Յուրաքանչյուր վարորդի տարեկան տրվում է 9 բալ (մայիսի 1-ից կտրվի 13 բալ)։ Եթե տարվա կտրվածքով իրավախախտում կատարես, ապա քեզ տրված բալերից կհանվեն տուգանային միավորներ, որոնց չափը որոշվում է՝ ելնելով խախտումների վտանգավորության աստիճանից ու քանակից։

Եթե գործող մեկ տարվա ընթացքում սպառես քո բոլոր 9 բալերը, ապա 6 ամսով կզրկվես ավտոմեքենա վարելու իրավունքից, ինչից հետո քեզ կրկին կտրվի 9 բալ։ 

Այս դեպքում դու կարող ես նշված ժամկետից շուտ վերադարձնել քո վարորդական իրավունքը․ դրա համար անհրաժեշտ է վարորդական իրավունքից զրկվելուց ոչ շուտ, քան 3 ամիս անց որակավորման տեսական քննություն հանձնել։

Եթե նույն տարում երկրորդ անգամ սպառես 9 բալը, ապա 1 տարով կզրկվես քո վարորդական իրավունքից, ինչից հետո ստիպված կլինես հանձնել տեսական և գործնական քննություններ և կրկին ստանալ վարորդական իրավունք։ 

Եթե քո հաշվին քիչ բալեր են մնացել, ապա կարող ես տարվա ընթացքում մեկ անգամ համալրել դրանք` հանձնելով տեսական քննություն և ստանալով 2 «բոնուսային» միավոր։

Եթե ավտոմեքենայի սեփականատերն ես, սակայն իրավախախտումը կատարել է մեկ այլ անձ, ով տվյալ պահին վարել է քո ավտոմեքենան, ապա իրավախախտման բալերը կհանվեն ոչ թե փաստացի վարորդի միավորներից, այլ քո, քանի որ ավտոմեքենայի սեփականատերը դու ես։

Նման խնդրից խուսափելու համար պարզապես անհրաժեշտ է roadpolice.am առցանց համակարգում վարորդին կցել ավտոմեքենային, և բալերը կպակասեն տվյալ վարորդի միավորներից։

Կկորցնես 0,5 բալ, եթե.

• ավտոմեքենան վարես անընթեռնելի համարանիշով, 

• խախտես կանգառի և կայանման կանոնները,

• քո սխալ կայանման կամ կանգառի պատճառով մեքենադ տարհանվի պահպանվող հատուկ տարածք։

Կկորցնես 1 բալ, եթե․ 

• խախտես խաչմերուկներում անցման կանոնները,

• խախտես հետիոտնային անցումների հատման կանոնները,

• խախտես վազանցի կանոնները,

• մանևր կատարես,

• խախտես հետընթաց վարման կանոնները,

• վարելիս հեռախոսով խոսես, ծխես,

• անվտանգության գոտին չամրակապես,

• առանց սաղավարտի վարես (մոտոցիկլետի դեպքում)։ 
  

Կկորցնես 2 բալ, եթե․

• թույլատրելի առավելագույն արագությունը գերազանցես 11–30 կմ/ժ–ով,

• համարանիշի առնվազն մեկ նիշը փակես,

• ճանապարհի բաժանարար գոտին չնախատեսված վայրերում հատես, 

• ձախ շրջադարձ կամ հետադարձ կատարես,

• ճանապարհային երթևեկության անվտանգության ապահովման կարգը խախտես և առաջացնես վթարային իրադրություն,

• լուսացույցի կամ կարգավորողի արգելող ազդանշանին չենթարկվես։ 
  

Կկորցնես 3 բալ, եթե․

• ավտոմեքենայի համարանիշն այլ անձի հանձնես,

• միակողմանի երթևեկությամբ ճանապարհով տրանսպորտային միջոցների հոսքին հակառակ, այդ թվում` հետընթաց վարես,

• հանդիպակաց երթևեկության գոտի դուրս գաս,

• թույլատրելի առավելագույն արագությունը գերազանցես 31–50 կմ/ժ–ով։ 

Կկորցնես 4 բալ, եթե․

• թույլատրելի առավելագույն արագությունը գերազանցես 51–80 կմ/ժ–ով։

Վարորդական իրավունքից զրկվելու համար պատճառ կարող են լինել՝

• ոչ սթափ վիճակում ավտոմեքենա վարելը,

• առանց թույլտվության ավտոմեքենայի վրա կարմիր և/կամ կապույտ փարոսիկների և հատուկ ձայնային ազդանշանների տեղադրումը,

• առանց համարանիշի կամ կեղծ համարանիշով ավտոմեքենա վարելը, 

• հանրային տրանսպորտի «դեղին» համարանիշերի անօրինական օգտագործումը, 

• ճանապարհային ոստիկանության տեսուչի` ավտոմեքենան կանգնեցնելու պահանջը չկատարելը, 

• թույլատրելի առավելագույն արագությունը գերազանցելը 81կմ/ժամով և ավելի

Ճանապարհատրանսպորտային երթևեկության կանոնների խախտման դեպքում գործում են վարչական տարբեր տուգանքներ, որոնց ցանկը կարող ես տեսնել այստեղ։

Փոքր կենտրոնում (Ա գոտի) կայանելու համար սահմանված են հետևյալ վճարները․

• 300 դրամ՝ 1 ժամվա համար,
• 2,000 դրամ՝ մեկ օրվա համար,
• 5,000 դրամ՝ մեկ շաբաթվա համար,
• 18,000 դրամ՝ 1 ամսվա համար,
• 160,000 դրամ՝ 1 տարվա համար:

Փոքր կենտրոնում ներառված փողոցների ցանկ

Կարող ես վճարել 2 տարբերակով․

• SMS հաղորդագրությամբ,
• բանկային կամ վճարային (տերմինալ) համակարգերով։
  
  

SMS հաղորդագրությամբ վճարելու համար

Ուղարկիր 1045 հեռախոսահամարին քո տրանսպորտային միջոցի համարանիշը լատինատառ և առանց միջակայքի։

Բանկային կամ վճարային համակարգերի միջոցով վճարելու համար

Կատարիր փոխանցում 900015002430 հաշվեհամարին՝ «Նպատակ» դաշտում նշելով տրանսպորտային միջոցի համարանիշը լատինատառ և առանց միջակայքի։

Փոքր կենտրոնից դուրս (Բ գոտի) կայանելու համար սահմանված են հետևյալ վճարները․

• 200 դրամ՝ 1 ժամվա համար,
• 1,000 դրամ՝ մեկ օրվա համար,
• 2,000 դրամ՝ մեկ շաբաթվա համար,
• 4,000 դրամ 1 ամսվա համար,
• 24,000 դրամ՝ 1 տարվա համար:

Փոքր կենտրոնում ներառված փողոցների ցանկ

Կարող ես վճարել 2 տարբերակով՝

• SMS հաղորդագրությամբ,
• բանկային կամ վճարային (տերմինալ) համակարգերով։
  
  

SMS հաղորդագրությամբ վճարելու համար

Ուղարկիր 5045 հեռախոսահամարին քո տրանսպորտային միջոցի համարանիշը լատինատառ և առանց միջակայքի։

Բանկային կամ վճարային համակարգերի միջոցով վճարելու համար

Կատարիր փոխանցում 900015211593 հաշվեհամարին՝ «Նպատակ» դաշտում նշելով տրանսպորտային միջոցի համարանիշը լատինատառ և առանց միջակայքի։

Թե՛ փոքր կենտրում, թե՛ դրա սահմաններից դուրս ավտոմեքենան կայանելու համար պետք է վճարել ժամը 9։00-ից 22։00-ն։ Իսկ այդ ժամերից առաջ և հետո կայանելն անվճար է։

Ընդ որում՝ մինչև 15 րոպե կայանելու դեպքում ևս վճար չի գանձվում, իսկ 15 րոպեից ավելի կայանելիս 1 ժամվա համար սահմանված 300 դրամը պետք է վճարել նախապես` կայանելու պահից սկսած 15 րոպեի ընթացքում։

Ավտոմեքենայի կայանումը 2 գոտիներում անվճար է․

• յուրաքանչյուր օր՝ ժամը 22։00-ից 9։00-ն,
• կիրակի օրերին,
• էլեկտրամոբիլների համար։