Երևանի քաղաքապետարանի կողմից մատուցվող ծառայությունների ցանկ

Փոխադրամիջոցի, այդ թվում՝ ավտոմեքենայի, մոտոցիկլետի գույքահարկը ֆիզիկական անձինք պետք է վճարեն տարեկան կտրվածքով։

Երևանում գրանցված փոխադրամիջոցների համար վճարման ենթակա հարկի չափը հնարավոր է ստուգել առցանց եղանակով։

«Ակտիվ քաղաքացի» հավելվածի միջոցով Երևան քաղաքի բնակիչները կարող են մասնակցել քաղաքի կառավարմանը՝ ներկայացնելով խնդիրներ աղբահանության, տրանսպորտի, արտաքին լուսավորության, կենդանիների խնամքի և այլ ոլորտներում։

Հավելվածի միջոցով ներկայացված խնդիրները ուղղվում են Երևանի քաղաքապետարան և գտնում իրենց լուծումները։

Երևանում վճարովի ավտոկայանատեղերում ավտոմեքենան կայանելու համար վճարումներն իրականացվում են առցանց եղանակով։

Կա վճարման մի քանի տարբերակ, օրինակ՝ բանկային հավելվածով կամ SMS հաղորդագրության միջոցով։

Օդի փոշով աղտոտվածության ցուցանիշները Երևանում հնարավոր է ստուգել առցանց եղանակով՝ Երևանի քաղաքապետարանի պաշտոնական կայքում տեղադրված հարթակի միջոցով։ 

Հարթակում կարելի է դիտարկել ողջ քաղաքի փոշով աղտոտվածության մակարդակը և մինչև մեկ ամսվա կտրվածքով տեղեկություն ստանալ:

«Ակտիվ քաղաքացի» կայքի միջոցով Երևանի բնակիչները կարող են ներկայացնել առաջարկներ՝ ուղղված քաղաքի բարելավմանը։ Հարթակում հնարավոր է նաև քվեարկել այլ քաղաքացիների կողմից ներկայացված առաջարկների օգտին։ 

Երևանի հանրային տրանսպորտի տոմս հնարավոր է գնել 3 եղանակով՝

• առցանց՝ ստեղծելով անձնական էջ և դրան կցելով բանկային քարտը կամ տրանսպորտային քարտը,
• TelCell Wallet հավելվածի միջոցով,
• ֆիզիկապես՝ գնելով տրանսպորտային քարտ TelCell վճարային տերմինալից (քարտի գնման համար գործում են կոնկրետ հասցեներում) և լիցքավորելով այն ուղետոմսերով։

Սոցիալական որոշ խմբերի համար գործում են հանրային տրանսպորտից օգտվելու արտոնություններ։ 

Աղբահանության վճարը տեղական վճար է, որը ֆիզիկական կամ իրավաբանական անձինք վճարում են համայնքին՝ իրենց բնակավայրում աղբի հավաքման և տեղափոխման ծառայության համար։ Վճարումը կատարվում է ամսական կամ տարեկան կտրվածքով։

Հարազատի կորստի դեպքում հնարավոր է ընտրել գերեզմանատեղ և կազմակերպել հուղարկավորությունը՝ ներկայացնելով դիմում «Բնակչության հատուկ սպասարկում» կազմակերպությանը, որն առավել հայտնի է Թաղման բյուրո անվանմամբ։

Ավարտական ակտը հաստատում է շինարարական աշխատանքների ավարտը՝ համաձայն նախագծային փաստաթղթերի և շինարարության թույլտվության: Այն ներառում է շահագործման թույլտվությունը, որը հավաստում է օբյեկտի շահագործման իրավունքը: