Հյուպատոսական հաշվառում կարող են անցնել ՀՀ բոլոր քաղաքացիները՝ անկախ տարիքից։ Մինչև 16 տարեկան անձի դեպքում դիմումը պետք է ներկայացնի երեխայի ծնողը, խնամակալը կամ հոգաբարձուն, իսկ անգործունակ անձի դեպքում՝ խնամակալը (այս դեպքում անձը հաշվառվում է խնամակալի հյուպատոսական հաշվառման հասցեով)։

Մշտական (183 օրից ավելի ժամկետով) հյուպատոսական հաշվառում անցնելու դեպքում անձը Բնակչության պետական ռեգիստրում ավտոմատ կերպով հանվում է ՀՀ-ում իր հաշվառման հասցեից և հաշվառվում է օտարերկրյա պետությունում իր մշտական բնակության հասցեով։ Օտարերկրյա պետության բնակության հասցեով հաշվառված լինելը որևէ կերպ չի ազդում անձի սեփականության իրավունքի վրա։


Առցանց դիմելու համար «Շարունակել» կոճակը սեղմելուց հետո անհրաժեշտ է՝ 

• նույնականացումից հետո «Դիմորդի էջ»-ում լրացնել պահանջվող տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում) և սեղմել «Հաջորդ էջ» կոճակը,
• բացվող էջի «Հայտատու» բաժնում լրացնել պահանջվող տեղեկատվությունը,
• «Հասցե» էջում լրացնել ՀՀ-ում հաշվառման տվյալները,
• բացվող էջի մյուս «Հասցե» բաժնում մուտքագրել օտարերկրյա պետությունում բնակության հասցեն,
• «Լրացուցիչ տեղեկություններ» էջում մուտքագրել պահանջվող տեղեկատվությունը
• «Կից նյութեր» էջում ավելացնել անհրաժեշտ փաստաթղթերի լուսապատճենները,
• Հաստատել մուտքագրված տեղեկատվությունը և ավարտել դիմումի գրանցումը։
  
  

Պահանջվող փաստաթղթերը

Անհրաժեշտ է վերբեռնել հետևյալ փաստաթղթերը՝

• դիմում,
• ՀՀ քաղաքացու անձնագրի կամ նույնականացման քարտի լուսապատճենը,
• մինչև 16 տարեկան անձանց դեպքում՝ ՀՀ քաղաքացու անձնագրի կամ ծննդյան վկայականի լուսապատճենը,
• զինապարտների դեպքում (18-55 տարեկան տղամարդիկ) կցագրման վկայականի, զինգրքույկի կամ զինվորական հաշվառումը հավաստող տեղեկանքի լուսապատճենը,
• օտարերկրյա պետությունում օրինական հիմքով բնակվելու փաստաթղթի լուսապատճենը (անձնագիր, կացության քարտ)։

Ներկայացված անձնական տվյալների (երկիր, քաղաք, էլ-փոստ, հեռախոս) միջոցով նախարարությունը արտակարգ իրավիճակում կապվում է քաղաքացիների հետ, կարևոր տեղեկություններ հաղորդում, ինչպես նաև տրամարդում անվտանգության վերաբերյալ խորհրդատվություն։

Ուշադրություն
Հյուպատոսական հաշվառման համար ներկայացվող տվյալները պաշտպանված են օրենքով և կարող են օգտագործվել միայն ՀՀ օրենսդրությամբ սահմանված դեպքերում և կարգով։

Վճարման չափը

Հյուպատոսական հաշվառումն իրականացվում է անվճար։

Տրամադրման ժամկետը

Մշտական հյուպատոսական հաշվառումն իրականացվում է 3-7 աշխատանքային օրվա ընթացքում։

Հղում օրենսդրությանը

• «Հյուպատոսական ծառայության մասին» ՀՀ օրենք
• «Բնակչության պետական ռեգիստրի մասին» ՀՀ օրենք
• 2016 թվականի սեպտեմբերի 29-ի N 1000-Ն ՀՀ կառավարության որոշում