Կոճակը կուղղորդի ծառայությունը մատուցողի կայք, որը կբացվի նոր էջում։
ԲԵՏԱ
Հարթակը մշակման փուլում է․ ձեր կարծիքը կօգնի մեզ բարելավել այն:
Երթևեկություն, տրանսպորտ և ենթակառուցվածքներ
Գնել հանրային տրանսպորտի տոմս
2025 թվականի հունվարի 1-ից գործում է Երևանի հանրային տրանսպորտի միասնական տոմսային համակարգը։
Հասանելի են հանրային տրանսպորտի էլեկտրոնային QR տոմսեր և թղթային QR տոմսեր։ Էլեկտրոնային տոմսեր հնարավոր է գնել TelCell հավելվածի միջոցով, իսկ թղթային տոմսեր՝ Երևանի մետրոպոլիտենի դրամարկղերից և Երևանում տեղադրված TelCell վճարային տերմինալների միջոցով։ 2025 թվականի փետրվարի 1-ից հանրային տրանսպորտի ուղետոմսերը հնարավոր կլինի գնել նաև առցանց եղանակով՝ ընտրելով տոմսի տեսակը։
Որոշ դեպքերում հնարավոր է ստանալ Երևանի հանրային տրանսպորտից օգտվելու արտոնություն և ձեռք բերել զեղչված արժեքով ուղետոմսեր, իսկ սոցիալական որոշ խմբերի համար հանրային տրանսպորտն անվճար է։
Ո՞վ կարող է դիմել
ՀՀ և օտարերկրյա քաղաքացիներ
Դիմելու տևողությունը
10 րոպե
Ծառայության արժեքը
300-90,000 դրամ
Տրամադրման տևողությունը
1 օր
«Շարունակել» կոճակը սեղմելուց հետո անհրաժեշտ է մուտք գործել համակարգ, իսկ համակարգում գրանցված չլինելու դեպքում՝ գրանցվել։
Գրանցվելու համար անհրաժեշտ է՝
- սեղմել «Գրանցում» կոճակը,
- մուտքագրել հեռախոսահամարը, այնուհետև՝ հեռախոսահամարին ուղարկվող վեցանիշ թիվը,
- ստեղծել գաղտնաբառ (այն պետք է բաղկացած լինի նվազագույնը 8 նիշից և ներառի առնվազն մեկ մեծատառ և մեկ փոքրատառ նիշ, առնվազն մեկ թիվ և մեկ սիմվոլ) և սեղմել «Պահպանել» կոճակը,
- մուտք գործել համակարգ՝ լրացնելով հեռախոսահամարը և ստեղծված գաղտնաբառը,
- սեղմել «Շարունակել» կոճակը, որից հետո համակարգի միջոցով անձի տվյալները կփոխանցվեն Երևանի տրանսպորտի համակարգին՝ նույնականացում անցնելու համար («ԵսԵմ» նույնականացում ունենալու դեպքում հնարավոր է անցնել անձնական էջ և նույնականացում անցնել),
- անցնել գլխավոր էջ, ընտրել ուղետոմսի տեսակը և սեղմել «Գնել տոմս» կոճակը,
- մուտքագրել բանկային քարտի կոդը (16 նիշից բաղկացած) և սեղմել «Գնել ուղետոմս» կոճակը։
Վճարման չափը և կարգը
Երևանի հանրային տրանսպորտից օգտվելու համար գործում է 9 տեսակի տոմս։ Ստորև ներկայացված ուղետոմսերը հնարավոր է գնել առցանց եղանակով․
| Տևողություն | Ուղևորությունների քանակ | Գին | Ակտիվացման ժամկետ |
| 1 օր | 8 | 900 դրամ | 10 օր |
| 7 օր | 30 | 5,000 դրամ | 30 օր |
| 30 օր | Անսահմանափակ | 9,000 դրամ | 30 օր |
| 90 օր | Անսահմանափակ | 24,000 դրամ | 30 օր |
| 365 օր | Անսահմանափակ | 90,000 դրամ | 30 օր |
| «10 ուղևորություն» փաթեթ | 10 | 2,200 դրամ | 30 օր |
Վճարումը կատարվում է առցանց՝ ուղետոմսը գնելու վերջին էջում։
Ուշադրություն
Ուղետոմսերը հնարավոր է կցել տրանսպորտային կամ բանկային քարտին։ Ֆիզիկական բանկային քարտին կցված տրանսպորտային տոմսը հնարավոր է օգտագործել միայն տվյալ ֆիզիկական քարտի միջոցով (տվյալ քարտի Apple Pay-ով կամ Google Pay-ով այն հնարավոր չէ օգտագործել, իսկ այդ տարբերակներով վճարելիս կգանձվի հիմնական սակագնով տոմսի վճար)։
Իսկ 90 րոպե տևողությամբ, ինչպես նաև Զվարթնոց օդանավակայանի ուղետոմսեր հնարավոր է գնել TelCell հավելվածի միջոցով կամ ֆիզիկապես՝ TelCell վճարային տերմինալներով և Երևանի մետրոպոլիտենի կայարանների դրամարկղերից։
Ծառայության գծով աջակցության համար՝
Աշխատանքային ժամեր
Երկ-ուրբ՝ 09:00-18:00
Շբթ, կիր՝ 09։00-17։00
Հեռախոսահամար`
1-05
Այս ծառայությունից հնարավոր է օգտվել նաև այլ եղանակներով։
Ծառայությունից տարբեր եղանակներով օգտվելիս կարող են տարբեր քանակությամբ ռեսուրսներ և ժամանակ պահանջվել։
Ծառայությունը մատուցող՝
Երևանի քաղաքապետարան
Ո՞վ կարող է դիմել
ՀՀ և օտարերկրյա քաղաքացիներ
Դիմելու տևողությունը
10 րոպե
Ծառայության արժեքը
300-90,000 դրամ
Տրամադրման տևողությունը
1 օր
Ծառայության գծով աջակցության համար՝
Աշխատանքային ժամեր
Երկ-ուրբ՝ 09:00-18:00
Շբթ, կիր՝ 09։00-17։00
Հեռախոսահամար`
1-05
Այս էջը օգտակա՞ր էր