Առաջնահերթությունը տրվում է․

• սեփական բնակարան չունեցող զինծառայողներին,
• ժամանակավոր բնակավայրերում բնակվողներին,
• 7 քմ-ից պակաս բնակելի մակերես բնակելի տարածք ունեցող զինծառայողներին,
• բազմանդամ ընտանիք ունեցող զինծառոյողներին։

Ֆինանսական աջակցության չափը հաշվարկվում է նախորդող եռամսյակի շուկայական միջին արժեքների հիման վրա՝ համաձայն ՀՀ անշարժ գույքի կադաստրի պետական կոմիտեի տվյալների։

Բնակարանային ապահովման աջակցությունը տրամադրվում է դիմումը հանձնաժողովի անդամների կողմից ուսումնասիրվելուց հետո մինչև 3 ամսվա ընթացքում։

Միանվագ ֆինանսական հատուցում ստանալու համար անհրաժեշտ է դիմել ՀՀ Պաշտպանության նախարարության զինծառայողների սոցիալական պաշտպա­նության վարչություն՝ ներկայացնելով պահանջվող փաստաթղթերը։

Միանվագ դրամական աջակցություն ստանալու համար կարող են դիմել՝

• զինհաշմանդամները,
• զոհված, անհայտ կորած և դատական կարգով մահացած ճանաչված զինծա­ռայողների ծնողները, ամուսինը և զավակները:

Ուշադրություն

• Զինծառայողը կզրկվի աջակցություն ստանալու հնարավորությունից, եթե նրա մահը կամ հաշմանդամությունը հետևանք է այնպիսի արարքի, որը նա գիտակցաբար կատարել է՝ խախտելով օրենքը:
• «Եռաբլուր» պանթեոնում և այլ եղբայրական գերեզմանոցներում հուղարկավորվածների համար այս հատուցումը չի տրվում։

Շահառուները կամ նրանց լիազորված ներկայացուցիչները դիմումը և անհրաժեշտ փաստաթղթերը պետք է ներկայացնեն՝ անձամբ ներկայացնելով ՀՀ ՊՆ զինծառայողների սոցիալական պաշտպանության վարչություն կամ փոխանցելով հետևյալ կառույցների միջոցով․

• ՀՀ պաշտպանության նախարարության զորակոչային և զորահավաքային համալրման տարածքային ստորաբաժանումներ (զինկոմիսարիատ),
• տարածքային կառավարման մարմիններ (օրինակ՝ մարզպետարան),
• տեղական ինքնակառավարման մարմիններ (օրինակ՝ համայնքապետարան)։

Ծրագրի կարող են դիմել՝

• առաջին կամ երկրորդ խմբի հաշմանդամություն ստացած զինծառայողները,
• զոհված կամ անհայտ կորած զինծառայողների ընտանիքների անդամները։

Ընտանիքի անդամ է․

• զինծառայողի ամուսինը,
• զինծառայողի զավակը/զավակները,
• զինծառայողի ծնողը/ծնողները,
• որոշ դեպքերում՝ զինծառայողի քույրը և եղբայրը (եթե՝ 18 տարին չլրացած են, անգործունակ են ճանաչված, մինչև 23 տարեկան առկա ուսուցմամբ սովորող ուսանող են, կամ հաշմանդամություն ունեն),
• զինծառայողի հետ չամուսնացած, բայց համատեղ զավակ ունեցող անձը,
• հատուկ դեպքերում՝ զինծառայողի խնամքի տակ եղած անձը կամ նրան խնամած անձը (դատական կարգով հաստատված)։

Առաջին կամ երկրորդ խմբի հաշմանդամ զինծառայողների համար

• բժշկասոցիալական փորձաքննության տեղեկանքը,
• ՀՀ պաշտպանության նախարարության կենտրոնական ռազմաբժշկական փորձաքննական կենտրոնի եզրակացությունը,
• անձնագիրը կամ նույնականացման քարտը,
• սոցիալական քարտը,
• բնակության հաշվառման վայրի վերաբերյալ տեղեկանք։

Զոհված անհայտ կորած զինծառայողների ընտանիքների համար

• զինծառայողի մահվան վկայականը կամ անհայտ բացակայող/մահացած ճանաչելու վերաբերյալ դատարանի վճիռը,
• զինծառայողի ծննդյան վկայականը,
• ամուսնության վկայականը (եթե կիրառելի է),
• երեխաների ծննդյան վկայականները (եթե կիրառելի է),
• ընտանիքի անդամների անձնագրերը/նույնականացման քարտերը, հանրային ծառայությունների համարանիշները,
• ընտանիքի բոլոր անդամների բնակության հաշվառման վայրի վերաբերյալ տեղեկանքներ,
• հուղարկավորման վայրից տեղեկանք (եթե կիրառելի է),
• այլ փաստաթղթեր (օրինակ՝ ամուսնալուծության վկայական, հայրության ճանաչման վկայական և այլն)։

Շահառուներին տրամադրվում են.

• միանվագ վճարներ
• ամսական վճարներ

Վճարների չափը սահմանվում է օրենսդրությամբ և իրականացվում են Զինծառայողների ապահովագրության ազգային հիմնադրամի՝«Զինապահ»-ի կողմից։

Ֆինանսական փոխհատուցումը տրամադրվում է դիմումը ուսումնասիրելուց հետո։ Տրամադրման ժամկետի մասին «Զինապահ» հիմնադրամը լրացուցիչ կտեղեկացնի շահառուին։

Աջակցություն ստանալու համար գրավոր դիմումը և պահանջվող փաստաթղթերը անհրաժեշտ է ներկայացնել ՀՀ աշխատանքի և սոցիալական հարցերի նախարարություն (հասցե՝ ՀՀ, ք. Երևան Կառավարական 3 տուն)։

Ծրագրի շահառու կարող են դառնալ զինծառայողների ծնողները, ում զավակները զոհվել են կամ համարվել անհայտ կորած ՀՀ պաշտպանության մարտական գործողություններին մասնակցելիս կամ մահացել են այդ գործողություններին ստացած վնասվածքների հետևանքով։

Երկարամյա ծառայության զինվորական կենսաթոշակ ստանալու համար կարող է դիմել այն նախկին զինծառայողը, ով․

• ունի առնվազն 20 տարի զինվորական ծառայության ստաժ,
  ծառայությունից սահմանված կարգով է արձակվում,
• ահմանային տարիքի հասնելու կամ պայմանագրի ավարտի պատճառով է արձակվում,
• ունի առնվազն 25 տարի ընդհանուր աշխատանքային ստաժ և այդ ստաժից առնվազն 12,5 տարին զինվորական ծառայության է։

Հաշմանդամության զինվորական կենսաթոշակ ստանալու համար կարող է դիմել այն նախկին զինծառայողը, ով․

• հաշմանդամ է ճանաչվել բժշկասոցիալական փորձաքննության կողմից,
• հաշմանդամություն է ստացել ծառայության ընթացքում կամ ծառայությունից արձակվելուց հետո 5 տարվա ընթացքում։

5 տարուց ուշ կարող են դիմել այն զինծառայողները, որոնք հաշմանդամություն են ստացել ծառայության ընթացքում ծագած հիվանդության կամ ստացած վնասվածքի պատճառով։

Կերակրողին կորցնելու կենսաթոշակ ստանալու համար կարող է դիմել նախկին զինծառայողի ընտանիքի անդամը։

Երեխա

• սովորում է ցերեկային ուսուցմամբ և 18-26 տարեկան է,
• ունի հաշմանդամության կարգ,

Ամուսին և ծնողներ

• հասել են կենսաթոշակի տարիքի կամ հաշմանդամ են ճանաչվել

Քույրերը և եղբայրները, որոնց․

• 18 տարին չի լրացել և եղել են զինծառայողի խնամքի տակ, 
• հաշմանդամությունը ճանաչվել է մինչև 18 տարեկանը։