Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Աջակցություն ստանալու համար անհրաժեշտ է՝

• գրանցվել workforall.am-ում՝ լրացնելով անհրաժեշտ տվյալները,
• ընտրել «Գործազուրկների զբաղվածության ապահովման ծրագիր» տարբերակը,
• ներկայացնել աջակցություն ստանալու դիմում։

Ներկայացվող պահանջները

Ֆինանսական աջակցություն կարող են ստանալ այն գործատուները, որոնք համապատասխանում են հետևյալ պահանջներին՝

• մինչև դիմում ներկայացնելը առնվազն 2 տարի անընդմեջ գործել են,
• վերջին երեք ամսվա ընթացքում անընդհատ ունեցել են առնվազն 10 վարձու աշխատող,
• նրանց կողմից հաշվարկված եկամուտների փաստացի ֆոնդը նշված ժամանակահատվածում չի նվազել, կամ նվազումը կազմել է առավելագույնը 5%,
• տվյալ գործատուն հանրային ծառայություն իրականացնող պետական կառավարման համակարգի մարմին չէ։

Ընդ որում՝ աշխատանքի ընդունվող անձը պետք է հաշվառված լինի Միասնական սոցիալական ծառայության իր բնակության վայրը սպասարկող տարածքային կենտրոնում և ունենա գործազուրկի կարգավիճակ։

Պահանջվող փաստաթղթերը

Գործազուրկ աշխատակցին աշխատանքի ընդունելիս ֆինանսական փոխհատուցում ստանալու համար գործատուն առցանց դիմումին պետք է կցի հետևյալ փաստաթղթերը՝

• աշխատանքի ընդունվող՝ նախկինում գործազուրկ անձի հետ կնքված աշխատանքային պայմանագիրը,
• եկամուտների վերաբերյալ հաշվետվություն։

Տրամադրման ժամկետը և կարգը

Դիմումի հաստատման կամ մերժման դեպքում գործատուի անհատական օգտահաշվին և էլեկտրոնային փոստի հասցեին կուղարկվի ծանուցում։

Դիմումի հաստատման դեպքում գործատուին կտրամադրվի միանվագ ֆինանսական աջակցություն աշխատանքի ընդունված յուրաքանչյուր անձի համար՝

• 250,000 ՀՀ դրամի չափով,
• կամ 350,000 դրամի չափով, եթե աշխատանքի ընդունվող անձը ընտանեկան կամ սոցիալական նպաստ է ստանում։