Դիմումները ներկայացվում են հետևյալ պետական մարմիններից մեկի՝ սոցիալական ապահովության բաժին.

• Պաշտպանության նախարարություն,
• Ներքին գործերի նախարարություն,
• Ազգային անվտանգության ծառայություն,
• Պետական պահպանության ծառայություն:

Ուշադրություն

• Պետք է դիմել այն պետական մարմին, որտեղի աշխատակից է եղել զինծառայողը։
• Կամավորագրված անձիք դիմում են միայն Պաշտպանության նախարարություն։

Ներկայացվող պահանջները

Ծրագրի շահառուներն են՝

• մարտական գործողությունների ժամանակ և ծառայության ընթացքում հաշմանդամություն ձեռք բերած զինծառայողը,
• զոհված կամ անհայտ կորած զինծառայողի ընտանիքի անդամը,
• կամավորագրված անձը, եթե մասնակցել է մարտական գործողություններին։
  
  

Պահանջվող փաստաթղթերը

Անհրաժեշտ է դիմումին կից ներկայացնել հետևյալ փաստաթղթերը․

• անձնագիր կամ նույնականացման քարտ,
• ամուսնության վկայական (առկայության դեպքում),
• ծննդյան վկայական, 
• ուսումնական հաստատության տեղեկանք (զինծառայողի եղբայր/քույր լինելու դեպքում), 
• ծնողների մահվան վկայական։

Փաստաթղթերի լրացուցիչ փաթեթը ներկայացված է ուղեցույցում։

Աջակցության չափը

Աջակցության չափը կարող է լինել տարբեր և սահմանվում է՝ կախված զինծառայողի զինվորական աստիճանից և դեպքի բնույթից (զոհված, անհայտ կորած, հաշմանդամություն ձեռք բերած): Աջակցության չափի վերաբերյալ մանրամասները ներկայացված են ուղեցույցում։

Տրամադրման ժամկետը և կարգը

Ֆինանսական աջակցությունը տրամադրվում է դիմումի ուսումնասիրությունից հետո 1 ամսվա ընթացքում։

Աջակցության վերաբերյալ մանրամասները ներկայացված են ուղեցույցում։

Հղում օրենսդրությանը

ՀՀ կառավարության՝ 2017 թվականի փետրվարի 2-ի N 86-Ն որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը):