Հայաստանի Հանրապետության զինանշան
Ծառայությունների
ազգային հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Արդարադատություն և օրենք

Ստանալ դատվածության և հետախուզման մասին տեղեկանք

Դատվածության և հետախուզման մասին տեղեկանք ստանալու համար հնարավոր է դիմել առցանց կամ ֆիզիկապես.

  • առցանց դիմելուց հետո տեղեկանքը հնարավոր է ստանալ ԱԳՆ հյուպատոսական վարչությունից (երկ, երք, հնգ, ուրբ՝ 10։00-12։00),
  • ֆիզիկապես դիմելու դեպքում անհրաժեշտ կլինի այցելել վարչություն թե՛ դիմումը ներկայացնելիս, թե՛ տեղեկանքը ստանալիս (երկ, երք, հնգ, ուրբ՝ 10։00-12։00)։

 Հասցե՝ Վազգեն Սարգսյան 3, Երևան

Ծառայությունից հնարավոր է օգտվել ֆիզիկապես՝ անձամբ այցելելով գրասենյակ։
Ո՞վ կարող է դիմել
ՀՀ և օտարերկրյա քաղաքացիներ
Դիմելու տևողությունը
15 րոպե
Ծառայության արժեքը
7,000 - 25,000 դրամ
Տրամադրման տևողությունը
5 աշխատանքային օր

ՀՀ-ում դատվածության և հետախուզման մասին տեղեկանքի համար անհրաժեշտ է դիմել․

Ներկայացվող պահանջները

Տեղեկանքը ստանալու համար 16 տարին լրացած անձինք կարող են դիմել անձամբ կամ ծնողի, քրոջ, եղբոր, ամուսնու, զավակի կամ լիազոր ներկայացուցչի միջոցով։ 

14-16 տարեկան անձի դիմումը ներկայացնում է վերջինիս ծնողը կամ օրինական ներկայացուցիչը:


Պահանջվող փաստաթղթերը

Դատվածության և հետախուզման մասին տեղեկանք ստանալու համար անհրաժեշտ է տեղում լրացնել դիմում (ՀՀ-ում ներկայացվող դիմումի ձև, օտարերկրյա պետությունում լրացվող դիմումի ձև)։ Դիմումին կից ներկայացվում են հետևյալ փաստաթղթերը․

  • անձնագիր կամ նույնականացման քարտ և դրա պատճենը,
  • եթե անձը դիմումը ներկայացնելու պահին տեղեկացնում է, որ տեղեկանքը ստանալու է այլ անձ, ապա այն ստացողի անձնագրի կամ նույնականացման քարտի պատճենը։


Եթե տեղեկանքի դիմումը ներկայացնում է ծնողը, եղբայրը, քույրը, ամուսինը, զավակը կամ լիազոր ներկայացուցիչը (խնամակալ, հոգաբարձու), ապա պետք է ներկայացվեն՝

  • դիմողի անձնագրի (նույնականացման քարտի) բնօրինակը և պատճենը,

  • այն անձի անձնագրի (նույնականացման քարտի) պատճենը, ում համար ստացվելու է տեղեկանքը,

ինչպես նաև՝

  • եթե դիմում է ծնողը, ապա՝ այն անձի ծննդյան վկայականի պատճենը, ում համար ստացվելու է տեղեկանքը,

  • եթե դիմում է քույրը կամ եղբայրը, ապա՝ դիմողի ծննդյան վկայականի և այն անձի ծննդյան վկայականի պատճենը, ում համար ստացվելու է տեղեկանքը, 

  • եթե դիմում է ամուսինը, ապա՝ ամուսնության վկայականի պատճենը,
  • եթե դիմում է զավակը, ապա՝ դիմողի ծննդյան վկայականի պատճենը,
  • եթե դիմում է լիազոր ներկայացուցիչը (խնամակալ, հոգաբարձու), ապա՝ լիազորագրի բնօրինակը։


Վճարման չափը և կարգը

Դատվածության և հետախուզման մասին տեղեկանք ստանալու համար անհրաժեշտ է վճարել՝

  • ՀՀ-ում՝ 7,000 դրամ,
  • օտարերկրյա պետությունում՝ 25,000 դրամ։

Ընդ որում՝ փաստաթուղթը տրամադրվում է ապոստիլով վավերացմամբ (ապոստիլի համար հավելյալ վճարում կատարելու անհրաժեշտություն չկա)։

Վճարումն իրականացվում է հետևյալ եղանակներից մեկով՝

  • E-payments համակարգի միջոցով,

  • բանկային փոխանցման միջոցով ՀՀ պետական բյուջեի հաշվեհամարին՝ 900005163515400։ Փոխանցման նպատակի դաշտում անհրաժեշտ է նշել «ՀՀ-ում դատվածության կամ հետախուզման առկայության մասին տեղեկանք տրամադրելու համար»։

Տեղեկանքը ՀՀ ԱԳՆ-ի կողմից դիմողի նշած հասցեով առաքելու համար սահմանված է հավելյալ վճար՝

ՀՀ տարածքում առաքում կատարելու համար անհրաժեշտ է վճարել 430 դրամ։

Վճարումն իրականացվում է հետևյալ եղանակներից մեկով՝

  • E-payments համակարգի միջոցով,

  • բանկային փոխանցման միջոցով ՀՀ պետական բյուջեի հաշվեհամարին՝ 900013196101։ Փոխանցման նպատակի դաշտում պետք է նշել «ՀՀ ԱԳՆ կողմից քաղաքացիներին անհատական փոստային առաքում կատարելու համար` ՀՀ տարածքում»։

ՀՀ տարածքից դուրս առաքում կատարելու համար` 11,000 - 25,000 դրամ՝ կախված առաքման երկրից։

 Վճարումն իրականացվում է հետևյալ եղանակներից մեկով՝

  • E-payments համակարգի միջոցով,

  • բանկային փոխանցման միջոցով ՀՀ պետական բյուջեի հաշվեհամարին՝ 900013196093։ Փոխանցման նպատակի դաշտում պետք է նշել «ՀՀ ԱԳՆ կողմից քաղաքացիներին անհատական փոստային առաքում կատարելու համար` ՀՀ տարածքից դուրս»։


Տրամադրման ժամկետը և կարգը

Տեղեկանքը տրամադրվում է առցանց հայտ ներկայացնելուց հետո 5 աշխատանքային օրվա ընթացքում: Այն հնարավոր է ստանալ՝

  • ՀՀ-ում դիմելու դեպքում՝ ԱԳՆ հյուպատոսական վարչությունից կամ փոստային առաքմամբ,
  • արտասահմանում դիմելու դեպքում՝ դեսպանությունից, հյուպատոսական հիմնարկից կամ փոստային առաքմամբ։

Տեղեկանքի դիմում ներկայացնելու համար հյուպատոսական վարչությունում անհրաժեշտ է վերցնել հերթի կտրոն՝ սարքի էկրանին սեղմելով «Դիմել» տարբերակը, իսկ այնուհետև այն ստանալու համար անհրաժեշտ է վերցնել կտրոն՝ սեղմելով սարքի էկրանի «Ստանալ» կոճակը։


Հղում օրենսդրությանը

ՀՀ կառավարության՝ 2010 թվականի N 1561-Ն որոշում

Որաշումը հնարավոր է գտնել arlis.am-ում։

Տեխնիկական աջակցության համար՝
Աշխատանքային ժամեր` 
10:00 - 18:00
 
Հեռախոսահամար`
0-8000-2020
(+374) 010 58-59-80
Viber: (+374) 041 58-59-80
Ծառայության գծով աջակցության համար՝
Աշխատանքային ժամեր`
10։00 - 12:00 (բացի չորեքշաբթի օրվանից)
 
Հեռախոսահամար`
(+374) 060 62-00-00

WhatsApp, Viber
(+374) 055 62-01-11
Այս ծառայությունից հնարավոր է օգտվել նաև այլ եղանակներով։

Ծառայությունից տարբեր եղանակներով օգտվելիս կարող են տարբեր քանակությամբ ռեսուրսներ և ժամանակ պահանջվել։

Դիմել առցանց
Ծառայությունը մատուցող՝
ՀՀ արտաքին գործերի նախարարություն
[email protected]https://www.mfa.am
Այս էջը օգտակա՞ր էր