Ծրագրի նպատակն է խթանել Հայաստանում առաջատար տեխնոլոգիաների տարածումը և բարձր ավելացված արժեքով ապրանքների թողարկումն ու արտահանումը՝ Հայաստանի համախառն ներքին արդյունքի աճն ապահովելու համար։

Ծրագրի շրջանակներում կազմակերպություններին տրամադրվում է աջակցություն պարտատոմսերի և բաժնետոմսերի թողարկման, տեղաբաշխման և բորսայում ցուցակման, ինչպես նաև միջազգային վարկանիշային գործակալություններից վարկանիշի ստացման և սպասարկման առաջին 12 ամիսների համար։

Յուրաքանչյուր շահառու և վերջինիս հետ փոխկապակցված կազմակերպությունները օժանդակության տեսակներից յուրաքանչյուրից կարող են օգտվել միայն մեկ անգամ:

Ծրագրի շրջանակներում նախատեսվում է աջակցություն տրամադրել մշակող արդյունաբերության ոլորտում գործող կազմակերպություններին և անհատ ձեռնարկատերերին, որոնք աշխատանքի են ընդունել ՀՀ քաղաքացիների և Լեռնային Ղարաբաղից բռնի տեղահանված անձանց: 

Մասնավոր ներդրումները խթանելու նպատակով ՀՀ կառավարությունը ներդրումային ծրագիր իրականացնող կազմակերպությանը (կամ կազմակերպություններին, որոնք դիմել են միասին օժանդակություն ստանալու համար) տրամադրում է օժանդակություն՝ մասնակի փոխհատուցելով  նախատեսված տարածքն անհրաժեշտ ենթակառուցվածքով ապահովելու և կատարված ծախսերի համար։

Ենթակառուցվածքներ են համարվում ճանապարհները, ջրամատակարարման, ջրահեռացման, գազամատակարարման, էլեկտրամատակարարման և հեռահաղորդակցության համակարգերը։

Միջոցառման շրջանակներում շահառուներին հնարավորություն է ընձեռնվում ստանալ ՀՀ տարածքում գործող ֆինանսական կազմակերպությունների կողմից տրամադրված ՀՀ դրամով կամ արտարժույթով վարկի/լիզինգի տոկոսադրույքի դրամական աջակցություն (սուբսիդավորում): Վարկի/լիզինգի առարկա կարող են հանդիսանալ նոր (չօգտագործված) մեքենասարքավորումները և դրանց բաղկացուցիչ մասերը։

Լիզինգը ֆինանսական գործիք է, որը թույլ է տալիս բանկի միջոցով ձեռք բերել գույք՝ պարբերաբար վճարելով դրա դիմաց, իսկ լիզինգային պայմանագրի ավարտից հետո դառնալ այդ գույքի սեփականատերը։

Ծառայությունը նախատեսված է արհեստական բանականության ոլորտում գործունեություն իրականացնող անձանց և կազմակերպությունների համար, որոնք բարձր արտադրողականությամբ հաշվողական ռեսուրսների կարիք ունեն (High-performance computing - HPC)։
Ծրագրի շրջանակում հայտ ներկայացնողները կարող են անվճար օգտվել անհրաժեշտ հաշվողական ռեսուրսներից՝ իրենց հետազոտությունները, նախագծերը կամ պրոդուկտները զարգացնելու համար։

Ծրագրին կարող են դիմել ուսանողներ, հետազոտողներ, ստարտափներ և բարձր տեխնոլոգիաների ոլորտում գործող կազմակերպություններ՝ սահմանված պահանջներին համապատասխան։

Ծրագիրն ուղղված է ներդրումային կարողությունների ավելացմանը, հայաստանյան շուկա նոր մուտք գործող ֆոնդերի կառավարիչների համար առավել գրավիչ պայմանների ստեղծմանը։

Վերջին 3 ամսվա ընթացքում անընդմեջ գործազուրկի կարգավիճակ ունեցող, 35 տարեկանից բարձր տարիքի գործազուրկ անձանց աշխատանքի ընդունելու դեպքում գործատուները կարող են պետությունից ստանալ միանվագ ֆինանսական աջակցություն աշխատանքի ընդունված յուրաքանչյուր անձի համար։