Հավելվածը ներբեռնելուց հետո անհրաժեշտ է անցնել նույնականացում՝ հետևելով հրահանգներին։

Նույնականացում անցնելուց հետո անհրաժեշտ է՝

• հավելվածի գլխավոր էջի «Ծառայություններ» բաժնում ընտրել «Տրանսպորտ» տարբերակը,
• սեղմել «Գնել ուղետոմս» կոճակը,
• 10 տոմս ներառող փաթեթ գնելու դեպքում ընտրել «Փաթեթ» տարբերակը, իսկ առանձին տոմս գնելու համար սեղմել յուրաքանչյուր առկա տարբերակի՝ «Տրոլեյբուս», «Ավտոբուս և մետրո» կամ «Օդանավակայան», կողքին գտնվող «Գնել» կոճակը,
• ընտրել տոմսերի քանակը, վճարման եղանակը և սեղմել «Շարունակել» կոճակը,
• ստուգել տվյալները և սեղմել «Վճարել» կոճակը։

Էկրանին հայտնվող QR կոդն անհրաժեշտ կլինի մոտեցնել երթուղային տրանսպորտում տեղադրված սարքին։

Վճարման չափը և կարգը 

2025 թվականի հունվար ամսին երթուղային տրանսպորտի մեկ տոմսի արժեքը 100 դրամ է, իսկ 10 տոմս ներառող փաթեթի արժեքը՝ 1,000 դրամ։

Վճարումը կատարվում է TelCell հավելվածի միջոցով։ Վճարումը կատարելու համար անհրաժեշտ է լիցքավորել հաշիվը։ Հաշիվը լիցքավորել հնարավոր է առցանց բանկային քարտ ստեղծելով կամ արդեն գոյություն ունեցող բանկային քարտը կցելով հավելվածին։

Հաշիվը լիցքավորելու համար անհրաժեշտ է՝

• անցնել հավելվածի ստորին հատվածում գտնվող «Բանկինգ» բաժին,
• կցել բանկային քարտը՝ մուտքագրելով քարտի տվյալները,
• անցնել գլխավոր էջ և սեղմել հաշվեկշիռ դաշտի «+» նշանը,
• առկա տարբերակներից ընտրել «Համալրել» տարբերակը,
• նշել TelCell դրամապանակին փոխանցվող գումարի չափը և սեղմել «Շարունակել» կոճակը,
• տվյալները ստուգելուց հետո սեղմել «Վճարել» կոճակը։