ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Քաղաքացիություն, նույնականացում և կացության կարգավիճակ

Փոխանակել ՀԽՍՀ անձնագիրը արտասահմանում

Նախկին ՀԽՍՀ անձնագիր ունեցող անձինք կարող են արտերկրում դիմել ՀՀ քաղաքացու անձնագիր ստանալու համար, եթե օրենքով սահմանված կարգով դիմեն և ճանաչվեն ՀՀ քաղաքացի:

 

Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։
Ո՞վ կարող է դիմել
Նախկին ՀԽՍՀ քաղաքացիներ
Դիմելու տևողությունը
20 րոպե
Ծառայության արժեքը
65,000 ՀՀ դրամ
Տրամադրման տևողությունը
3-4 ամիս

Անհրաժեշտ է ֆիզիկապես դիմել տվյալ երկրի ՀՀ դեսպանություն կամ հյուպատոսական հիմնարկ և ներկայացնել ՀՀ քաղաքացի ճանաչվելու համար պահանջվող փաստաթղթերը։

Պահանջվող փաստաթղթեր


ՀՀ քաղաքացի ճանաչվելու համար արտասահմանում դիմելիս պահանջվում են հետևյալ փաստաթղթերը՝

  • դիմում,
  • նախկին ՀԽՍՀ քաղաքացու անձնագիր (առկայության դեպքում),
  • 1995թ. նոյեմբերի 28-ի դրությամբ ՀՀ սահմաններից դուրս բնակվելը հավաստող փաստաթղթերը (օրինակ՝ օտարերկրյա պետության կողմից տրված կացության կարգավիճակ, օտարերկրյա պետությունում հաշվառված լինելու վերաբերյալ նշում և այլն),
  • այլ պետության քաղաքացի չհանդիսանալու մասին տեղեկանք,
  • այլ պետության քաղաքացի հանդիսանալու դեպքում՝ օտարերկրյա պետության անձնագիրը, և այլ պետության քաղաքացիություն ձեռք բերելու տարեթվի վերաբերյալ տեղեկանք,
  • անձը հաստատող փաստաթղթերը, իսկ դրանց ներկայացնելու անհնարինության դեպքում՝ անձի ինքնությունը հաստատող այլ բնույթի փաստաթղթեր,
  • ծննդյան, ամուսնության, երեխաների ծննդյան վկայականները, անհատական տվյալների փոփոխության մասին փաստաթղթեր, ծնողների անձը հաստատող փաստաթուղթ և այլն:

Դիմումը ներկայացնելուց 3-4 ամսվա ընթացքում անձին կտեղեկացվի դիմումի մերժման կամ հաստատման վերաբերյալ։ Դիմումի հաստատումից հետո հնարավոր կլինի նախկին ՀԽՍՀ անձնագիրը փոխանակել հայկականով։

 

Վճարման չափը և կարգը

ՀԽՍՀ անձնագիրը հայկականով փոխանակելու համար անհրաժեշտ է վճարել 65,000 դրամ։

 

Տրամադրման ժամկետը

ՀԽՍՀ անձնագիրը ՀՀ քաղաքացու անձնագրով փոխանակելիս անձնագիրը տրամադրվում է 3-4 ամսում։


Հղում օրենսդրությանը

2011 թվականի հունիսի 23-ի N 974-Ն ՀՀ կառավարության որոշում

 

Տեխնիկական աջակցության համար՝
Աշխատանքային ժամեր` 10:00 - 18:00
Հեռախոսահամար` 0-8000-2020,
+(374) 10 585980,
Viber:+(374) 41 585980
Ծառայության գծով աջակցության համար՝
Աշխատանքային ժամեր` 09:00 - 18:00
Հեռախոսահամար` +(374) 60 620000,
WhatsApp, Viber: +(374) 55 620111
Ծառայությունը մատուցող՝
ՀՀ արտաքին գործերի նախարարություն
Այս էջը օգտակա՞ր էր