«Ամրագրել այց» կոճակը սեղմելուց հետո անհրաժեշտ է՝

• «Հաշվառման քննական ծառայություններ» պատուհանում սեղմել «Մուտք» կոճակը և լրացնել հանրային ծառայությունների համարանիշը (նույնականացման քարտի հակառակ կողմի 10 նիշանոց թիվը կամ սոցիալական քարտի համարը) և հեռախոսահամարը,

• նշել ծառայության տարբերակը՝ «Վարորդական վկայականի փոխանակում (այդ թվում՝ կորած)»,

• նշել նախընտրելի հաշվառման-քննական բաժինը (ՀՔԲ),

• ընտրել այցելության օրն ու ժամը,

• մուտքագրել էլեկտրոնային փոստի հասցեն,
• սեղմել «Ամրագրել կտրոն» կոճակը։

Այցի ամրագրումից հետո էլեկտրոնային փոստի հասցեին կուղարկվի կոդ, որի միջոցով հնարավոր կլինի տեղում ակտիվացնել հերթագրումը։

Վճարման չափը և կարգը

Վարորդական վկայական ստանալու կամ վկայականը փոխանակելու համար անհրաժեշտ է վճարել 12,000 դրամ։ Վճարումը հնարավոր է կատարել հետևյալ եղանակներով՝

• առցանց՝ e-payments համակարգի միջոցով,
• կատարելով բանկային փոխանցում ՀՀ պետական բյուջեի 900005016317 հաշվեհամարին։ Փոխանցման նպատակի դաշտում պետք է նշել «Վարորդական վկայական ստանալու համար» (Եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը),
•  տեղում՝ վճարային տերմինալի միջոցով։

Տրամադրման ժամկետը և կարգը

Նախընտրելի ՀՔԲ-ի ծանրաբեռնվածության պատճառով հնարավոր է մի քանի օր սպասելու կարիք լինի։ Նշված կոնտակտային տվյալների միջոցով դիմողին կտեղեկացվի հաշվառման-քննական բաժին այցելելու օրվա և ժամի մասին` վկայականը ստանալու համար։

Հղում օրենսդրությանը

• ՀՀ կառավարության՝ 2008 թվականի սեպտեմբերի 18-ի N 1158-Ն որոշում

• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։