Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Ուսման վճարի լրիվ կամ մասնակի փոխհատուցում տրամադրվում է նախնական կամ միջին մասնագիտական ուսումնական հաստատություններում սովորող ուսանողներին։

 

Ոսումնական վճարի լրիվ կամ մասնակի փոխհատուցման դիմում հնարավոր է ներկայացնել ընդունելության դիմում հայտ լրացնելու ժամանակ։

 

• այցելել dimord.emis.am,
• ընտրել ուսումնական հաստատությունը և նախընտրած մասնագիտությունը,
• սեղմել «Հաստատել» կոճակը,
• բացվող պատուհանում լրացնել անձնական տվյալները,
• սեղմել «Ցանկանում եմ օգտվել արտոնությունից» կոճակը,
• ընտրել առաջարկվող 4 տարբերակներից մեկը,
• սեղմել «Ուղարկել» կոճակը։

Համակարգը դիմումում նշված բջջային հեռախոսահամարին ուղարկում է ծածկագիր, որը պետք է լրացնել dimord.emis.am-ի անհատական էջ մուտք գործելու ժամանակ։

Հայտի ընդունման կամ մերժման ժամկետները

Դիմումը հաստատվում կամ մերժվում է հայտը լրացնելուց հետո 3 աշխատանքային օրվա ընթացքում։ Ընդ որում՝ մերժման դեպքում համակարգի կողմից ուղարկված էլեկտրոնային նամակում նշվում են մերժման պատճառները։

Ովքե՞ր կարող են դիմել

Ուսման վճարի լրիվ փոխհատուցման կարող են դիմել այն ուսանողները, ովքեր․

• մնացել են առանց ծնողական խնամքի (մինչև 23 տարեկան),
• ունեն 1-ին, 2-րդ աստիճանի հաշմանդամություն,
• ունեն պարտադիր ժամկետային զինվորական ծառայության ընթացքում հաշմանդամության 1-ին, 2-րդ կարգ ստացած ծնողներ,
• զոհված զինծառայողի ընտանիքից են,
  
  

Ուսման վճարի մասնակի փոխհատուցման կարող են դիմել այն ուսանողները, ովքեր․

• սոցիալապես անապահով են, 
• բնակվում են սահմանամերձ համայնքներում,
• մասնակցել են մարտական գործողություններին,
• ունեն 2 և ավելի անչափահաս երեխա,
• ուսանում են պետության համար առաջնահերթություն և կարևորություն ներկայացնող մասնագիտություններ,
• միակողմանի ծնողազուրկ են։