Ամուսինը չի կարող ամուսնալուծության գրանցման դիմել կնոջ հղիության ընթացքում՝ առանց նրա համաձայնության:

Ամուսինների գույքի բաժանումը որոշում է դատարանը, նույնիսկ եթե ամուսնալուծությունը գրանցում է քաղաքացիական կացության ակտերի գրանցման գործակալությունը (ՔԿԱԳ, տարածված է նաև ռուսերեն տերմինը՝ ЗАГС)։

Հիմնական դեպքերում` համատեղ գույքը հավասար է բաժանվում (50/50), բայց դատարանը կարող է շեղվել այս կանոնից։  

Գույքը հիմնականում ենթակա չէ բաժանման, եթե՝ 

• նվիրատվություն է,
• ձեռք է բերվել ամուսնությունից առաջ։

Ամուսնալուծության վկայականը կորցնելու դեպքում հնարավոր է ստանալ դրա կրկնօրինակը առցանց եղանակով։

Եթե վճարող ծնողը չի աշխատում, դատարանը որոշում է ամսական ֆիքսված չափ։

Անգործունակ կամ սահմանափակ գործունակ անձինք համաձայնություն են կնքում իրենց օրինական ներկայացուցիչների միջոցով՝ թե՛ ալիմենտ վճարելու, թե՛ ստանալու համար։

• Անգործունակ անձի փոխարեն բոլոր փաստաթղթերը ստորագրում է նրա խնամակալը:
• Սահմանափակ գործունակ անձը ստորագրում է ինքնուրույն՝ բայց իր հոգաբարձուի գրավոր համաձայնությամբ։

Ուշացրած յուրաքանչյուր օրվա համար վճարվում է տուգանք ալիմենտի գումարի 0,05% չափով։ Ալիմենտ ստացողը կարող է բռնագանձելու պահանջ ներկայացնել, եթե ուշացման պատճառով վնաս է կրել։

Եթե ծնողները ալիմենտ չեն տրամադրում երեխաներին, այն բռնագանձվում է դատական կարգով։

Ալիմենտի վճարումը դադարում է, երբ․

• ալիմենտ վճարողը կամ ստացողը մահանում է,
• երեխան դառնում է չափահաս (18 տարեկան),
• երեխան մինչև չափահասությունը ձեռք է բերում է լրիվ գործունակություն,
• երեխան որդեգրվում է,
• ալիմենտ ստացողի կարիքավորությունը վերանում է (օրինակ՝ առողջությունը կամ աշխատունակությունը վերականգնվելիս),
• ալիմենտ ստացող նախկին ամուսինը նորից ամուսնանում է։

Արտասահմանում գրանցված ամուսնալուծությունը ՀՀ-ում վավեր է, եթե՝ 

• այն գրանցվել է տվյալ երկրի համապատասխան մարմնի կողմից,
• փաստաթուղթը վավերացված է (առկա է Ապոստիլ կնիքը կամ հյուպատոսական հաստատում)։

Ուշադրություն 
ՀՀ-ի հետ հատուկ միջազգային պայմանագրեր ունեցող երկրների համար (օրինակ՝ Ռուսաստան) Ապոստիլ կամ հյուպատոսական կնիքներ սովորաբար չեն պահանջվում:

Գույքային իրավունքները որոշում է այն պետությունը, որտեղ ամուսինները ունեն համատեղ բնակության վայր։ Համատեղ բնակության վայր չունենալու դեպքում որոշվում է ՀՀ օրենսդրությամբ։

• Եթե կողմերը գրանցել են ամուսնությունը ՀՀ-ում, սակայն ամուսնալուծության ժամանակ ՀՀ-ում չեն բնակվում, ապա կարող են ամուսնալուծությունը գրանցել տվյալ կամ հարևան երկրի ՀՀ հյուպատոսարանում։
• Եթե կողմերը ամուսնացել են արտերկրում, ամուսնալուծությունը կարելի է կատարել տվյալ երկրի հյուպատոսարանի կամ համապատասխան մարմնի միջոցով։

Ուշադրություն
Ամուսնալուծության կարգը կախված է ՀՀ-ի և տվյալ երկրի հետ կնքված միջազգային պայմանագրերից։