«Ակտիվ քաղաքացի» բջջային հավելվածի միջոցով Երևան քաղաքի խնդիրները ներկայացնելու համար անհրաժեշտ է հավելվածը ներբեռնելուց հետո․

• Գրանցվել հարթակում՝ լրացնելով անուն, ազգանուն և հեռախոսահամար,
• բացված պատուհանում ընտրել «Հայտնել խնդրի մասին» կոճակը,
• այնուհետև ընտրել խնդրին առնչվող ոլորտը,
• բացված պատուհանում լրացնել հասցեն և խնդրի նկարագրությունը և ուղարկել։ Անհրաժեշտության դեպքում հնարավոր է կցել լուսանկար, տեսանյութ կամ ձայնագրություն։

Հավելվածի միջոցով արձանագրված խնդիրը ուսումնասիրվում և փոխանցվում է Երևանի քաղաքապետարանի համապատասխան բաժին՝ հետագայում քննարկման օրակարգում ներառելու և խնդիրը լուծելու նպատակով։