• 16 տարին լրացած քաղաքացու համար նույնականացման քարտ ունենալը պարտադիր է։
• 6 տարեկանից մինչև 16 տարեկան քաղաքացիները նույնականացման քարտ ստանում են կամավոր:
• 16 տարին լրացած քաղաքացուն անձնագիր տրամադրվում է նույնականացման քարտ ունենալու դեպքում։

Նույնականացման քարտը տրամադրվում է 5 տարի ժամկետով։

Եթե երեխայի տվյալները չեն գտնվել, անհրաժեշտ է դիմել ՀՀ արդարադատության նախարարություն՝ տվյալները թվայնացնելու համար։

Հաշմանդամություն ունենալու դեպքում այդ անձի փոխարեն կարող են դիմել նաև Միասնական սոցիալական ծառայության աշխատակիցները, ինչպես նաև մերձավոր ազգականները (հայրը, մայրը, ամուսինը, զավակը, քույրը, եղբայրը, տատը կամ պապը)` կցելով բժշկական հաստատության կողմից տրված համապատասխան փաստաթղթեր էլեկտրոնային հայտին։

Ազատազրկման դատապարտված կամ կալանավորված անձի փոխարեն անձը հաստատող փաստաթուղթ ստանալու համար կարող է դիմել համապատասխանաբար քրեակատարողական հիմնարկի կամ կալանավորվածներին պահելու վայրի վարչակազմը։

Անգործունակ ճանաչված քաղաքացուն նույնականացման քարտը տրամադրվում է խնամակալի դիմումի հիման վրա, իսկ սահմանափակ գործունակ ճանաչված քաղաքացուն՝ իր դիմումի հիման վրա: