Տեղեկանալու համար, թե արդյոք օտարերկրյա վարորդական վկայականը համապատասխանում է Կոնվենցիայի պահանջներին, անհրաժեշտ է դիմել Ճանապարհային ոստիկանության հաշվառման-քննական բաժին (ՀՔԲ)։

Ըստ «Ճանապարհային երթևեկության մասին» Վիեննայի կոնվենցիայի՝ վարորդական վկայականը պետք է համապատասխանի հետևյալ պահանջներին․

• վարորդական վկայականում կատարված բոլոր գրառումները պետք է կատարված լինեն նաև լատինատառերով,

• վարորդական վկայականում տրանսպորտային միջոցների կարգերը և ենթակարգերը պետք է նշված լինեն լատինական A, B, C, D, E տառերով,
• վկայականում պետք է առկա լինի անձի լուսանկարը։

Վիեննայի կոնվենցիայի պահանջներին չհամապատասխանող օտարերկրյա վարորդական վկայականով Հայաստանում հնարավոր է վարել, եթե՝

• Հայաստանի և տվյալ երկրի միջև կա ազգային վարորդական վկայականները ճանաչելու փոխհամաձայնություն։
  Այս դեպքում օտարերկրացիները կարող են իրենց ազգային վարորդական վկայականով վարել Հայաստանում, եթե անգամ իրենց երկրի վարորդական վկայականը չի համապատասխանում Վիեննայի կոնվենցիայի պահանջներին (օրինակ՝ Հայաստանի և Արաբական Միացյալ Էմիրությունների քաղաքացիների դեպքում)։
• Օտարերկրացին ունի միջազգային վարորդական վկայական, որը համապատասխանում է Վիեննայի կոնվենցիայի պահանջներին։ Վարելիս անհրաժեշտ է ունենալ և՛ ազգային, և՛ միջազգային վկայականները։

Երկքաղաքացիները պետք է այցելեն նախընտրելի հաշվառման-քննական բաժին (ՀՔԲ) և ներկայացնեն ազգային վարորդական վկայական ստանալու դիմում, որին կից անհրաժեշտ է ներկայացնել հետևյալ փաստաթղթերը`

• անձնագրի պատճենը,
• այլ պետության վարորդական վկայականի պատճենը,
• պետական տուրքի վճարման անդորրագիր։

Այո՛։ Երբ ՀՀ երկքաղաքացին ստանում է հայկական վարորդական վկայական, նրա օտարերկրյա վարորդական վկայականը չի կորցնում վավերականությունը։ 

Երկքաղաքացիները ՀՀ ազգային վարորդական վկայական ստանալու համար փաստաթղթերը հաշվառման-քննական բաժին (ՀՔԲ) են ներկայացնում են 2 փուլով։

Դիմում ներկայացնելիս՝
Դիմողը տեղում լրացնում է ՀՀ վարորդական վկայական ստանալու դիմում և ներկայացնում հետևյալ փաստաթղթերը․

• ՀՀ քաղաքացու անձնագրի կամ օտարերկրյա պետության անձնագրի պատճենը,
• այլ պետության վարորդական վկայականի պատճենը։

Վարորդական վկայականը ստանալիս՝

• ՀՀ և օտարերկրյա պետության անձնագրերի բնօրինակները,
• օտարերկրյա վարորդական վկայականի բնօրինակը,
• պետական տուրքի վճարման անդորրագիր (հղումը կուղղորդի դեպի վճարման կատարման հարթակ, որտեղ հնարավոր է առցանց եղանակով կատարել վճարումը, իսկ անդորրագիրը կուղարկվի էլեկտրոնային փոստի հասցեին․ անհրաժեշտ է տպել անդորրագիրը և ներկայացնել թղթային տարբերակով)։

Ուշադրություն
ՀՀ ազգային վարորդական վկայականը ստանալիս Ճանապարհային ոստիկանությունը օտարերկրյա վարորդական վկայականի բնօրինակը պարզապես լուսապատճենում է արխիվացման նպատակով․ այն վերադարձվում է դիմողին և չի կորցնում իրավական ուժը։

Դիմումը լրացվում է բաց տեքստով․ դիմողը նշում է, որ իր օտարերկրյա վարորդական վկայականի հիման վրա ՀՀ ճանապարհային ոստիկանությունը իրեն տրամադրի հայկական վարորդական վկայական։

Դիմումը լրացվում է հայերեն։ Եթե դիմողը հայերեն չգիտի, ապա կարող է հաշվառման-քննական բաժին (ՀՔԲ) այցելել հայերենին տիրապետող անձի հետ՝ դիմումը լրացնելու համար։ Այնուամենայնիվ, գրասենյակի աշխատակիցները հայերեն չիմանալու դեպքում օգնում են դիմողին լրացնել դիմումը․ այս դեպքում դիմողը պետք է պարզապես ստորագրի այն։

ՀՀ ազգային վարորդական վկայականը երկքաղաքացիներին տրամադրվում է այլ պետության կողմից տրված վարորդական վկայականի վավերականությունը ստուգելուց հետո՝ 1 աշխատանքային օրվա ընթացքում։

Վարորդական վկայական ստանալու դիմումը ներկայացնելուց հետո ՀՀ ճանապարհային ոստիկանությունն իրականացնում է օտարերկրյա պետության վարորդական վկայականի վավերականության ստուգում։

Վկայականի վավերականության ստուգման տևողությունը յուրաքանչյուր երկրի դեպքում կարող է տարբեր լինել․ այն կախված է օտարերկրյա պետության ճանապարհային ոստիկանության պատասխանից։

Եթե վկայականի վավերականությունը հաստատվում է, անձը հեռախոսազանգի կամ գրության միջոցով տեղեկացվում է, որ պետք է այցելի հաշվառման-քննական բաժին (ՀՔԲ)՝ ՀՀ ազգային վարորդական վկայական ստանալու համար։

• Եթե օտարերկրյա վարորդական վկայականը համապատասխանում է Վիեննայի կոնվենցիայի պահանջներին, ապա օտարերկրացին կարող է Հայաստանում վարել այդ վկայականով։
  Ցանկության դեպքում հնարավոր է օտարերկրյա վարորդական վկայականը փոխարինել հայկականով։
• Եթե օտարերկրյա վարորդական վկայականը չի համապատասխանում Վիեննայի կոնվենցիայի պահանջներին, ապա օտարերկրացին պետք է ստանա ՀՀ ազգային վարորդական վկայական՝ հանձնելով տեսական և գործնական քննություններ։

Ուշադրություն
Եթե օտարերկրացին փոխանակում է իր երկրի ազգային վարորդական վկայականը հայկականով, իր երկրի ազգային վարորդական վկայականը կորցնում է իրավական ուժը։

• Եթե օտարերկրյա վարորդական վկայականը համապատասխանում է Վիեննայի կոնվենցիայի պահանջներին, ապա օտարերկրացին կարող է ըստ ցանկության իր վարորդական վկայականը փոխանակել հայկականով՝ առանց քննություններ հանձնելու։ 
  Այս դեպքում օտարերկրյա վարորդական վկայականն իր իրավական ուժը կկորցնի։
• Եթե օտարերկրյա վարորդական վկայականը չի համապատասխանում Վիեննայի կոնվենցիայի պահանջներին, ապա օտարերկրացին պետք է ստանա ՀՀ ազգային վարորդական վկայական՝ հանձնելով տեսական և գործնական քննություններ։

Օտարերկրյա վարորդական վկայականը հայկականով փոխանակելու համար օտարերկրացիները պետք է դիմեն Ճանապարհային ոստիկանության նախընտրելի հաշվառման-քննական բաժին (ՀՔԲ)։

Անհրաժեշտ է նկատի ունենալ, որ օտարերկրյա վարորդական վկայականը պետք է համապատասխանի Վիեննայի կոնվենցիայի պահանջներին, հակառակ դեպքում փոխանակումը հնարավոր չի լինի և անհրաժեշտ կլինի հանձնել տեսական և գործնական քննություն՝ ՀՀ վարորդական վկայական ստանալու համար։

Փոխանակումը տևում է 2-4 ամիս․ Ճանապարհային ոստիկանությունը վկայականի օրինականությունը ստուգելու նպատակով հարցում է ուղարկում այն երկրի լիազոր մարմնին, որի ազգային վարորդական վկայականը պետք է փոխանակվի հայկականով։ Վավերականությունը ստուգելուց հետո վկայականը փոխանակվում է հայկականով։

Ուշադրություն
Նկատի ունեցիր, որ վարորդական վկայականի փոխանակման դեպքում հանձնում ես քո ազգային վարորդական վկայականը և ունենում ես միայն ՀՀ վարորդական վկայական։ Այսինքն՝ օտարերկրյա վարորդական վկայականը կորցնում է իր օրինական ուժը։

Օտարերկրյա վարորդական վկայականը ՀՀ վարորդականով փոխանակելու համար անհրաժեշտ է հաշվառման-քննական բաժին (ՀՔԲ) ներկայացնել հետևյալ փաստաթղթերը․

• անձը հաստատող փաստաթուղթ,
• օտարերկրյա վարորդական վկայականի բնօրինակը,
• ՀՀ-ում օրինական հիմքով բնակվելը կամ գտնվելը հաստատող փաստաթուղթ, մասնավորապես՝
  • կացության իրավունք ունենալու դեպքում՝ կացության քարտ,
  • փախստական (ապաստան հայցող) անձ լինելու դեպքում՝ փախստականի վկայական,
  • ժամանակավոր պաշտպանություն ստացած փախստական լինելու դեպքում՝ ժամանակավոր ապաստանի վկայական,
  • քաղաքացիություն չունեցող անձ լինելու դեպքում՝ կոնվենցիոն ճամփորդական փաստաթուղթ։

Օտարերկրացիներին ՀՀ վարորդական վկայականը տրամադրվում է 2-4 ամսվա ընթացքում։ Այդ ընթացքում ստուգվում է տվյալ երկրի վարորդական վկայականի վավերականությունը, ինչից հետո օտարերկրյա քաղաքացին ստանում է ՀՀ վարորդական վկայական, իսկ իր ազգային վարորդական վկայականը կորցնում է իրավական ուժը։

Այո՛։ Եթե օտարերկրյա քաղաքացին Հայաստանում մեքենա է վարում իր երկրի վարորդական վկայականով, որը չի համապատասխանում Վիեննայի կոնվենցիայի պահանջներին, ապա նա տուգանվում է 10,000 դրամի չափով։