Դիմելու համար անհրաժեշտ է անձամբ կամ լիազորված անձի միջոցով դիմել Արդարադատության նախարարություն` ներկայացնելով պահանջվող բոլոր փաստաթղթերը։ 

Պահանջվող փաստաթղթերը

• դիմողի անձը հաստատող փաստաթուղթը,
• ապոստիլով վավերացման ենթակա պաշտոնական փաստաթուղթը,
• պետական տուրքի վճարման անդորրագիրը: 

Վճարման չափը և կարգը

Փաստաթղթերի ապոստիլով վավարացման համար անհրաժեշտ է վճարել 12,000 ՀՀ դրամ պետական տուրք, որից 7,000 ՀՀ դրամը՝ ապոստիլով վավերացման համար, 5000 դրամը՝ վկայականը ստանալու համար։

Վճարումն իրականացվում է հետևյալ եղանակներից մեկով՝

• E-payments համակարգի միջոցով,

• բանկային փոխանցման միջոցով ՀՀ պետական բյուջեի հաշվեհամարին՝ 900005163523։ Փոխանցման նպատակի դաշտում պետք է նշել «Փաստաթղթերի վրա ապոստիլ դնելու համար» (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը)։

Տրամադրման ժամկետը և կարգը

• Փաuտաթղթի վրա ապոuտիլը դրվում է դիմումը նախարարություն մուտք լինելու oրվանից հետո 1 աշխատանքային oրվա ընթացքում:
• Քաղաքացիները ապոuտիլ դրված փաuտաթղթերը կարող են uտանալ 1 աշխատանքային oրվա ընթացքում (դիմումը տալու հաջորդ օրը ժամը 16։00-ից 17։00-ն):
• Առանձին փաuտաթղթերի իuկությունը ճշտելու համար գործակալության պետի կողմից ապոuտիլ դնելու ժամկետը կարող է երկարաձգվել Օրենսդրությամբ նախատեսված դեպքերում ու կարգով։
• Էլեկտրոնային ապոստիլի իսկությունը հնարավոր է ստուգել այցելելով www.e-verify.am կայք և մուտքագրել ապոստիլի վրա նշված հսկիչ համարը կամ արագ արձագանքման ծածկագիրը՝ QR կոդը: 
• Ապոստիլով վավերացման ենթակա փաստաթղթերի ամբողջական ցանկը սահմանված է ՀՀ արդարադատության նախարարի և ՀՀ արտաքին գործերի նախարարի 2021 թվականի հոկտեմբերի 5-ի N 483-Ն և 2021 թվականի հոկտեմբերի 8-ի N 2056-Ն համատեղ հրամանով։

Ուշադրություն

• Էլեկտրոնային ապոստիլի ձևաթղթի ստորին հատվածում նշվում է ապոստիլով վավերացվող պաշտոնական փաստաթղթի էջերի ամբողջական քանակը: Ծավալուն պաշտոնական փաստաթղթերի իսկությունը ստուգելիս արտացոլվում է փաստաթղթի մինչև 6 էջը:
• Այլ անձի պատկանող պաշտոնական փաստաթուղթը երրորդ անձանց կողմից ապոստիլով վավերացնելու նպատակով դիմում ներկայացնելիս լիազորագիր չի պահանջվում: 

Հղում օրենսդրությանը

• «Հայաստանի Հանրապետության պաշտոնական փաստաթղթերը ապոստիլով վավերացնելու մասին» ՀՀ օրենք։ 
• ՀՀ Կառավարության՝ 2021 թվականի հոկտեմբերի 5-ի և 2021 թվականի հոկտեմբերի 8-ի N 483-Ն և N 2056-Ն համատեղ որոշում։

Իրավական ակտերը հնարավոր է գտնել arlis.am-ում։