Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության: Յուրաքանչյուր այցելուի համար անկախ տարիքից անհրաժեշտ է կատարել անհատական հերթագրում։ 

• նույնականացումից հետո «Դիմորդի էջ»-ում լրացնել պահանջվող տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում) և սեղմել «Հաջորդ էջ» կոճակը,
• բացվող էջի «Հերթագրման ծառայության մանրամասներ» դաշտում ընտրել այն երկիրը, որտեղ ներկայացվելու է դիմումը,
• Երկիրն ընտրելուց հետո ավտոմատ կերպով մնացած դաշտերում կլրացվի ՀՀ համապատասխան դեսպանության կամ հյուպատոսության հասցեն,
• «Այցելության օր և ժամ» բաժնում ընտրել հասանելի օրերից ու ժամերից ամենահարմար տարբերակը և ամրագրել այցը։
  
  

Ներկայացվող պահանջները

Հատուկ անձնագիր ստանալու համար անհրաժեշտ է՝

• լինել ազգությամբ հայ օտարերկրացի,
• լինել ՀՀ-ում տնտեսական կամ մշակութային գործունեություն ծավալող այլ օտարերկրացի։

Պահանջվող փաստաթղթերը

Նախատեսված այցի օրը և ժամին անհրաժեշտ է ՀՀ դիվանագիտական ներկայացուցչություն ներկայացնել հետևյալ փաստաթղթերը․

• ՀՀ վարչապետին ուղղված դիմում-հարցաթերթիկ,

• ՀՀ դեսպանության կամ հյուպատոսական հիմնարկի ղեկավարին ուղղված նամակ, որը պետք է պարունակի հետևյալ տեղեկությունները.

  • ներկա և նախկին (եթե կա այդպիսին) քաղաքացիության մասին,
  • հատուկ կացության կարգավիճակի համար դիմելու դրդապատճառները,
  • մասնագիտության և աշխատանքի մասին,
  • Հայաստան կատարած այցերի մասին,
  • ՀՀ-ում նախկինում ունեցած կացության կարգավիճակների մասին (եթե այդպիսիք եղել են),
  • դատվածության առկայության մասին,

• անձնագիր կամ ճամփորդական փաստաթուղթ և դրա՝ նոտարական կարգով վավերացված հայերեն թարգմանությունը,

• 35x45մմ չափսի 6 լուսանկար,

• ազգությամբ հայ լինելը հաստատող փաստաթուղթ,

• պետական տուրքի վճարման անդորրագիրը։

Պահանջվող հավելյալ փաստաթղթեր

Անչափահաս լինելու դեպքում անհրաժեշտ է ներկայացնել նաև՝

• ծնողի կամ օրինական ներկայացուցչի անձնագիրը և ազգակցական կապը հաստատող փաստաթուղթը։
  
  

Լիազորված անձի միջոցով դիմելու դեպքում լիազորված անձը պետք է ներկայացնի նաև՝

• լիազորագիր և լիազորված անձի անձնագիրը։

Վճարման չափը և կարգը

Հատուկ անձնագիր ստանալու համար անհրաժեշտ է վճարել 150,000 ՀՀ դրամ։ Վճարումը հնարավոր է կատարել առցանց եղանակով։

Ուշադրություն
Մինչև 18 տարեկան անձանց հատուկ անձնագիրը տրամադրվում է անվճար։

Տրամադրման ժամկետը և կարգը

Հատուկ անձնագիրը տրամադրվում է 3 ամսվա ընթացքում։ Անձնագիրը ստանալու համար անհրաժեշտ է այցելել այն դեսպանություն կամ հյուպատոսական հիմնարկ, որտեղ անձը դիմել է հատուկ անձնագիր ձեռք բերելու համար։

Հղում օրենսդրությանը

«Օտարերկրացիների մասին» ՀՀ օրենք

«Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում։