Աջակցություն կարող են ստանալ այն զինծառայողները, ովքեր բավարարում են հետևյալ պայմաններին․

• ունեն անընդմեջ 3 տարվա զինվորական ծառայության ստաժ,

• չունեն սեփականության իրավունքով բնակելի տարածք ՀՀ-ում, 

• բնակվում են ժամանակավոր կացարաններում, զինվորական բնակելի ավաններում,

• ունեն 4-րդ աստիճանի վթարային բնակարան, որը ենթակա է քանդման, և անվտանգության տեսանկյունից բնակելի չէ,

• ապրում են հարազատների կամ ազգականների մոտ կամ վարձակալությամբ, 

• ունեն սեփականության իրավունքով բնակելի տարածք, որը ընտանիքի յուրաքանչյուր անդամի հաշվով 7․7 քմ-ից պակաս է,

• ունեն 9 տարեկանից բարձր տարբեր սեռի երեխաներ կամ բնակվում են մեկ սենյակում` անկախ բնակելի մակերեսից:

Ուշադրություն
Եթե զինծառայողները կամ նրանց ընտանիքի անդամները վաճառել են բնակարանը, ապա բնակարանային ապահովման համար կարող են հաշվառվել վաճառքից ու բնակարանային պայմանների վատթարացումից հետո 5 տարի անց՝ բացառությամբ, եթե դիմողը բնակելի տարածքի սեփականությունը կորցրել է դատարանի վճռով։

• Աջակցություն ստանալու համար անհրաժեշտ է պահանջվող փաստաթղթերով դիմում ներկայացնել ՀՀ պաշտպանության նախարարություն (ճշտիր ղեկավարից դիմում ներկայացնելու բաժինը), որից հետո դիմումդ հաշվառվում և ուսումնասիրվում է հատուկ հանձնաժողովի կողմից։ Այլ կերպ ասած՝ դիմումդ հաշվառվելով՝ հերթագրվում ես բնակարանային աջակցություն ստանալու ծրագրում։
• Դիմումների հաշվառման փուլում հանձնաժողովը հարցում է ուղարկում ՀՀ կադաստրի կոմիտեին քո և ընտանիքիդ անդամների անունով սեփականության իրավունքով գրանցված բնակելի տարածք ունենալու մասին։
• Հարցման պատասխանը ստանալուց հետո հանձնաժողովը այն ներկայացնում է քեզ՝ հարցման արդյունքները հաստատելու կամ մերժելու համար։ Եթե համաձայն չես հարցման արդյունքներին, ապա կարող ես գրավոր անհամաձայնություն ներկայացնել, որի հիման վրա հանձնաժողովը լրացուցիչ հարցում է ուղարկում Կադաստրի կոմիտեին՝ տեղեկատվությունը հստակեցնելու նպատակով։

Բնակարանային հաշվառման մեջ ընդգրկվելու համար անհրաժեշտ են հետևյալ փաստաթղթերը․

• բնակարանային հաշվառման մեջ ընդգրկվելու մասին զեկուցագիր,
• անմիջական հրամանատարի (պետի) կողմից տրված ծառայողական բնութագիր,
• ընտանիքի չափահաս անձանց անձնագրերի (հաշվառման էջով), ամուսնության կամ ամուսնալուծության վկայականի (առկայության դեպքում) և անչափահաս երեխաների ծննդյան վկայականների պատճենները,

• մշտական հաշվառման տեղեկանք վերջին 5 տարվա համար (յուրաքանչյուր հասցեից, որտեղ գրանցված է դիմողը) և փաստացի բնակության մասին տեղեկանք, (եթե տարբերվում է գրանցումից):

• բնակարանի սեփականության վկայականի պատճեն (կամ սեփականություն հաստատող այլ փաստաթուղթ՝ գնման պայմանագիր, ժառանգության վկայական), եթե բնակարանը դիմողին է պատկանում:

• աղետի գոտու բնակիչների և փախստականների համար՝ տեղեկանք բնակարան չունենալու կամ փոխհատուցում չստանալու վերաբերյալ (առկայության դեպքում):

 Բնակարանային ապահովման աջակցությունը կատարվում է 3 եղանակներից մեկով․

• անհատույց օգտագործման (բնակության) իրավունքով,
• սեփականության իրավունքով,
• բնակարանի գնման վկայագրով։

Ո՛չ։ Աջակցության տրամադրման եղանակը որոշվում է հանձնաժողովի կողմից՝ հաշվի առնելով բնակարանային քո կարիքները, անձնական գործը և պետական հատկացված ռեսուրսները։

Անհատույց օգտագործման իրավունքով բնակարան կամ բնակելի տարածք կարող են ստանալ այն զինծառայողները, ովքեր․

• ծառայում են իրենց բնակավայրից (հաշվառման վայրից) 30 կմ և ավելի հեռավորությամբ,
• ծառայության վայրում մշտական բնակելի տարածք չունեն։

Աջակցությունը տրամադրվում է բնակարանային կարիք ունեցող զինծառայողներին՝ հաշվառման ամսաթվի կարգով՝ հետևյալ առաջնահերթությամբ․

• հրամանատարական կազմ (մինչև գումարտակի հրամանատար, շտաբի պետ, տեղակալ),
• 10 և ավելի ծառայության ստաժ,
• մարտական գործողությունների մասնակիցներ,
• ազգային հերոսներ և «Մարտական խաչ» 1-2 աստիճան շքանշանակիրներ,
• 5 և ավելի ստաժ և առաջխաղացման հեռանկար ունեցողներ,
• բազմանդամ ընտանիք կամ հաշմանդամ ընտանիքի անդամ ունեցողներ,
• երկվորյակ, եռյակ և ավելի երեխա ունեցողներ։

Անհատույց օգտագործման իրավունքով տրամադրվող բնակելի սենյակների թիվը որոշվում է` ելնելով նրանց ընտանիքի անդամների թվից`

• 1 սենյականոց բնակարանը հատկացվում է միևնույն սեռի 2 անձանց, տարբեր սեռի 2 անձանց, եթե երեխան 9 տարեկանից փոքր է և ամուսիններին,
• 2 սենյականոց բնակարանը հատկացվում է 9 տարեկանից մեծ տարբեր սեռի 2 անձանց (բացի ամուսիններից), 3 անձից բաղկացած ընտանիքին,
• 3 սենյականոց բնակարանը հատկացվում է 4-5 անձից բաղկացած ընտանիքներին,
• 4 սենյականոց բնակարանը հատկացվում է 6 և ավելի անձից կազմված ընտանիքներին,
• 4 սենյականոց և 1 սենյականոց բնակարանները` 7-8 անձից բաղկացած ընտանիքին,
• 4 սենյականոց և 2 սենյականոց բնակարանները` 9-10 անձից բաղկացած ընտանիքին,
• 4 սենյականոց և 3-սենյականոց բնակարանները` 11 անձից բաղկացած ընտանիքին,
• 2 և 4 սենյականոց բնակարանները` 12 և ավելի անձից բաղկացած ընտանիքին:

Բնակելի տարածության չափը որոշելիս` հաշվի է առնվում նաև ընտանիքի անդամ համարվող կնոջ 20 շաբաթական հղիությունը:

Զինծառայողները և նրանց ընտանիքի անդամները կարող են անվճար ստանալ սեփականության հիմքով բնակելի տարածք, եթե.

• չունեն ՀՀ-ում սեփական բնակարան, կամ
• ունեն բնակարան, բայց այն չի բավարարում նվազագույն բնակարանային պայմաններին (օրինակ՝ չափազանց փոքր է կամ վատ վիճակում է)։

Ծրագրին կարող են դիմել Պաշտպանության նախարարության այն զինծառայողները, ովքեր․

• ստանում են երկարամյա ծառայության զինվորական կենսաթոշակ,
• առողջական վիճակի պատճառով զինվորական ծառայության համար ոչ պիտանի են ճանաչվել,
• լրացել է ծառայության մեջ գտնվելու սահմանային տարիքը,
• փոխվել է զինվորական պաշտոնը քաղաքացիական ծառայության պաշտոնով,
• կրճատվել է զինվորական հաստիքը,
• ունի առնվազն 12 տարի 6 ամիս ժամկետով զինվորական ծառայության ստաժ,
• զոհվել է կամ հաշմանդամություն է ձեռք բերել ծառակողական պարտականություննները կատարելիս, 
• գտնվում է ծառայության մեջ և ունի առնվազն 10 օրացույցային տարվա զինվորական ծառայության ստաժ։

Նախկին ԽՍՀՄ զինված ուժերի կողմից հատկացված և ՀՀ պաշտպանության նախարարության հաշվեկշռում չգտնվող բնակելի տարածքների վարձակալները ներկայացնում են․

• դիմում` նշելով, թե երբ և ինչ հիմքերով է նրան տրամադրվել բնակելի տարածությունը,
• ծառայության ստաժի, զորացրման ժամկետի և պատճառների մասին տեղեկանք,
• ընտանիքի անդամների անձը հաստատող փաստաթղթերի պատճենները,
• բնակելի տարածության հատկացումը հաստատող փաստաթղթի պատճենը,
• տվյալ հասցեում հաշվառված անձանց մասին տեղեկանք,
• աղետի գոտում հաշվառվածների կամ աղետից տուժած անձանց, ինչպես նաև փախստականների դեպքում` համապատասխան մարմնի կողմից տրված տեղեկանք բնակարանով կամ դրա ձեռքբերման համար համապատասխան վկայագրով ապահովված չլինելու մասին:

Բնակարանի գնման վկայագիր կարող են ստանալ այն զինծառայողները, ովքեր․

• ստանում են երկարամյա ծառայության զինվորական կենսաթոշակ,
• առողջական վիճակի պատճառով զինվորական ծառայության համար ոչ պիտանի են ճանաչվել,
• լրացել է ծառայության մեջ գտնվելու սահմանային տարիքը,
• փոխվել է զինվորական պաշտոնը քաղաքացիական ծառայության պաշտոնով,
• կրճատվել է զինվորական հաստիքը,
• ունի առնվազն 12 տարի 6 ամիս ժամկետով զինվորական ծառայության ստաժ։

Բնակարանի գնման վկայականը ստանալու համար անհրաժեշտ է հաշվառման դիմումին կից ներկայացնել անհրաժեշտ փաստաթղթերը։  

• Բնակարանի գնման վկայագիրը իրավական փաստաթուղթ է, որով կարող ես գնել բնակարան պետական ֆինանսավորմամբ՝ ֆիզիկական կամ իրավաբանական անձից։

• Վկայագիրը ենթակա չէ վաճառքի կամ գրավադրման:

• Վկայագրի միջոցով բնակարանի ձեռքբերման ժամկետը 12 ամիս է, որի ընթացքում բնակարան ձեռք չբերելու դեպքում վկայագիրը մարվում է, իսկ պայմանագիրը՝ լուծարվում, սակայն աջակցության իրավունք ունեցող անձը պահպանում է բնակարանային հաշվառման մեջ գտնվելու իրավունքը:
• Եթե 12 ամսվա ընթացքում բնակարանի առքուվաճառքի պայմանագիր չես կնքում պաշտպանության նախարարության հետ, ապա կարող ես մինչև տվյալ տարվա դեկտեմբերի 20-ը հանձնաժողովի նախագահին ներկայացնել քո կողմից ընտրված նոտարի դեպոզիտային հաշվեհամար և նոտարի հետ կնքված պայմանագիր, որի հիման վրա 5 աշխատանքային օրվա ընթացքում ՀՀ պաշտպանության նախարարությունն այդ հաշվեհամարին է փոխանցում բնակարանի գնման վկայագրում նշված գումարը:

Աջակցության չափը հաշվարկվում է․

• Երևանում՝ շուկայական միջին գնով (ներկայիս շուկայական գների համաձայն),
• այլ քաղաքներում՝ տեղական շուկայական գնի բազայով,
• գյուղական վայրերում՝ մարզի, քաղաքների բնակարանների գների 90%-ի չափով։

Աջակցությունը տրամադրվում է ըստ շահառուների՝ բնակարանային հաշվառման վերցնելու տարիների հերթականության, և հետևյալ առաջնահերթությամբ.

• ՀՀ մարզերի սահմանամերձ բնակավայրեր,
• ՀՀ այլ մարզեր,
• Երևան:

Աջակցությունը տրամադրվում է մեկ ամսվա ընթացքում, իսկ ձեռք բերվող բնակարանի գինը վճարվում է անշարժ գույքի առքուվաճառքի պայմանագիրը հանձնաժողովին ներկայացնելուց հետո 10 աշխատանքային օրվա ընթացքում։

Բնակարան վաճառողի կողմից ընտրված բանկի միջոցով ՀՀ պաշտպանության նախարարությունը փոխանցում է պայմանագրում նշված գումարը։