Բնակարանային ապահովման աջակցություն ստանալու համար անհրաժեշտ է պահանջվող փաստաթղթերով դիմում ներկայացնել ՀՀ պաշտպանության նախարարություն։

Ներկայացվող պահանջները

Ծրագրին կարող են դիմել Պաշտպանության նախարարության այն զինծառայողները, ովքեր․

• հաշվառվել են բնակարանային ապահովման համար, սակայն ծառայության ընթացքում բնակարանային պայմանների ապահովում չեն ստացել,
• ստանում են երկարամյա ծառայության զինվորական կենսաթոշակ,
• առողջական վիճակի պատճառով զինվորական ծառայության համար ոչ պիտանի են ճանաչվել,
• լրացել է ծառայության մեջ գտնվելու սահմանային տարիքը,
• փոխվել է զինվորական պաշտոնը քաղաքացիական ծառայության պաշտոնով,
• կրճատվել է զինվորական հաստիքը։ 
  
  

Աջակցության եղանակները

Պահանջվող փաստաթղթերը

Բնակարանային ապահովման աջակցություն ստանալու համար անհրաժեշտ է ՀՀ պաշտպանության նախարարություն ներկայացնել հետևյալ փաստաթղթերը․

• բնակարանային հաշվառման մեջ ընդգրկվելու մասին զեկուցագիր,
• անմիջական հրամանատարի (պետի) կողմից տրված ծառայողական բնութագիր,
• ընտանիքի չափահաս անձանց անձնագրերի (հաշվառման էջով), ամուսնության կամ ամուսնալուծության վկայականի (առկայության դեպքում) և անչափահաս երեխաների ծննդյան վկայականների պատճենները,

• մշտական հաշվառման տեղեկանք վերջին 5 տարվա համար (յուրաքանչյուր հասցեից, որտեղ գրանցված է դիմողը) և փաստացի բնակության մասին տեղեկանք, (եթե տարբերվում է գրանցումից),

• բնակարանի սեփականության վկայականի պատճեն (կամ սեփականություն հաստատող այլ փաստաթուղթ՝ գնման պայմանագիր, ժառանգության վկայական), եթե բնակարանը դիմողին է պատկանում,

• աղետի գոտու բնակիչների և փախստականների համար՝ տեղեկանք բնակարան չունենալու կամ փոխհատուցում չստանալու վերաբերյալ (առկայության դեպքում):
  
  

Աջակցության չափը

Աջակցության չափը հաշվարկվում է նախորդող եռամսյակի շուկայական միջին արժեքների հիման վրա՝ համաձայն ՀՀ անշարժ գույքի կադաստրի պետական կոմիտեի տվյալների։ Իսկ սենյակների թիվը որոշվում է՝ ըստ ընտանիքի անդամների թվի։

Տրամադրման կարգը և ժամկետը

Բնակարանային ապահովման աջակցությունը տրամադրվում է դիմումը հանձնաժողովի անդամների կողմից ուսումնասիրվելուց հետո մինչև 1 ամսվա ընթացքում։

Հղում օրենսդրությանը