Ներկայացվող պահանջները

Հաշվետվությունների ներկայացման էլեկտրոնային համակարգում գրանցվելու համար անհրաժեշտ է ունենալ․

• անձը հաստատող փաստաթուղթ,
• ԱՁ-ի կամ կազմակերպության հարկ վճարողի հաշվառման համար (ՀՎՀՀ),
• հանրային ծառայությունների համարանիշ (ՀԾՀ),
• հեռախոսահամար,
• ակտիվացված էլեկտրոնային ստորագրություն,
• բջջային ID SIM քարտ կամ նույնականացման քարտ և նույնականացման քարտն ընթերցող սարք։

Ուշադրություն
Առցանց լիազորը կարող է միայն կառավարել հարկ վճարողի օգտվողների լիազորությունները։ Որպես լիազոր հնարավոր չի լինի հաշվետվություն ներկայացնել․ անհրաժեշտ է լինել օգտվող։

Հարկ վճարողը կարող է ունենալ միայն մեկ ակտիվ լիազոր (լիազորված անձ)։ Նոր լիազոր գրանցելու և ակտիվացնելու դեպքում նախկին լիազորի հասանելիությունը ապաակտիվանում է։ 

Ինչպե՞ս գրանցվել

Որպես լիազոր գրանցվելու համար «Շարունակել» կոճակը սեղմելուց հետո անհրաժեշտ է կատարել հետևյալ քայլերը․

• սեղմել «Ներկայացնել հայտ» կոճակը,
• մուտքագրել էլեկտրոնային փոստի հասցե, որին կուղարկվի ակտիվացման հղում,
• անցնել այդ հղումով՝ հաստատելով էլեկտրոնային փոստի հասցեն,
• բացվող էջում լրացնել պահանջվող տվյալները,
• ներբեռնել պայմանագիրը,
• թվային եղանակով ստորագրել պայմանագիրը (ստորագրման եղանակը ներկայացված է ստորև),
• ստորագրված պայմանագիրը վերբեռնել Հաշվետվությունների ներկայացման էլեկտրոնային համակարգի գրանցման էջ։

Գրանցումը հաջողությամբ ավարտելուց հետո էլեկտրոնային պայմանագիրը, մուտքանունն ու գաղտնաբառը կուղարկվեն նշված էլեկտրոնային փոստի հասցեին։ Այդ մուտքանունով և գաղտնաբառով լիազորը կարող է մուտք գործել համակարգ։

Թվային եղանակով ստորագրելու համար անհրաժեշտ է՝

• ներբեռնել DesktopSigner հավելվածը,
• մուտք գործել «ԵսԵմ» համակարգի միջոցով,
• վերբեռնել պայմանագիրը հավելվածում, սեղմել «Visible signature» նշանը,
• պայմանագրում նշել այն հատվածը, որտեղ տեղադրվելու է ստորագրությունը, սեղմել էջի վերին հատվածում գտնվող «Save and Close» կոճակը, այնուհետև՝ «Sign» կոճակը,
• հեռախոսի էկրանին հայտնվող էջում մուտքագրել անվտանգության կոդը, և պայմանագիրը կստորագրվի թվային եղանակով։

Նույնականացման քարտով և քարտն ընթերցող սարքով ստորագրելու համար անհրաժեշտ է հետևել քայլերին։

Որպես օգտվող գրանցվելու համար անհրաժեշտ է․

• մուտք գործել «Օգտվողի տվյալներ» բաժին և սեղմել «Նոր օգտվող» կոճակը,
• ընտրել օգտվողի ստորագրության տեսակը, լրացնել նրա տվյալները և սեղմել «Պահպանել» կոճակը,
• «Օգտվողի տվյալներ» բաժնի «Գործողություններ» դաշտում սեղմել բանալիի տեսքով «Լիազորություններ» կոճակը,
• ընտրել տվյալ օգտվողի համապատասխան լիազորությունները և սեղմել «Պահպանել» կոճակը,
• «Օգտվողի տվյալներ» բաժնի «Գործողություններ» դաշտում սեղմել «Ակտիվացնել» կոճակը,
• անցնել օգտվողի էլեկտրոնային փոստի հասցեին ուղարկված հղումով՝ օգտվողի էջն ակտիվացնելու համար։

Օգտվողի գրանցումը հաջողությամբ ավարտելուց հետո նրա էլեկտրոնային փոստի հասցեին կուղարկվի օգտվողի անունն ու գաղտնաբառը, որոնցով նա կարող է մուտք գործել համակարգ։