Սփյուռք

Հայաստանի Հանրապետության սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնը հայրենադարձների համար անցկացնում է իրազեկման և ինտեգրման անվճար սեմինար-դասընթացներ՝ 10 փուլով: 

Հայաստանի Հանրապետության սփյուռքի գործերի գլխավոր հանձնակատարի գրասենյակը հայրենիք վերադարձող հայերի համար կազմակերպում է հայոց լեզվի անվճար դասընթացներ:

Օտարերկրյա պետությունից ՀՀ մշտական բնակության տեղափոխվող հայերը կարող են իրենց անձնական իրերն ու ապրանքները Հայաստան ներմուծել արտոնյալ պայմաններով՝ առանց մաքսատուրք վճարելու։ Այս արտոնությունից օգտվելու համար հնարավոր է դիմել 2 եղանակով՝

• ուղարկելով նամակ Պետական եկամուտների կոմիտեի էլեկտրոնային փոստի հասցեին,
• ֆիզիկապես՝ այցելելով Արարատյան տարածքային մաքսատուն (հասցե՝ Երևան 0082, Ծովակալ Իսակովի պողոտա 10) կամ Պետական եկամուտների կոմիտե (հասցե՝ Երևան 0015, Մովսես Խորենացու 3)։

Հայաստան տեղափոխվող հայերը կարող են ստանալ աջակցություն Հայրենադարձության և ինտեգրման կենտրոնից հայրենիք տեղափոխությանն առնչվող բոլոր հարցերում։ 

ՀՀ վերադարձող քաղաքացիների վերաինտեգրմանն ուղղված աջակցության ծրագրի նպատակն է օգնել Հայաստան վերադարձող ՀՀ քաղաքացիներին անհրաժեշտ տեղեկատվությամբ և կացարանով։