Դիմումները ներկայացվում են հետևյալ պետական մարմիններից մեկի՝ սոցիալական ապահովության բաժին.

• Պաշտպանության նախարարություն,
• Ներքին գործերի նախարարություն,
• Ազգային անվտանգության ծառայություն,
• Պետական պահպանության ծառայություն:

Ուշադրություն

• Պետք է դիմել այն պետական մարմին, որտեղի աշխատակից է եղել զինծառայողը։
• Կամավորագրված անձիք դիմում են միայն Պաշտպանության նախարարություն։

Աջակցության կարող են դիմել զինծառայողի ընտանիքի հետևյալ անդամները․

• ամուսինը/կինը,
• զավակները,
• ծնողները,
• եղբայրները/քույրերը,
• խնամակալները։

Ֆինանսական աջակցություն ստանալու համար կա դիմումի 2 ձև՝

• զինծառայողի առողջությանը պատճառված վնասի դիմաց հատուցում ստանալու մասին,
• զինծառայողի կյանքին պատճառված վնասի դիմաց հատուցում ստանալու մասին։

Անհրաժեշտ է դիմումին կից ներկայացնել հետևյալ փաստաթղթերը․

• անձնագիր կամ նույնականացման քարտ,
• ամուսնության վկայական (առկայության դեպքում),
• ծննդյան վկայական, 
• զինծառայողի եղբայր/քույր լինելու դեպքում` ուսումնական հաստատության տեղեկանք, 
• ծնողների մահվան վկայական։

Եթե հատուցումը նախատեսված է մի քանի շահառուի համար՝ ներկայացվում է նրանց գրավոր համաձայնությունը․

• կամ գումարը ստանալու մեկ շահառուի հաշվին,
• կամ գումարը բաժանելու և յուրաքանչյուրին առանձին փոխանցելու մասին։

Լրացուցիչ փաստաթղթեր՝ ըստ դեպքի

Հաշմանդամություն ձեռք բերած զինծառայողի դեպքում՝

• բժշկասոցիալական փորձաքննության որոշում (հաշմանդամության կարգի հաստատում),
• ռազմաբժշկական հանձնաժողովի եզրակացություն՝ վնասի պատճառական կապի մասին։

Զոհված զինծառայողի դեպքում՝

• մահվան պատճառական կապի վերաբերյալ եզրակացություն

Անհայտ կորած ճանաչվելու դեպքում՝

• դատական ակտ (անհայտ կորած ճանաչելու վերաբերյալ)

Կամավորագրված անձի դեպքում՝

• մարտական գործողություններին մասնակցության մասին տեղեկանք՝ Պաշտպանության նախարարության կողմից։

• Համապատասխան գերատեսչությունը 1 ամսվա ընթացքում ուսումնասիրում է դիմողի անձնական գործը, նույնականացնում է շահառուներին, այնուհետև գործն ուղարկում է «Զինապահ» հիմնադրամ։
• Եթե փաստաթղթերում թերություններ են հայտնաբերվում, ապա կարող ես դրանք շտկել 3 աշխատանքային օրվա ընթացքում:

Գումարի չափը որոշվում է ըստ՝

• վնասվածքի տեսակի,
• կարգավիճակի,
• ընտանիքի կազմի։

Աջակցության չափը կարող է լինել տարբեր և սահմանվում է՝ կախված զինծառայողի զինվորական աստիճանից և դեպքի բնույթից (զոհված, անհայտ կորած, հաշմանդամություն ձեռք բերած):

Պայմանագրային կամ պարտադիր զինվորական ծառայության սպային տրամադրվում է՝

• 82 միլիոն դրամ՝ զոհվելու, անհայտ բացակայելու կամ առաջին կարգի հաշմանդամություն ձեռք բերելու դեպքում։
• 53 միլիոն դրամ՝ երկրորդ կարգի հաշմանդամության դեպքում։

Պայմանագրային զինվորական ծառայության ենթասպային կամ շարքայինին տրամադրվում է՝

• 70 միլիոն դրամ՝ զոհվելու, անհայտ բացակայելու կամ առաջին կարգի հաշմանդամություն ձեռք բերելու դեպքում։
• 41 միլիոն դրամ՝ երկրորդ կարգի հաշմանդամության դեպքում։

Տարածքային պաշտպանությանը ներգրավված կամ կամավորագրած անձին տրամադրվում է՝

• 70 միլիոն դրամ՝ զոհվելու, անհայտ բացակայելու կամ առաջին կարգի հաշմանդամություն ձեռք բերելու դեպքում։
• 41 միլիոն դրամ՝ երկրորդ կարգի հաշմանդամության դեպքում։

Կրտսեր ենթասպային (պարտադիր զինվորական ծառայության) տրամադրվում է․

• 58 միլիոն դրամ՝ զոհվելու, անհայտ բացակայելու կամ առաջին կարգի հաշմանդամության դեպքում։
• 29 միլիոն դրամ՝ երկրորդ կարգի հաշմանդամության դեպքում։

Շարքային զինծառայողին (պարտադիր զինվորական ծառայության) տրամադրվում է․

• 58 միլիոն դրամ՝ զոհվելու, անհայտ բացակայելու կամ առաջին կարգի հաշմանդամության դեպքում։

• 29 միլիոն դրամ՝ երկրորդ կարգի հաշմանդամության դեպքում։

• 8, 70 կամ 58 միլիոն դրամի դեպքում՝ 10 միլիոն դրամը տրամադրվում է միանվագ, իսկ մնացած մասը՝ ամսական վճարներով 20 տարվա ընթացքում։
• 53, 41 կամ 29 միլիոն դրամի դեպքում՝ 5 միլիոն դրամը տրամադրվում է միանվագ, իսկ մնացած մասը՝ ամսական վճարներով 20 տարվա ընթացքում։

Լրացուցիչ ամսական աջակցություն կարող են ստանալ․

• հաշմանդամություն ձեռք բերած զինծառայողը,
• զոհված, մահացած կամ անհայտ կորած զինծառայողի ամուսինը կամ կինը, նրանց անչափահաս կամ ուսանող զավակները,
• զավակների խնամակալը։

Լրացուցիչ աջակցությունը նշանակվում է, եթե հատուցման դեպքը տեղի ունենալու օրվա դրությամբ զինծառայողն ունի 3 և ավելի երեխաներ, որոնք․

• անչափահաս են,
• սովորում են ցերեկային ուսուցմամբ, և 23 տարեկանը չի լրացել,
• 18 տարեկան կամ դրանից բարձր տարիքի հաշմանդամություն ունեցող զավակներ են, եթե նրանք հաշմանդամ են ճանաչվել մինչև 18 տարեկան լրանալը։

• Դիմումը և փաստաթղթերը ներկայացվում են համապատասխան գերատեսչության սոցիալական ապահովության բաժին։
• Դրանք փոխանցվում են «Զինապահ» հիմնադրամին տվյալների ուսումնասիրության և լրացուցիչ աջակցություն նշանակելու համար։

Դիմումին կից անհրաժեշտ է ներկայացնել․

• երեխաների ծննդյան վկայականները,
• ուսանող զավակների՝ ուսումնական հաստատության տեղեկանքները կամ հաշմանդամության կարգը հավաստող փաստաթուղթ,
• զոհված կամ անհետ կորած զինծառայողի դեպքում՝ երրորդ երեխայի սաղմնավորման մասին բժշկական հաստատության տեղեկանք,
• զոհված/կորած զինծառայողի դեպքում՝ զինծառայողի և երեխայի մոր ամուսնության վկայական և ամուսնալուծության չլինելու մասին տեղեկանք,
• խնամակալության վերաբերյալ փաստաթղթեր և անձնագիր,
• մեծահասակ զավակների համաձայնությունը՝ գումարը մեկին փոխանցելու կամ առանձին ստանալու վերաբերյալ։

Լրացուցիչ աջակցության վերահաշվարկ է կատարվում, եթե․

• զինծառայողի ընտանիքում երեխա է ծնվում, 
• կամ լրացել է երեխայի 18 տարեկանը, և նա սովորում է առկա ցերեկային ուսուցմամբ,
• կամ երեխան հաշմանդամություն է ձեռք բերում մինչև 18 տարեկան դառնալը։

Աջակցությունը դադարեցվում է, եթե

• երեխան կամ ուսանողը մահացել է,
• երեխան ավարտել է ուսումը կամ փոխվել է ուսուցման ձևը (օրինակ՝ հեռակա),
• դադարեցվել է (վերացել է) երեխայի հաշմանդամությունը։

Լրացուցիչ աջակցությունը վերականգնվում է, եթե․

• չափահաս զավակը մինչև 23 տարեկան լրանալը շարունակում է կրթությունը ուսումնական հաստատությունում,
• կամ կրկին տեղափոխվում է առկա ցերեկային ուսուցմամբ համակարգ։

Դրոշմանիշային վճարը օրենքով սահմանված պարտադիր գումար է, որը պահվում է ՀՀ քաղաքացու եկամուտից՝ զինծառայողների ապահովագրության ազգային հիմնադրամ՝ «Զինապահ»-ին փոխանցելու համար, որն էլ իր հերթին տրամադրում է վճարները դիմողներին։

Դրոշմանիշային վճարի վերաբերյալ մանրամասները ներկայացված են «Վճարել հարկերը» կյանքի իրադարձության ուղեցույցում։

Դրոշմանիշային վճար վճարում են․

• ՀՀ ռեզիդենտ և ոչ ռեզիդենտ գրանցված աշխատողները (գործատուն աշխատավարձից փոխանցում է Պետական եկամուտների կոմիտեին),
• քաղաքացիաիրավական պայմանագրերով աշխատող ֆիզիկական անձինք, որոնք կարող են եկամուտներ ունենալ ՀՀ-ում կամ ՀՀ-ից դուրս,
• անհատ ձեռնարկատերերը,
• նոտարները,
• ինքնազբաղված անձինք

Դրոշմանիշային վճարների վերադարձի համար կարող են դիմել զինծառայողի․

• ծնողները, 
• ամուսինը/կինը,
• զավակները։

Դրոշմանիշային վճարի վերադարձը կատարվում է, եթե․

• զինծառայող ընտանիքի անդամը գտնվել է ժամկետային զինվորական ծառայության մեջ,
• կամ զոհվել է ծառայության ընթացքում:

Դրոշմանիշային վճարի վերադարձի համար անհրաժեշտ է առցանց կամ փոստով դիմել «Զինապահ» հատուցման հիմնադրամ՝ ներկայցնելով պահանջվող փաստաթղթերը։ 

Դիմումին կից՝ պետք է ներկայացնել հետևյալ փաստաթղթերը.

• անձնագրի կամ նույնականացման քարտ,
• եթե դիմումատուն ամուսինն է՝ ամուսնության վկայական,
• եթե դիմումատուն ծնողն է կամ զավակը՝ ծննդյան վկայական,
• եթե դիմումատուն ծնողն է՝ զինծառայողի ծննդյան վկայական,
• զինծառայողի կարգավիճակը հաստատող փաստաթղթեր՝ զինվորական գրքույկ կամ տեղեկանք զինծառայության մասին, այն գերատեսչության սոցիալական ծառայության բաժնի կողմից, որտեղ ծառայել և ծառայում է զինծառոյողը,
• զինծառայողի մահվան դեպքում՝ մահվան վկայական,
• մահվան մասին տեղեկանք, որը տրամադրվում է այն գերատեսչության սոցիալական ապահովության բաժնի կողմից, որտեղ ծառայել է զինծառայողը,
• տեղեկանք, որտեղ նշված է, թե որ ամիսների համար ես վճարել դրոշմանիշային վճար (տրամադրում է հարկային ծառայությունը),
• բանկային հաշվի տվյալներ, որին կփոխանցվի գումարը:

Ուշադրություն

Եթե դու արդեն հատուցման հիմնադրամի շահառու ես (օրինակ՝ ստանում ես ֆինասնական աջակցություն), ապա ընտանեկան կապը հաստատող փաստաթղթեր՝ ամուսնության և ծննդյան վկայկան ներկայացնելու կարիք չկա:

Հիմնադրամը ստուգում է բոլոր տվյալները, և մինչև 2 ամսվա ընթացքում գումարը փոխանցվում է քո բանկային հաշվին, որը ստուգվում է ՀՀ կենտրոնական բանկի միջոցով։

Եթե հետո պարզվի, որ ավելի մեծ գումար ես վճարել, քան վերադարձվել է, ապա կվճարվի նաև տարբերությունը։

Այո՛, բայց պետք է դիմել յուրաքանչյուր տարվա համար առանձին։

Եթե փաստաթղթերում նկատվի թերություն կամ սխալ, ապա հիմադրամը քեզ կտեղեկացնի դրա մասին դիմումը ներկայացնելուց հետո 5 աշխատանքային օրվա ընթացքում, և դու կունենաս ևս 5 օր՝ դրանք ուղղելու և կրկին ներկայացնելու համար։

Եթե զինծառայողը տվյալ տարվա ընթացքում զորակոչվել է ժամկետային պարտադիր զինվորական ծառայության, կամ զոհվել է, ապա նրան (կամ իրավահաջորդին՝ օրինակ՝ ծնողին կամ կնոջը) վերադարձվում է այդ տարվա իր վճարած (կամ աշխատավարձից պահված) դրոշմանիշային վճարը՝ սկսած զորակոչվելու կամ մահանալու ամսվա 1-ից մինչև տարվա վերջն ընկած ամիսների համար։ 

Օրինակ՝ եթե զինծառայողը զորակոչվել է ապրիլին, ապա ապրիլից դեկտեմբերի ամիսների համար վճարած դրոշմանիշային գումարները կվերադարձվեն։

Եթե զինծառայողը զորացրվել է նույն տարվա ընթացքում, ապա նա կարող է ստանալ վերադարձ այն ամիսների համար, որոնք ընկած են հունվարի 1-ից մինչև զորացրվելու ամսվա վերջ։

Օրինակ՝ եթե զինծառայողը զորացրվել է օգոստոսին, ապա վերադարձվում է հունվարից մինչև օգոստոսի վերջի ամիսների համար վճարված դրոշմանիշային գումարները։

Եթե զինծառայողը ամուսնացել է տարվա ընթացքում, ապա նրա ամուսնուն վերադարձվում են այն ամիսների գումարները, որոնց ընթացքում նրանք ամուսնացած են եղել։  Գումարը վերադարձվում է զինծառայողի կնոջը կամ ամուսնուն՝ որպես վճարող կողմ, եթե նա է կատարել վճարումները։

Օրինակ՝ եթե ամուսնությունը գրանցվել է հուլիսին, ապա կնոջը կվերադարձվի հուլիսից դեկտեմբերի ամիսների համար վճարված գումարը։