Բնակարանային աջակցությունը նախատասված է այն զինծառայողների համար, ովքեր աշխատում են․

• ՀՀ պաշտպանության նախարարության սպայական և ենթասպայական կազմերում,
• Ազգային անվտանգությանում,
• Պետական պահպանությունում։

Ծրագրի շրջանակներում պետությունը օգնում է վերը նշված մարմիններում աշխատող զինծառայողներին հիփոթեքային վարկով ձեռք բերել բնակարան, բնակելի տուն կամ նոր կառուցվող բնակելի տուն՝ տրամադրելով․

• կանխավճարի աջակցություն,
• տոկոսադրույքի սուբսիդավորում (վարկի որոշ տոկոսի մարում),
• եկամտային հարկի վերադարձ։

Աջակցության մանրամասները ներկայացված են ուղեցույցում։

Ծրագիրն ուղղված է ՀՀ պաշտպանության նախարարության և ՀՀ ազգային անվտանգության ծառայության սահմանապահ զորքերի ու հատուկ ստորաբաժանումների զինծառայողների ընտանիքներին։ Ծրագրի շրջանակում պետությունն աջակցում է շահառուներին ձեռբ բերել բնակարան։

Աջակցությունից կարող են օգտվել․

• հաշմանդամության զինվորական կենսաթոշակ ստանալու իրավունք ունեցող նախկին զինծառայողների ընտանիքները,
• զոհված զինծառայողների ընտանիքները։

Աջակցության մանրամասները ներկայացված են ուղեցույցում։

Ծրագիրն ուղղված է ՀՀ պաշտպանության նախարարության զինծառայողներին և նրանց ընտանիքներին։ Ծրագրի շրջանակում պետությունից կարող ես ստանալ․

• բակարան,
• տնամերձ հողամաս։

Ընդ որում՝ բնակարանային ապահովումը կատարվում է աջակցության 3 եղանակներից մեկով՝ ըստ որոնց կարող ես ունենալ բնակելի տարածք հետևյալ կերպ․

• անհատույց օգտագործման (բնակության) իրավունքով,
• սեփականության իրավունքով,
• բնակարանի գնման վկայագրով։

Աջակցության մանրամասները ներկայացված են ուղեցույցում։