Տեսական քննությանը հերթագրվելու համար անհրաժեշտ է․

• այցելել www.roadpolice.am,

• սեղմել «Վարորդական վկայական» կոճակը, որը գտնվում է էկրանի կենտրոնում,

• բացված պատուհանում ընտրել հարմար հաշվառման քննական բաժինը (ՀՔԲ), որտեղ դիմումատուն ցանկանում ես հանձնել տեսական քննությունը՝ անկախ նրանից, թե ՀՀ-ում որտեղ է հաշվառված։ Հետագայում գործնական քննությունը դիմումատուն հանձնելու է նույն ՀՔԲ-ում, որտեղ հանձնել է տեսական քննությունը,

• ընտրել քննության տեսակը, այս դեպքում՝ տեսական,

• լրացնել հանրային ծառայությունների համարանիշը (ՀԾՀ),

• լրացնել հեռախոսահամարը,

• սեղմել «Հերթագրվել» կոճակը։

Այս գործողությունները կատարելուց և հաջողությամբ հերթագրվելուց հետո այդ մասին էկրանին ամիջապես կհայտնվի ծանուցում։ 

Նախընտրելի ՀՔԲ-ի ծանրաբեռնվածության պատճառով գուցե մի քանի օր սպասելու կարիք լինի։ Տեսական քննության անցկացման առնվազն նախորդ օրը դիմումատուն կստանա հաղորդագրություն քննության օրվա և ժամի վերաբերյալ։

Վճարման չափը և կարգը

Տեսական քննության մասնակցության համար անհրաժեշտ է վճարել 3,000 ՀՀ դրամ պետական տուրք։

Վճարումն իրականացվում է հետևյալ եղանակներից մեկով՝

• E-payments համակարգի միջոցով,

• բանկային փոխանցման միջոցով ՀՀ պետական բյուջեի հաշվեհամարին՝ 900005163218։ Փոխանցման նպատակի դաշտում պետք է նշել «Որակավորման տեսական, գործնական յուրաքանչյուր քննությունն ընդունելու համար» (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը)։
  
  

Տրամադրման ժամկետը և կարգը

Տեսական քննությունը հաջողությամբ հանձնելուց հետո 12 ամսվա ընթացքում պետք է հերթագրվել և հանձնել նաև գործնական քննություն։ Նշված ժամկետը լրանալուց հետո գործնական քննությունը չհանձնելու դեպքում անհրաժեշտ կլինի ևս մեկ անգամ տեսական քննություն հանձնել։

Հղում օրենսդրությանը

• ՀՀ կառավարության՝ 2008 թվականի սեպտեմբերի 18-ի N 1158-Ն որոշում։

• «Պետական տուրքի մասին» ՀՀ օրենք։

Իրավական ակտերը հնարավոր է գտնել arlis.am-ում։