Ամուսնության առցանց գրանցման համար «Շարունակել» կոճակը սեղմելուց հետո անհրաժեշտ է՝ 

• անցնել «ԵսԵմ» նույնականացում, 
• լրացնել հայտ ներկայացնողի և ապագա ամուսնու կամ կնոջ անձնական տվյալները,
• հաստատել ամուսնական զույգի ընտանեկան կարգավիճակը,
• ազգանունների փոփոխման էջում ամուսիններից յուրաքանչյուրը կարող է ընտրել մյուսի ազգանունը (փոփոխման դեպքում ամուսինները պետք է կրեն նույն ազգանունը),
• ընտրել ամուսնության գրանցման նախընտրելի օր, հաստատել և ստորագրել (էլեկտրոնային) հայտը,
• էլեկտրոնային փոստի միջոցով ծանուցել մյուս ամուսնուն,
• հանձնել հայտը՝ ամուսինների ստորագրությունների առկայության դեպքում։

Ներկայացվող պահանջներ

Ամուսնության առցանց գրանցման ծառայությունից օգտվելու համար անհրաժեշտ է՝

• լինել 18 տարին լրացած ՀՀ քաղաքացի,
• ունենալ «ԵսԵմ» նույնականացում:
  
  

Պահանջվող տվյալները

Ամուսնության առցանց գրանցման համար անհրաժեշտ են ամուսնացող անձանց հանրային ծառայության համարանիշները (սոցիալական քարտի համար)։

Վճարման չափը և կարգը

• Ամուսնության պետական գրանցումն անվճար է։
• Ամուսնության հանդիսավոր կերպով գրանցումը կարող է արժենալ մինչև 60,000 դրամ։ Հանդիսավոր արարողությամբ գրանցելու դեպքում սահմանված են արժեքներ։
  
  

Տրամադրման ժամկետը և կարգը

• Ամուսնության պետական գրանցումը կատարվում է հայտը ներկայացնելուց հետո հաջորդ աշխատանքային օրը (ամենաշուտը) կամ հայտը ներկայացնելուց հետո 6 ամսվա ընթացքում (ամենաուշը)։
• Այսինքն՝ ամուսնինները ազատ են ընտրելու ցանկացած օր՝ դիմումում նշված հաջորդ աշխատանքային օրվանից սկսած մինչև 6 ամիս ժամանակահատվածում։
• Ամուսնության վկայականն ուղարկվում է հայտ ներկայացնողի էլեկտրոնային փոստի հասցեին։

Հղում օրենսդրությանը

• «Քաղաքացիական կացության ակտերի մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է տեսնել arlis.am-ում (անհրաժեշտ է կարդալ ակտերի վերջին տարբերակները)։