Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Էլեկտրոնային ստորագրություն ունենալու համար անհրաժեշտ է։

• ներբեռնել ծրագիրը,
• ակտիվացնել նույնականացման քարտի PIN և PUK կոդերը,
• կատարել տարեկան սպասարկման վճարը։
  
  

Ներկայացվող պահանջները

ՀՀ քաղաքացի լինելու դեպքում

• ունենալ վավեր նույնականացման քարտ, որը տրամադրվել է մինչև 2023 թվականի փետրվարի 15-ը, ինչպես նաև քարտի PIN և PUK ծածկագրերը,

• ունենալ նույնականացման քարտն ընթերցող սարք։

Օտարերկրյա քաղաքացի լինելու դեպքում

• ունենալ կացության քարտ կամ անձնագիր, 

• ստանալ հանրային ծառայությունների համարանիշի վերաբերյալ տեղեկանք։

Ուշադրություն
Թվային ստորագրության համակարգչային ծրագրերը հասանելի են միայն Windows օպերացիոն համակարգերով։

Վճարման չափը և կարգը

Թվային ստորագրության համար անհրաժեշտ է վճարել՝

• 3,000 ՀՀ դրամ՝ 1 տարի ժամկետով ՀՀ քաղաքացիների համար,
• 30,000 ՀՀ դրամ՝ 3 տարի ժամկետով օտարերկրյա քաղաքացիների համար։
  
  

Վճարումն իրականացվում է հետևյալ եղանակներից մեկով՝

• բանկային փոխանցման միջոցով «ԷԿԵՆԳ» ՓԲԸ (ՀՎՀՀ-02707093) հաշվեհամարին՝ 1570004596000500։ Փոխանցման նպատակի դաշտում պետք է նշել «ՀԾՀ, անուն, ազգանուն»,

• TelCell, Idram, EasyPay, Mobidram վճարային տերմինալների և ekeng.am-ում բացված հաշվի միջոցով։
  
  

Տրամադրման ժամկետը և կարգը

Էլեկտրոնային թվային ստորագրությունն ավտոմատ ակտիվանում է վճարումն իրականացնելուց անմիջապես հետո։ 

Հղում օրենսդրությանը

«Էլեկտրոնային փաստաթղթի և էլեկտրոնային թվային ստորագրության մասին» ՀՀ օրենք

Օրենքը հնարավոր է գտնել arlis.am-ում։