Վարորդի բալերը ստուգելու համար «Շարունակել» կոճակը սեղմելուց հետո անհրաժեշտ է՝ 

• սեղմել «ֆիզ․ անձանց համար» կոճակը,
• շահագործող դաշտում լրացնել սոցիալական քարտի համարը (ՀԾՀ), տրանսպորտային միջոցի հաշվառման վկայագրի համարը (տեխնիկական անձնագրի համարը) և հեռախոսահամարը,
• անհրաժեշտ տվյալները մուտքագրելուց հետո նշված հեռախոսահամարին կգա SMS հաղորդագրություն, որն անհրաժեշտ է լրացնել բացված դաշտում։

Կոդը մուտքագրելուց հետո կբացվի ավտոմեքենան շահագործողի անձնական էջը, որտեղ հնարավոր է տեսնել վարորդի բալերի մնացորդը։

Ուշադրություն
2025 թվականի մայիսի 1-ից ուժի մեջ կմտնեն տուգանային բալերի նոր փոփոխությունները՝ վարորդները մեկ տարվա կտրվածքով 9 բալի փոխարեն կստանան 13 բալ։ 

Մայիսի 1-ից բոլոր վարորդները կստանան 13 բալ, նույնիսկ եթե.

• չեն սպառել 9 բալը,
• սպառել են բալերի մի մասը։

Վարորդական իրավունքը կասեցված լինելու դեպքում վարորդները կստանան 13 միավոր վարորդական վկայականի կասեցումն ավարտվելու հաջորդ օրվանից։