«ԵսԵմ» բջջային ID SIM քարտով թվային փաստաթղթեր ստորագրելու համար պարզապես անհրաժեշտ է բջջային հեռախոսի վրա հայտնվող պատուհանում լրացնել 6-նիշանոց ծածկագիրը, որը ստեղծվել է բջջային օպերատորի գրասենյակում։

Ստորև ներկայացված տեղեկատվությունը վերաբերում է էլեկտրոնային ստորագրությունը նույնականացման քարտով ակտիվացնելու հաջորդական քայլերին։

Նույնականացման քարտով էլեկտրոնային ստորագրությունն ակտիվացնելու համար անհրաժեշտ է «Շարունակել» կոճակը սեղմելուց հետո հետևել ուղեցույցի հաջորդական քայլերին՝

• ներբեռնել անհրաժեշտ ծրագրերը,
• ակտիվացնել նույնականացման քարտի PIN և PUK ծածկագրերը։
  
  

Ներկայացվող պահանջները

• ունենալ վավեր նույնականացման քարտ, որը տրամադրվել է մինչև 2023 թվականի փետրվարի 15-ը, ինչպես նաև քարտի PIN և PUK ծածկագրերը,

• ունենալ նույնականացման քարտն ընթերցող սարք։

Ուշադրություն
Թվային ստորագրության համակարգչային ծրագրերը հասանելի են միայն Windows օպերացիոն համակարգերով։

Վճարման չափը և կարգը

Թվային ստորագրության ծառայությունն անվճար է։

Տրամադրման ժամկետը և կարգը

«ԵսԵմ» բջջային ID SIM քարտի դեպքում էլեկտրոնային ստորագրությունն ակտիվանում է անմիջապես, իսկ նույնականացման քարտի դեպքում ծառայությունից հնարավոր է օգտվել համապատասխան ծրագրերը համակարգչում ներբեռնելուց հետո։ 

Հղում օրենսդրությանը

«Էլեկտրոնային փաստաթղթի և էլեկտրոնային թվային ստորագրության մասին» ՀՀ օրենք

Օրենքը հնարավոր է գտնել arlis.am-ում։