշտի «+» նշանը,
• առկա տարբերակներից ընտրել «Համալրել» տարբերակը,
• նշել TelCell դրամապանակին փոխանցվող գումարի չափը և սեղմել «Շարունակել» կոճակը,
• տվյալները ստուգելուց հետո սեղմել «Վճարել» կոճակը։

Դրամապանակը լիցքավորելուց հետո հնարավոր կլինի հավելվածի «Ծառայություններ» բաժնի «Տրանսպորտ» էջ անցնելով գնել նախընտրելի ուղետոմսը։

Այո՛։ Եթե չի ստացվել հավելվածում անցնել նույնականացում, ապա հնարավոր է այլ՝ արդեն նույնականացված անձի միջոցով լիցքավորել դրամապանակը, որից հետո հնարավոր կլինի գնել տրանսպորտի տոմս։ 

Դրա համար անհրաժեշտ է՝

• անցնել գլխավոր էջի «Հաշվեկշիռ» բաժին,
• ընտրել «Հարցում այլ TelCell Wallet-ից» տարբերակը,
• լրացնել այն անձի տվյալները, ում միջոցով ցանկանում եք լիցքավորել հաշիվը, և գումարի չափը։

Ֆիզիկական տրանսպորտային քարտ հնարավոր է ձեռք բերել հետևյալ վայրերից․

• Երևանի մետրոպոլիտենի կայարաններում տեղադրված TelCell ինքնասպասարկման վճարային տերմինալներով կամ մետրոպոլիտենի դրամարկղից,
• Երևանի զբոսաշրջային տեղեկատվական կենտրոններում տեղադրված TelCell ինքնասպասարկման վճարային տերմինալներով՝ «Հանրապետության հրապարակ» մետրոկայարանի հարակից այգու սկզբնամասում (Նալբանդյան փ․, 2/1) և «Ֆրանսիայի հրապարակին կից (Բաղրամյան պ․, 2/5),
• TelCell-ի գրասենյակներից,
• վարչական շրջանի (թաղապետարան) գրասենյակներից։

Ֆիզիկական տրանսպորտային քարտ ձեռք բերելուց հետո անհրաժեշտ է քարտը լիցքավորել տրանսպորտի ուղետոմսերով։

Տրանսպորտային քարտով ուղետոմսեր գնել հնարավոր է մի քանի եղանակով՝

• Երևանի քաղաքապետարանի տրանսպորտի կայքէջով՝ մուտքագրելով քարտի կոդը,
• TelCell տերմինալների միջոցով, որոնք տեղադրված են Երևանի մետրոպոլիտենի կայարաններում, «Հանրապետության հրապարակ» մետրոկայարանի հարակից այգու սկզբնամասում (Նալբանդյան փ․, 2/1) և «Ֆրանսիայի հրապարակին կից (Բաղրամյան պ․, 2/5) գտնվող Երևանի զբոսաշրջային տեղեկատվական կենտրոններում,
• TelCell-ի գրասենյակներում,
• վարչական շրջանի (թաղապետարան) գրասենյակներում։

Երևանի հանրային տրանսպորտից զեղչված գնով կարող են օգտվել հետևյալ խմբերը․

• 8-17 (ներառյալ) տարեկան Երևանի հիմնական և ավագ դպրոցների աշակերտներ՝ 20% զեղչ,
• Երևանի ուսումնարանների, քոլեջների և բարձրագույն ուսումնական հաստատություններում սովորող ուսանողներ` 15% զեղչ,
• Երևանում և մարզերում հաշվառված 63 տարին լրացած կենսաթոշակառուներ` 30% զեղչ,
• Երևանում և մարզերում հաշվառված անապահովության նպաստառուներ՝ 20% զեղչ:

Արտոնություն ստանալու համար հնարավոր է դիմել 2 տարբերակով․

• առցանց՝ անցնելով նույնականացում YID համակարգում,
• ֆիզիկապես՝ այցելելով արտոնության տրամադրման սպասարկման կենտրոններ (TelCell-ի գրասենյակներ և վարչական շրջանների (թաղապետարան) գրասենյակներ)։

Մինչև 18 տարեկան երեխայի արտոնության դիմումը ներկայացնում է ծնողը կամ օրինական ներկայացուցիչը։

Երեխայի արտոնություն ստանալու համար երեխայի ծնողը կամ օրինական ներկայացուցիչը կարող է դիմել 2 տարբերակով․

• անցնելով նույնականացում YID համակարգում,
• այցելելով սպասարկման կենտրոն՝ ներկայացնելով իր անձը հաստատող փաստաթուղթը (անձնագիր, նույնականացման քարտ, հանրային ծառայությունների համարանիշ (ՀԾՀ), որը նշված է լինում սոցիալական ապահովության քարտի վրա), երեխայի ՀԾՀ-ն։

YID համակարգով դիմելիս նույնականացումը հաջողությամբ անցնելու դեպքում երեխայի ծնողը կամ օրինական ներկայացուցիչը, մուտքագրելով երեխայի ՀԾՀ-ն, կարող է ինքնաշխատ եղանակով ստուգել իր և երեխայի կապը: Կապի հաստատման դեպքում համակարգը ստուգում է երեխայի արտոնության իրավունքը:

Սպասարկման կենտրոններ դիմելիս երեխայի ներկայությունը պարտադիր չէ։ Երեխայի ծնողը կամ օրինական ներկայացուցիչը տեղում անցնում է նույնականացում, ինչից հետո մուտքագրվում է երեխայի ՀԾՀ-ն, և ստուգվում է երեխայի և ծնողի կամ օրինական ներկայացուցչի կապը։ Կապի հաստատման դեպքում համակարգը ստուգում է երեխայի արտոնության իրավունքը: Դրական պատասխանի դեպքում արտոնությունը տրամադրվում է տեղում։

Զինծառայողները արտոնություն ստանալու համար կարող են դիմել առցանց։ 

Անհրաժեշտ է առցանց դիմումին կից վերբեռնել հետևյալ փաստաթղթերը․

• անձը հաստատող փաստաթուղթ (անձնագիր, նույնականացման քարտ կամ ՀԾՀ (ներկայացված է լինում սոցիալական ապահովության քարտի վրա)),
• ակտիվ զինծառայության կարգավիճակը հաստատող տեղեկանք՝ տրված զինվորական ստորաբաժանման կողմից՝ առավելագույնը 1 ամսվա ընթացքում,
• լրացված և ստորագրված դիմում։

Դիմումը դիտարկվում է 15 աշխատանքային օրվա ընթացքում։ Հաստատումից հետո զինծառայողը ծանուցում կստանա, որից հետո կարող է անձամբ վերցնել տոմսը սպասարկման կենտրոններից կամ առցանց ակտիվացնել այն՝ Երևանի քաղաքապետարանի Տրանսպորտի կայքէջում կամ կցելով այն անձնական բանկային քարտին։

Ստորև ներկայացված են Երևանում գտնվող TelCell-ի գրասենյակների հասցեները և աշխատանքային գրաֆիկը․

Մալաթիա մասնաճյուղ

Երևան, Սեբաստիայի փող. 141/5 («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Րաֆֆի մասնաճյուղ

Երևան, Րաֆֆու փող. 55/1 շենք («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Ավան մասնաճյուղ

Երևան, Հովհաննիսյան թաղամաս, 24/7 շենք («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:00

Կոմիտաս մասնաճյուղ

Երևան, Կոմիտասի պող. 60/2 շենք («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Հրապարակ մասնաճյուղ

Երևան, Տիգրան Մեծի պող. 10 («Երևան Սիթի» սուպերմարկետ)

Երկուշաբթիից-Կիրակի՝ 00:00 - 23:59

Զեյթուն մասնաճյուղ

Երևան, Ռուբինյանց փող. 15/5 («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Բագրատունյաց մասնաճյուղ

Երևան, Բագրատունյաց փող. 5/3 («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Դավիթաշեն մասնաճյուղ

Երևան, Տ. Պետրոսյան փող. 25/5 («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Մաշտոց մասնաճյուղ

Երևան, Մաշտոցի պող. 5 («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Օհանով մասնաճյուղ

Երևան, Օհանով փող. 26/9 («Երևան Սիթի» սուպերմարկետ)

Երկուշաբթիից-Կիրակի՝ 10:00 - 21:30

Երևանի վարչական շրջանների գրասենյակները (թաղապետարաններ) աշխատում են երկուշաբթիից ուրբաթ՝ 09:00-18:00։ 

Ստորև ներկայացված են վարչական շրջանների հասցեները․

• Աջափնյակ
  Երևան, Ա.Սարգսյան փող. 5
• Ավան
  Երևան, Խուդյակովի փող․ 222
• Արաբկիր
  Երևան, Ն․ Զարյան փող․ 27
• Դավթաշեն
  Երևան, Դավթաշեն 3-րդ թաղ․
• Էրեբունի
  Երևան, Սասունցի Դավթի փող․ 87
• Կենտրոն
  Երևան, Վ․ Տերյան փող․ 44
• Մալաթիա-Սեբաստիա
  Երևան, Սեբաստիայի փող․ 32
• Նոր Նորք
  Երևան, Գայի պող. 19
• Նորք-Մարաշ
  Երևան, Ա․ Արմենակյան փող․ 272
• Նուբարաշեն
  Երևան, Նուբարաշենի 9-րդ փող․ 4
• Շենգավիթ
  Երևան, Գ․ Նժդեհի փող․ 26
• Քանաքեռ-Զեյթուն
  Երևան, Դ․ Անհաղթի փող․ 11

Երևանի հանրային տրանսպորտից անվճար կարող են օգտվել հետևյալ անձինք․ 

• մինչև 7 տարեկան (ներառյալ) երեխաները (միայն այս դեպքում տրանսպորտային քարտ ունենալը պարտադիր չէ),
• ծերանոցներում, մանկատներում ապրող պետական լրիվ խնամքի տակ գտնվող անձինք,
• հաշմանդամություն ունեցող երեխաները,
• ֆունկցիոնալության խորը և ծանր աստիճանի սահմանափակում և 1-ին և 2-րդ խմբի հաշմանդամություն ունեցող անձինք,
• Երևանում հաշվառված 4 և ավելի երեխա ունեցող ծնողները,
• 5 և ավելի երեխա ունեցող ՀՀ քաղաքացի ծնողները,
• Երևանում հաշվառված ծնողազուրկ աշակերտները և ուսանողները,
• Արցախյան կամ ՀՀ պաշտպանության մարտական գործողությունների ընթացքում զոհված, անհետ կորած կամ մահացած ճանաչված անձանց ընտանիքի անդամները (այրի, անչափահաս երեխաներ, ծնողներ),
• նախկին ԽՍՀՄ հերոսները,
• բռնադատված անձինք,
• սոցիալիստական աշխատանքի հերոսները,
• Հայաստանի ազգային հերոսները,
• Մարտական խաչի 1-ին և 2-րդ աստիճանի և «Փառքի» երեք աստիճանի շքանշաններով պարգևատրված անձինք,
• Հայրենական մեծ պատերազմի տարիներին թիկունքում անձնազոհ աշխատանքի համար նախկին ԽՍՀՄ շքանշաններով և մեդալներով պարգևատրված անձինք,
• Երևանի պատվավոր քաղաքացիները։

Տրանսպորտից անվճար օգտվելու համար անհրաժեշտ է անցնել արտոնության նույնականացում՝ տրանսպորտից անվճար օգտվողի կարգավիճակ ստանալու համար։ Նույնականացումը հնարավոր է անցնել Երևանի քաղաքապետարանի տրանսպորտի կայքէջում՝ անցնելով անձնական էջի «Արտոնության ստուգում» բաժին։

Կարգավիճակը ստանալու համար հնարավոր է նաև դիմել արտոնության տրամադրման սպասարկման կենտրոններ (TelCell-ի գրասենյակներ և վարչական շրջանների (թաղապետարան) գրասենյակներ)։