Անվանափոխության առցանց գրանցման համար «Շարունակել» կոճակը սեղմելուց հետո անհրաժեշտ է՝ 

• անցնել «ԵսԵմ» նույնականացում, 
• լրացնել հայտ ներկայացնողի անձնական տվյալները,
• կատարել անհրաժեշտ քայլերի հրահանգները,
• ստուգել հայտ ներկայացնողի տվյալները, թվային եղանակով ստորագրել և վճարել։
  
  

Ներկայացվող պահանջներ

Անվանափոխության առցանց գրանցման ծառայությունից օգտվելու համար անհրաժեշտ է ունենալ «ԵսԵմ» նույնականացում և թվային ստորագրություն:

Պահանջվող տվյալները

Անվանափոխության առցանց գրանցման համար անհրաժեշտ են հայտ ներկայացնողի․

• անձը հաստատող փաստաթղթի համարը,
• հեռախոսահամարը,
• էլեկտրոնային փոստի հասցեն։
  
  

Ուշադրություն

Եթե հայտ ներկայացնելու ընթացքում տվյալները չեն բեռնվում, ապա անհրաժեշտ է դիմել ծննդյան վկայականի կրկնօրինակը ստանալու և թվայնացնելու համար, քանի որ որոշակի տարեթվից առաջ տրամադրված ծննդյան վկայականները թվայնացված չեն։

Վճարման չափը և կարգը

Անվանափոխության համար սահմանված է 10,000 դրամ պետական տուրք։

Անվանափոխության վկայականը հնարավոր է ստանալ ավելի սեղմ ժամկետներում՝ կատարելով  հավելյալ վճարում․

• 10,000 + 30,000 դրամ՝ 2-րդ աշխատանքային օրը ստանալու համար,
• 10,000 + 20,000 դրամ՝ 5-րդ աշխատանքային օրը ստանալու համար,
• 10,000 + 10,000 դրամ՝ 7-րդ աշխատանքային օրը ստանալու համար։
  
  

Տրամադրման ժամկետը և կարգը

• Անվանափոխությունը հաստատվում է հայտը ներկայացնելուց հետո 15 աշխատանքային օրվա ընթացքում։
• Հավելյալ վճարի դեպքում՝ գործում են տրամադրման վերը նշված ժամկետները։
  
  

Հղում օրենսդրությանը

• «Քաղաքացիական կացության ակտերի մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է տեսնել arlis.am-ում (անհրաժեշտ է կարդալ ակտտերի վերջին տարբերակները)։