Ինչպե՞ս դիմել

ՀՀ քաղաքացիությունը դադարեցնելու հայտ ներկայացնելու համար  անհրաժեշտ է՝ 

• գրանցվել և մուտք գործել անձնական օգտահաշիվ,
• ցանկից ընտրել դիմումներ բաժինը,
• սեղմել նոր հայտ կոճակը,
• ընտրել ծառայության տեսակը, 
• ընտրել քաղաքացիություն ստանալու համար դիմելու հիմքը,
• հաջորդ էջում տվյալների անհամապատասխանության կամ փոփոխության դեպքում նշել ընտրավանդակը և կցել հավաստող փաստաթուղթ,
• հաջորդ էջում կցել 3x4 չափի լուսանկար,
• ստուգել անձնական տվյալների համապատասխանությունը(կարող եք ավելացնել հավելյալ բնակության հասցե, հեռախոսահամար),
• ըստ հիմքի՝ կցել անհրաժեշտ փաստաթղթերը,
• ցանկության դեպքում կցել մերձավոր ազգականների տվյալները,
• ստուգել տվյալների ամբողջականությունը և ուղարկել հայտը,
• կատարել պետական տուրքի վճարում՝ սեղմելով համապատասխան կոճակը։

Ներկայացվող պահանջներ

ՀՀ քաղաքացիությունը դադարեցնելու համար կարող են դիմել անձինք, ովքեր՝

• ունեն այլ երկրի քաղաքացիություն,
• չունեն այլ երկրի քաղաքացիություն, բայց ունեն այն ձեռք բերելու մասին իրավական հավաստում, 
• չունեն այլ երկրի քաղաքացիություն, բայց եռամսյա ժամկետում ներկայացնում են այն ձեռք բերելու մասին իրավական հավաստում:

Պահանջվող փաստաթղթեր 

Կախված հիմքից՝ ՀՀ քաղաքացիությունը դադարեցնելու հայտի համար անհրաժեշտ փաստաթղթերը տարբերվում են։

Կցվող փաստաթղթերը՝ ըստ հիմքերի․

• այլ երկրի քաղաքացիություն ունենալու հիմքով փաստաթղթերը,
• այլ քաղաքացիություն ձեռք բերելու մասին իրավական հավաստման առկայության դեպքում փաստաթղթերը,
• եռամսյա ժամկետում իրավական հավաստում ներկայացնելու դեպքում փաստթղթերը:

Վճարման չափը և կարգը

Պահանջվող բոլոր փաստաթղթերը կցելուց և տվյալները լրացնելուց հետո անհրաժեշտ է համակարգում իրականացնել պետական տուրքի վճարում առցանց եղանակով։ 

Քաղաքացիությունը դադարեցնելու համար պետական տուրքի վճարը 150,000 դրամ է։

Անհրաժեշտ փաստաթղթերը կցելուց հետո համակարգը կուղղորդի առցանց վճարման համապատասխան էջ։ 

Տրամադրման ժամկետը և կարգը

Հայտն ուղարկելուց հետո 15 աշխատանքային օրվա ընթացքում էլեկտրոնային փոստով և հարթակի միջոցով ծանուցվում է հայտի հաստատման մասին։

Եթե հայտում բացակայում են անհրաժեշտ թարգմանությունները կամ ներկայացված փաստաթղթերը չեն բավարարում ընտրված հիմքին, ապա հայտը ուղարկվում է շտկման։ Շտկման համար տրվում է 10 աշխատանքային օր։ 

Հայտի հաստատման դեպքում ուղարկվում է ծանուցում՝ այցի օր ընտրելու վերաբերյալ։ Ընտրված օրը և ժամին պետք է ներկայանալ ՄՔԾ գրասենյակ կամ հյուպատոսարան՝ անհրաժեշտ բոլոր փաստաթղթերի բնօրինակներով։ 

Հղում օրենսդրությանը

ՀՀ քաղաքացիության մասին օրենք

ՀՀ կառավարության 2026 թվականի հունվարի 22-ի N 97-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը)։