Գրանցումը Երևանի մանկապարտեզներում

Երեխային մանկապարտեզում հերթագրելու համար «Շարունակել» կոճակը սեղմելուց հետո անհրաժեշտ է՝

Քայլ 1․ Գրանցվել

• սեղմել էջի վերևի աջ անկյունում գտնվող «Գրանցվել» կոճակը,

• մուտքագրել տվյալները և սեղմել «Գրանցվել» կոճակը,

• բացվող պատուհանում լրացնել բջջային հեռախոսահամարը,

• բջջային հեռախոսահամարին կուղարկվի ծածկագիր․ անհրաժեշտ է այն մուտքագրել հաջորդ բացվող պատուհանում և սեղմել «Հաստատել» կոճակը։

Քայլ 2․ Հերթագրել երեխային
Երեխային առցանց հերթագրելու համար այցելել գլխավոր էջ, ընտրել  4-րդ՝ «Առցանց հերթագրում» տարբերակը և բացվող էջում լրացնել հետևյալ տվյալները՝ 

1․ Երեխայի ծննդյան վկայական

• ՀՀ քաղաքացիների համար լրացվում է վկայականի սերիան և համարը՝ 2 հայերեն տառ 6 թվային նիշ հաջորդականությամբ՝ առանց բացատի, օրինակ՝ ԱԲ000000։

• ՀՀ ծննդյան վկայականի բացակայության դեպքում լրացվում է ՀՀ հանրային ծառայությունների համարանիշը 10 թվային նիշ հաջորդականությամբ, օրինակ՝ 0123456789։

• անձը հաստատող այլ փաստաթուղթ ներկայացնելիս լրացվում է տվյալ փաստաթղթի սերիան և համարը, օրինակ՝ անձնագիր՝ AN0000000, ՌԴ ծննդյան վկայական՝ IV-МЮ000000։  

2․ Երեխայի ծննդյան վկայականի տրման ամսաթիվ
3․ Երեխայի ծննդյան տվյալներ՝ օր/ամիս/տարի

Ստուգման էջը հաջողությամբ լրացնելուց հետո բացված տվյալների մուտքագրման էջում.

• ընտրել մանկապարտեզ,
• հայերեն նիշերով լրացնել բոլոր դաշտերը,
• կցել պահանջվող փաստաթղթերի պատճենները (ձևաչափը` JPG, JPEG, PNG, ծավալը՝ մինչև 5 MB)

Կցել հետևյալ փաստաթղթերը՝

• երեխայի ծննդյան վկայականը կամ հանրային ծառայությունների համարանիշի մասին տեղեկանքը,
• ծնողի անձը հաստատող փաստաթուղթ՝ անձնագիր (1-ին էջը) կամ նույնականացման քարտ,
• հաշվառումը հիմնավորող փաստաթուղթ՝ անձնագիր (2-րդ էջը) կամ հանրային ծառայությունների համարանիշի տեղեկանք կամ ոստիկանության անձնագրային բաժանմունքի կողմից տրված հաշվառման տեղեկանք:

Քայլ 4. Հետևել դիմումի կարգավիճակին

Առցանց դիմումը հաջողությամբ ուղարկելուց հետո այն մշակման փուլ է անցնում և հաստատվում կամ մերժվում է 2 աշխատանքային օրվա ընթացքում: Դիմումի կարգավիճակին հնարավոր է հետևել օգտատիրոջ  էջի «Դիմումներ» բաժնում:

• Կարգավիճակ «Ուղարկված». դիմումը դեռ մշակման փուլում է:
• Կարգավիճակ «Հաստատված». այս դեպքում էլեկտրոնային փոստի հասցեին դիմորդը ծանուցում է ստանում, ինչպես նաև կարողանում է կայքի «Հերթագրված երեխաներ» բաժնում հետևել երեխայի հերթին:
• Կարգավիճակ «Մերժված». այս դեպքում էլեկտրոնային փոստի հասցեին դիմորդը ծանուցում է ստանում, որտեղ նշվում է մերժման պատճառը: Այն հնարավոր է տեսնել նաև օգտատիրոջ  էջի «Դիմումներ» բաժնում տվյալ դիմումի կարգավիճակի «Մեկնաբանություն» հղումով:

Ուշադրություն
Երեխայի գրանցումը կատարվում է միայն մեկ անգամ: Հնարավոր չէ նույն երեխային միաժամանակ գրանցել մի քանի մանկապարտեզում:

Գրանցումը մարզերի մանկապարտեզներում 

Երեխային մանկապարտեզում հերթագրելու համար անհրաժեշտ է․

• ստորև ներկայացված ցուցակից ընտրել քաղաքը կամ գյուղը,

• հղումով բացված առցանց հերթագրման էջում լրացնել երեխայի վերաբերյալ տվյալները։

Երեխային հերթագրելու համար հնարավոր է օգտվել ուղեցույցից՝ սեղմելով դիմումի էջում տեղադրված տեղեկատվական կոճակը (i):


Արագածոտնի մարզ

• Աշտարակ

• Ապարան

• Թալին

• Ծաղկահովիտ

Արարատի մարզ

• Արարատ

• Արտաշատ

• Մասիս

• Վեդի

Արմավիրի մարզ

• Արաքս

• Արմավիր

• Բաղրամյան

• Խոյ

• Էջմիածին

• Փարաքար

Լոռվա մարզ

• Ալավերդի

• Գյուլագարակ

• Թումանյան

• Լերմոնտովո

• Լոռի Բերդ

• Սպիտակ

• Ստեփանավան

• Վանաձոր

• Տաշիր

• Փամբակ

Գեղարքունիքի մարզ

• Գավառ

• Ճամբարակ

• Մարտունի

• Սևան

• Վարդենիս

Կոտայքի մարզ

• Աբովյան

• Արզնի

• Բյուրեղավան

• Գառնի

• Ծաղկաձոր

• Հրազդան

• Եղվարդ

• Չարենցավան

• Ջրվեժ

Շիրակի մարզ

• Ախուրյան

• Ամասիա

• Աշոցք

• Արթիկ

Սյունիքի մարզ

• Գորիս

• Կապան

• Մեղրի

• Սիսիան

• Տաթև

• Քաջարան

Վայոց ձորի մարզ

• Արենի

• Եղեգնաձոր

• Ջերմուկ

• Վայք

Տավուշի մարզ

• Դիլիջան

• Իջևան

• Նոյեմբերյան