Երեխայի միանվագ նպաստը ֆիզիկապես ստանալու համար անհրաժեշտ է դիմել միասնական սոցիալական ծառայության ցանկացած տարածքային կենտրոն՝ ներկայացնելով պահանջվող փաստաթղթերը։

Ներկայացվող պահանջները

Երեխայի ծննդյան միանվագ նպաստը տրամադրվում է, եթե ծնողը և նոր ծնված երեխան հաշվառված են ՀՀ բնակության վայրի հասցեով ու դիմելու օրվա դրությամբ գտնվում են ՀՀ-ում։

Պահանջվող փաստաթղթերը

Նպաստը ստանալու համար անհրաժեշտ է ներկայացնել հետևյալ փաստաթղթերը․

• դիմում,
• անձնագիր կամ նույնականացման քարտ,
• հանրային ծառայությունների համարանիշ՝ սոցիալական քարտի համարը (նույնականացման քարտ ունենալու դեպքում պարտադիր չէ),
• երեխայի ծննդյան վկայական։

Ուշադրություն
Կարևոր է փաստաթղթերը ներկայացնել երեխայի ծննդյան ամսվան հաջորդող 12 ամիսների ընթացքում (մինչև երեխայի 1 տարին լրանալը), այլապես դիմումը կմերժվի։

Աջակցության չափը

Երեխայի ծննդյան միանվագ նպաստը կազմում է՝

• 300,000 դրամ՝ առաջին և երկրորդ երեխաների ծննդյան դեպքում,
• 1,000,000 դրամ՝ երրորդ և չորրորդ երեխաների ծննդյան դեպքում,
• 1,500,000 դրամ՝ հինգերորդ և հաջորդ երեխաների ծննդյան դեպքում։

Տրամադրման ժամկետը և կարգը

Դիմումը հաստատվում կամ մերժվում է ներկայացնելուց հետո 10 աշխատանքային օրվա ընթացքում։  Դիմումի հաստատոիւմից հետո 1 տարվա ընթացքում կարելի է անձը հաստատող փաստաթղթով այցելել բանկ և ստանալ նպաստը։

Հղում օրենսդրությանը

«Պետական նպաստների մասին» ՀՀ օրենք

Օրենքը հնարավոր է գտնել Arlis.am-ում։