Ինչպե՞ս դիմել

Տրանսպորտային միջոցի սեփականության իրավունքը գրանցելու համար անհրաժեշտ է՝ 

• համաձայնության գալ վաճառքի գնի վերաբերյալ, 

• «Շարունակել» կոճակը սեղմելուց հետո հետևել հաջորդական քայլերին և կնքել առուվաճառքի առցանց պայմանագիր։

Ներկայացվող պահանջները

Տրանսպորտային միջոցի սեփականության իրավունքը հնարավոր է առցանց եղանակով գրանցել միայն հետևյալ պայմանների առկայության դեպքում․

• Գնորդը և վաճառողը պետք է ունենան «ԵսԵմ» բջջային նույնականացում։

• Գնորդը և վաճառողը պետք է ունենան վարորդական իրավունք։

• Գործարքը պետք է սկսի վաճառողը։

• Վաճառվող տրանսպորտային միջոցը պետք է ունենա միայն «հերթական» (12,000 դրամանոց) կամ «ցանկալի» (36,000 դրամանոց) տեսակի համարանիշ, որը վաճառքի արդունքում մնալու է անփոփոխ։

Պահանջվող տվյալները

Ծառայությունից օգտվելիս անհրաժեշտ կլինի լրացնել՝

• էլեկտրոնային փոստի հասցեն,

• բջջային հեռախոսահամարը,

• տրանսպորտային միջոցի վաճառքի գինը։

Վճարման չափը և կարգը

Տրանսպորտային միջոցի գինը և վճարման կարգը համաձայնեցնում են գնորդը և վաճառողը։ Գործարքի ընթացքում տրանսպորտային միջոցի արժեքը չի վճարվում։

Իսկ առուվաճառքի հետ կապված հարկերն ու տուրքերը հաշվարկվում և վճարվում են գործարքի պահին հետևյալ չափերով՝

Գնորդի կողմից՝ 

• 5,000 դրամ՝ հաշվառման գործարքի համար, 

• 6,000 դրամ՝ հաշվառման վկայագրի համար:

Վաճառողի կողմից՝ 

• կուտակված գույքահարկ,

• ձիաուժ * 150 դրամի չափով տուրք, եթե տրանսպորտային միջոցը վաճառվում է այն գնելուց հետո 1 տարվա ընթացքում:

Տրամադրման ժամկետը և կարգը

Տրանսպորտային միջոցի սեփականության իրավունքը փոխանցվում է գնորդի և վաճառողի կողմից պայմանագրի առցանց ստորագրման պահից։