ՀԾՀ-ի միջոցով տրամադրված Cosign ստորագրությունը տրամադրվում է հետևյալ դեպքերում կիրառելու համար՝

• էլեկտրոնային փաստաթղթեր ստորագրելիս (word, excel, pdf),
• self-portal.taxservice.am կայքում, օրինակ՝ հայտարարագիր ներկայացնելիս,
• file-online.taxservice.am կայքում, օրինակ՝ հայտարարագիր ներկայացնելիս,
• e-request.am կայքում, օրինակ՝ պետական մարմիններին ուղղված դիմումներ ներկայացնելիս։

ՀՎՀՀ-ի միջոցով տրամադրված Cosign ստորագրությունը կիրառվում է միայն self-portal.taxservice.am կայքում, օրինակ՝ հայտարարագիր ներկայացնելիս։

Ներկայացվող պահանջներ

Էլեկտրոնային ստորագրություն ստանալու համար օտարերկրյա քաղաքացին պետք է ունենա ՀՀ-ում օրինական կացության իրավունք (կացության քարտ կամ հատուկ անձնագիր)։

Պահանջվող փաստաթղթեր 

Անհրաժեշտ է նախապես առցանց եղանակով ներկայացնել հետևյալ փաստաթղթերը

• Կացության քարտ կամ անձնագիր
• ՀԾՀ-ի կամ ՀՎՀՀ-ի մասին տեղեկանք
• Վճարման անդորրագիր

Վճարման չափը և կարգը

Էլեկտրոնային ստորագրության հավաստագիրը և ստորագրության սպասարկման ծառայությունը տրամադրվում է 3 տարի ժամկետով՝ ծառայության համար վճարը կազմում է 30,000 ՀՀ դրամ:

Վճարումն իրականացվում է բանկային փոխանցմամբ։ Փոխանցումն անհրաժեշտ է իրականացնել 1570004596000500 հաշվեհամարին՝ «Նպատակ» դաշտում նշելով « ՀԾՀ ԱՆՈՒՆ ԱԶԳԱՆՈՒՆ»։ 

Տրամադրման ժամկետը և կարգը 

Կախված դիմումի տարբերակից (ՀԾՀ կամ ՀՎՀՀ)՝ տրամադրման ժամկետը և կարգը տարբեր են։ 

Մանրամասները ներկայացված են ուղեցույցում։