Գործատուիդ հղիությանդ մասին պետք է տեղեկացնես մինչև 30-րդ շաբաթը։

Մայրության արձակուրդի մեկնարկից անմիջապես հետո՝

• պոլիկլինկան տվյալ օրով կտրամադրի անաշխատունակության թերթիկը (բյուլետեն), 
• դու կներկայացնես այն գործատուիդ,
• դրա հիման վրա կձևավորվի քո արձակուրդը,
• որից հետո կստանաս քո մայրության նպաստը։

Արձակուրդը տրամադրվում է հետևյալ ժամկետներով․

• 140 օրացուցային օր՝ սովորական ընթացքով հղիության դեպքում (հղիության` 70 օրացուցային օր, ծննդաբերության` 70 օրացուցային օր),

• 155 օրացուցային օր՝ բարդ ծննդաբերության դեպքում (հղիության` 70 օրացուցային օր, ծննդաբերության` 85 օրացուցային օր),

• 180 օրացուցային օր՝ միաժամանակ մեկից ավելի երեխաներ ծննդաբերելու դեպքում (հղիության` 70 օրացուցային օր, ծննդաբերության` 110 օրացուցային օր)։

Հղիության և ծննդաբերության արձակուրդից առաջ քեզ կտրամադրվի մայրության միանվագ նպաստ արձակուրդիդ 140 օրերի համար՝ ըստ քո միջին օրական աշխատավարձի։

Մայրության նպաստի չափը որոշվում է սահմանված կարգով հաշվարկված միջին աշխատավարձի հիման վրա։

Ընդ որում՝ եթե միջին ամսական եկամուտը պակաս է ժամանակավոր անաշխատունակությունն առաջանալու օրվա դրությամբ նվազագույն ամսական աշխատավարձի 50%-ից, ապա մայրության նպաստը կհաշվարկվի նվազագույն ամսական աշխատավարձի 50%-ի հիման վրա:

2025 թվականին նվազագույն ամսական աշխատավարձի չափը 75,000 դրամ է։

Մայրության նպաստի հաշվարկման համար անհրաժեշտ է հաշվել միջին ամսական աշխատավարձը: 

Այն ստանալու համար անհրաժեշտ է՝

• գումարել նախորդող 12 ամիսների ընթացքում ստացած բոլոր տեսակի եկամուտները (պարգևատրումները հաշվարկվում են առանձին և միջին աշխատավարձին գումարվում 1/12 չափով)
• ստացված թիվը բաժանել 12-ի:

Այնուհետև ստացված միջին աշխատավարձը անհրաժեշտ է՝

• բաժանել 30.4-ի (ստանալու համար միջին օրական աշխատավարձը) և
• բազմապատկել հղիության և ծննդաբերության արձակուրդի ժամանակահատվածի օրացուցային օրերի թվով՝ 140-ով։

Մայրության նպաստը հնարավոր է հաշվել նաև առցանց հաշվիչների միջոցով։ 

Բարդ ծննդաբերության դեպքում 140 օր արձակուրդային օրերին ավելանում է ևս 15 օր։

Մայրության նպաստը հաշվարկելիս կիրառվում է նույն բանաձևը։ Միայն 140 օրվա փոխարեն անհրաժեշտ է հաշվարկել 155 օրվա համար:

Այո՛, գործատուին արգելվում է իր նախաձեռնությամբ հղի կնոջ հետ աշխատանքային պայմանագիր լուծելը։

Սակայն սա վերաբերում է կոնկրետ ժամկետի՝ հղիության մասին գործատուին տեղեկանք ներկայացնելու օրվանից մինչև հղիության և ծննդաբերության արձակուրդի ավարտման օրվանից հետո 1 ամիսը լրանալը։ 

Սակայն կան բացառություններ։ 

Երեխայի խնամքի արձակուրդում գտնվելու ընթացքում գործատուն կարող է լուծել աշխատանքային պայմանագիրը հետևյալ դեպքերում՝ 

• եթե կազմակերպությունը լուծարվել է, 

• եթե տնտեսական, տեխնոլոգիական, աշխատանքի կազմակերպման պայմանների փոփոխման և (կամ) արտադրական անհրաժեշտությամբ պայմանավորված` աշխատողների քանակը կամ հաստիքները կրճատվում են։

Երեխայի խնամքի արձակուրդից կարող է օգտվել երեխային փաստացի խնամող ընտանիքի մայրը (խորթ մայրը), հայրը (խորթ հայրը) կամ խնամակալը։

Երեխայի խնամքի արձակուրդի համար հնարավոր է դիմել ցանկացած պահի, սակայն արձակուրդի այս տեսակը տրամադրվում է մինչև երեխայի 3 տարեկան դառնալը։ 

Այսինքն՝ այս արձակուրդից հնարավոր է օգտվել մինչև երեխայի՝ 3 տարեկան դառնալու օրը։  

Երեխայի խնամքի արձակուրդ կարող է ունենալ ծնողներից միայն մեկը՝ մինչև երեխայի երեք տարեկան դառնալը։ 

• Այն կարող ես վերցնել ամբողջությամբ կամ մաս առ մաս՝ արտահերթ կարգով:

• Արձակուրդի ձևակերպման համար պետք է համապատասխան դիմումը ներկայացնես քո աշխատավայրում տվյալ հարցերով պատասխանատուին՝ կցելով երեխայիդ ծննդյան վկայականի պատճենը։

Երեխայի խնամքի արձակուրդից կարող ես օգտվել մինչև երեխայի 3 տարեկան դառնալը, իսկ մինչև նրա 2 տարեկան դառնալը կստանաս խնամքի ամսական նպաստ՝ ֆիքսված չափով։