ՀՀ բարձր տեխնոլոգիական արդյունաբերության նախարարության կողմից մատուցվող ծառայությունների ցանկ

Փոստային կապի գործունեության լիցենզիան փոստային կապի գործունեությամբ զբաղվելու իրավունքը հաստատող պաշտոնական թույլտվություն է: Լիցենզիան կարող են ստանալ փոստային կապի և/կամ սուրհանդակային ծառայությունների (գործողություն կամ գործունեություն փոստային առաքանու ընդունման, մշակման, փոխադրման և հանձնման գծով) մատուցմամբ զբաղվող իրավաբանական անձինք և անհատ ձեռնարկատերերը:

Հայաստանի Հանրապետության բարձր տեխնոլոգիական արդյունաբերության նախարարության կողմից Հայաստանի Հանրապետությունում մարտական զենքի արտադրության լիցենզավորում:

Ծրագրի շրջանակում տրամադրվում է աջակցություն բարձր տեխնոլոգիաների ոլորտում գործունեություն իրականացնող տնտեսավարող սուբյեկտներին՝

• աշխատանքային միգրանտների (օտարերկրացիներ) համար,
• նոր աշխատողների ներգրավման համար,
• աշխատողների վերապատրաստման համար։

Պետությունը տնտեսավարող սուբյեկտին եռամսյակային կտրվածքով տրամադրում է աջակցություն միայն մասնագիտական աշխատանք կատարող աշխատակիցների համար վճարված եկամտային հարկի մի մասի չափով (ցանկը՝ այստեղ)։

Ուշադրություն
2026 թվականի առաջին եռամսյակի հայտերը կընդունվեն հունիսի 1-ից 30-ը:

Լիցենզավորման ենթակա տիեզերական գործունեությունը ներառում է տիեզերական օբյեկտների և (կամ) տեխնիկայի արտադրություն, վերանորոգում, արդիականացում, օտարում, տիեզերական տեխնիկայի օգտագործմամբ հետազոտությունների և (կամ) փորձարկումների իրականացում, երկրի հեռավար արբանյակային տվյալների ընդունում և մշակում, տիեզերական օբյեկտների արձակում, վայրէջքի և թռիչքի ընթացքում դրանց նկատմամբ կառավարում, տիեզերական ենթակառուցվածքների ստեղծում և շահագործում։

Ծառայությունը նախատեսված է արհեստական բանականության ոլորտում գործունեություն իրականացնող անձանց և կազմակերպությունների համար, որոնք բարձր արտադրողականությամբ հաշվողական ռեսուրսների կարիք ունեն (High-performance computing - HPC)։
Ծրագրի շրջանակում հայտ ներկայացնողները կարող են անվճար օգտվել անհրաժեշտ հաշվողական ռեսուրսներից՝ իրենց հետազոտությունները, նախագծերը կամ պրոդուկտները զարգացնելու համար։

Ծրագրին կարող են դիմել ուսանողներ, հետազոտողներ, ստարտափներ և բարձր տեխնոլոգիաների ոլորտում գործող կազմակերպություններ՝ սահմանված պահանջներին համապատասխան։