Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության։

• ընտրել այն երկրի դեսպանության կայքը, որտեղ ներկայացվելու է դիմումը,
• էջի ձախ հատվածում սեղմել «Ամրագրել ժամադրություն» կոճակը,
• բացվող պատուհանում ընտրել «Անձնագրի տրամադրում (փոխանակում)» տարբերակը,
• ընտրել հասանելի օրերից և ժամերից ամենահարմար տարբերակը,
• բացվող էջում լրացնել անձնական տվյալները և հաստատել ամրագրումը։

Ներկայացվող պահանջները

Անհրաժեշտ է ձեռք բերած լինել ՀՀ քաղաքացիություն։

Պահանջվող փաստաթղթերը

Անհրաժեշտ է նախատեսված այցի օրը և ժամին համապատասխան դեսպանություն կամ հյուպատոսական հիմնարկ ներկայացնել հետևյալ փաստաթղթերը․

• դիմում անձնագիր ստանալու մասին (լրացվում է տեղում),
• օտարերկրյա պետության քաղաքացու անձնագրի բնօրինակը և դրա 2-3 էջերի պատճենները,
• 18-55 տարեկան տղամարդկանց դեպքում՝ զինվորական հաշվառման կանգնելու մասին դիմում (լրացվում է տեղում),
• օտարերկրյա պետության զինվորական գրքույկ և դրա պատճենը (առկայության դեպքում),
• ՀՀ քաղաքացիություն շնորհելու վերաբերյալ ՀՀ դեսպանության կամ հյուպատական հիմնարկի կողմից տրամադրված ծանուցումը կամ ՀՀ քաղաքացիություն շնորհելու մասին ՀՀ նախագահի հրամանագրի տվյալները (համարը և ամսաթիվը),
• պետական տուրքի վճարման անդորրագիրը։

Վճարման չափը և կարգը

ՀՀ քաղաքացու անձնագիր ստանալու համար մեծահասակի (16 տարին լրացած անձ) դեպքում պետական տուրքը 65,000 դրամ է։ Վճարումն անհրաժեշտ է կատարել առցանց եղանակով։

Երեխայի (մինչև 16 տարեկան անձ) դեպքում անձնագիր ստանալու պետական տուրքը 30,000 դրամ է։ Վճարումն անհրաժեշտ է կատարել առցանց եղանակով։

Տրամադրման ժամկետը և կարգը

Անձնագիրը տրամադրվում է դիմումը ներկայացնելուց հետո 3 ամսվա ընթացքում։ Այն ստանալու համար անհրաժեշտ է այցելել համապատասխան դեսպանություն կամ հյուպատոսական հիմնարկ։

Հղում օրենսդրությանը

«ՀՀ քաղաքացու անձնագրի մասին» ՀՀ օրենք