• Փոխնակ մոր ծառայությունների և ձվաբջջի դոնորի ձեռքբերման աջակցության ծրագիրը նախ իրականացվում է ՀՀ առողջապահության նախարարության միջոցով։ Այսինքն՝ նախ պետք է դիմել Առողջապահության նախարարություն, ընտրել այն բժշկական հաստատությունը, որտեղ ցանկանում եք անցկացնել վերարտադրողական գործողությունները։
• Համապատասխան բուժզննումներն անցնելուց հետո նշանակվում է աջակցություն, որից հետո ձեր տվյալները բժշկական հաստատության կողմից փոխանցվում են ՀՀ առողջապահության նախարարություն։
• Նախարարությունը գրություն է ուղարկում ՀՀ աշխատանքի և սոցիալական հարցերի նախարարություն՝ նշելով ծնողների և բժշկական հաստատության տվյալները, փոխհատուցման ենթական չափը և այլն։
• Այս գործընթացներից հետո արդեն ծնողներից մեկը պետք է գրավոր դիմում ներկայացնի իր անունից ՀՀ աշխատանքի և սոցիալական հարցերի նախարարություն իրականացված կամ իրականացվելիք բժշկական միջամտությունների համար փոխհատուցում ստանալու համար։

Ֆինանսական փոխհատուցում ստանալու համար կարող եք դիմել թե՛ մինչև երեխայի ծնունդը, թե՛ երեխայի ծնվելուց հետո՝ մինչև 6 ամսվա ընթացքում։

Այո, կարող եք դիմել միայն փոխնակ մոր ծառայությունների փոխհատուցման համար, եթե օգտվել եք վերարտադրողական բուժօգնությունից 2021 թվականի հունվարի 1-ից հետո։
Դոնորական ձվաբջջի ձեռքբերման համար ծախսերը չեն փոխհատուցվում:

Փոխհատուցում ստանալու համար դիմող ծնողը գրավոր դիմում է ներկայացնում Աշխատանքի և սոցիալական հարցրեի նախարարություն։

Դիմումում նշվում են՝

• դիմող շահառու ծնողի (ում պետք է նշանակվի և վճարվի փոխհատուցումը) և զոհված զինծառայողի անունը, ազգանունը, հայրանունը,
• բնակության վայրի կամ հետադարձ կապի էլեկտրոնային փոստի հասցեն (առկայության դեպքում) և բջջային հեռախոսահամարը։

Փոխհատուցում ստանալու համար տեղում լրացվում է դիմում, որին կից անհրաժեշտ է ներկայացնել հետևյալ փաստաթղթերը․

• ծնողներից յուրաքանչյուրի անձը հաստատող փաստաթուղթը,

• հանրային ծառայությունների համարանիշի (ՀԾՀ) կամ հանրային ծառայությունների համարանիշ չստանալու մասին տեղեկանքի պատճենը,

• դիմող ծնողի բանկային տվյալները, որը հավաստող փաստաթուղթն անհրաժեշտ է ստանալ բանկից, 

• առողջապահության նախարարի հրամանի պատճենը արտամարմնային բեղմնավորումը պետական պատվերի շրջանակներում իրականացնելու վերաբերյալ,

• փոխնակ մոր հղիության ժամկետի վերաբերյալ բժշկական կազմակերպության տված տեղեկանքը (եթե դիմումը ներկայացվում է մինչև երեխայի ծնվելը),

• փոխնակ մոր հետ կնքված և նոտարական կարգով վավերացված պայմանագրի բնօրինակը,

•  եթե դիմումը ներկայացվում է երեխայի ծնվելուց հետո՝ վերարտադրողականության օժանդակ տեխնոլոգիաների կիրառման արդյունքում ծնված երեխայի ծննդյան վկայականի պատճենը,

• զինծառայողի զոհվելու մասին տեղեկանքը։

Ըստ անհրաժեշտության՝ ներկայացվում են նաև՝

• զինվորական ծառայությունից արձակվելուց հետո մահացած զինծառայողի մահվան պատճառական կապի մասին բժշկասոցիալական տեղեկանքը` մարտական գործողությունների ժամանակ ստացած վնասվածքի կամ խեղման կամ ձեռք բերած հիվանդության պատճառով զինծառայողի մահացած լինելու վերաբերյալ,

• զինծառայողին անհայտ բացակայող կամ մահացած ճանաչելու վերաբերյալ վճռի պատճենը՝ ըստ անհրաժեշտության։

Դիմումը հաստատվում է դիմումը ներկայացնելուց հետո 15 աշխատանքային օրվա ընթացքում։ 

Դիմումը մերժվում է, եթե․

• ներկայացված տվյալները թերի են կամ ոչ հավաստի,
• դիմումը ստորագրված չէ դիմող ծնողի կողմից,
• դիմում ներկայացրած անձը ծառայություններից օգտվել է մինչև 2021 թվականի հունվարի 1-ը կամ զոհված զինծառայողի ծնող չէ,
• դիմող ծնողը կամ երեխան օրվա դրությամբ հաշվառված չէ ՀՀ բնակության վայրի հասցեով,
• դիմող ծնողը կամ երեխան կամ փոխնակ մայրը դիմելու օրվա դրությամբ մահացած է,
• դիմումը ներկայացվել է երեխայի ծնվելու ամսվանից հետո՝ 6 ամսվա անց, իսկ մինչև 2022 թվականի օգոստոսի 1-ը ծնված երեխաների դեպքում՝ դեկտեմբերի 10-ից հետո։
• փոխնակ մոր ծառայություններից օգտվելու համար փոխհատուցում տրամադրելու համար արդեն առկա է ծնողների ներկայացրած առնվազն 2 չմերժված դիմում,
• դոնորական ձվաբջջի ձեռքբերման համար փոխհատուցում տրամադրելու համար արդեն առկա է գրության մեջ նշված՝ շահառու ծնողների առնվազն 2 չմերժված դիմում,
• ՀՀ աշխատանքի և սոցիալական հարցերի նախարարությունը չի ստացել գրությունը ՀՀ առողջապահության նախարարությունից։

Փոխնակ մոր ծառայությունների և դոնորական ձվաբջջի ձեռքբերման ֆիանանսական փոխհատուցում ստանալու համար կարող եք դիմել առավելագույնը 2 անգամ։

Փոխնակ մոր ծառայության աջակցության չափերն են․

• առավելագույնը 8,000,000 դրամ` առաջին փորձի համար,
• առավելագույնը 2,750,000 դրամ` երկրորդ փորձի համար:

Հիշեցնենք, որ ծառայությունից հնարավոր է օգտվել առավելագույնը 2 անգամ։

• Եթե երեխան արդեն ծնվել է, վճարումը կատարվում է միանվագ, իսկ եթե փոխնակ մայրը դեռ հղի է, ապա վճարումը կատարվում է ամսական 150,000 դրամ (մինչև ծննդաբերությունը)։
• Եթե երեխան մահացել է, ապա վճարվում է սահմանված գումարի և ամսական վճարված գումարների հանրագումարի տարբերության 40%-ի չափով՝ մահվան մասին բժշկական տեղեկանքի հիման վրա։

Դոնորական ձվաբջջի ձեռքբերման աջակցության առավելագույն չափը 600,000 դրամ է։ Աջակցությունից հնարավոր է օգտվել 2 անգամ։

Դոնորական ձվաբջջի ձեռբերման ծախսերի համար ՀՀ աշխատանքի և սոցաիալական հարցերի նախարարությունը վճարում է ծնողին կամ բժշկական կազմակերպությանը՝ կախված, թե ում միջոցներով է այն իրականացվել կամ իրականացվելու։

Դոնորական ձվաբջջի ձեռքբերման ծախսերի համար փոխհատուցումը վճարվում է փոխհատուցման մասին որոշում կայացնելու հաճորդ օրը։

• Դոնորական ձվաբջջի ձեռքբերման ծախսերի համար փոխհատուցումը վճարվում է միանվագ՝ գրության մեջ նշված չափով՝ հաշվի առնելով նշված 600,000 դրամ առավելագույն չափը։ 
• Վճարումը կատարվում է բանկային փոխանցման միջոցով դիմողի բանկային հաշվեհամարին։