Ծրագրի շրջանակներում պետությունը տրամադրում է միանվագ ֆինանսական աջակցություն, որը նախատեսված է․

• ծառայողական պարտականությունները կատարելու ժամանակ կամ զինվորական ծառայության ընթացքում զոհված զինծառայողի ընտանիքի համար,
• զինվորական ծառայության ժամանակ զոհված զինծառայողի հուղարկավորության, գերեզմանների բարեկարգման, տապանաքարերի պատրաստման և տեղադրման հետ կապված ծախսերի փոխհատուցման համար,
• հաշմանդամության զինվորական կենսաթոշակի իրավունք ունեցող նախկին զինծառայողի և ծառայության ընթացքում զոհված զինծառայողի ընտանիքների անդամների համար։

ԶԻՆԱՊԱՀ Զինծառայողների ապահովագրության ազգային հիմնադրամը կայուն ֆինանսական հատուցումներ է տրամադրում հայրենիքի սահմանները պաշտպանելիս զոհված կամ անհայտ բացակայող ճանաչված զինծառայողների ընտանիքներին և խորը կամ ծանր աստիճանի ֆունկցիոնալ սահմանափակումով հաշմանդամություն ձեռք բերած կամ  1-ին ու 2-րդ խմբի  զինծառայողներին: