Հարթակը մշակման փուլում է․ ձեր կարծիքը կօգնի մեզ բարելավել այն:
Այդ թվում՝ ընտրական իրավունք, իրավական նախագծեր, կոռուպցիայի մասին հաղորդագրություններ, բաց տվյալներ և տեղեկատվության հարցումներ
Հանրագիրը պետական և տեղական ինքնակառավարման մարմիններին ուղղված անհատական կամ կոլեկտիվ առաջարկ է։ Հանրագրերի միասնական էլեկտրոնային հարթակի միջոցով հնարավոր է ներկայացնել անhատական կամ կոլեկտիվ հանրագիր, հետևել հանրագրի ընթացքին և հաղորդակցվել համապատասխան պետական կամ տեղական ինքնակառավարման մարմնի կամ պաշտոնատար անձի հետ։
«Ակտիվ քաղաքացի» հարթակի շնորհիվ Երևան քաղաքի բնակիչները կարող են մասնակցել քաղաքի կառավարմանը և ներկայացնել խնդիրներ՝ կապված աղբահանության, տրանսպորտի, արտաքին լուսավորության, կենդանիների խնամքի և այլ թեմաների հետ։
Հարթակի միջոցով ներկայացված խնդիրները կուղղվեն Երևանի քաղաքապետարան և կգտնեն իրենց լուծումները։
«Ակտիվ քաղաքացի» կայքի միջոցով Երևանի բնակիչները կարող են ներկայացնել առաջարկներ՝ ուղղված քաղաքի բարելավմանը։ Հարթակում հնարավոր է նաև քվեարկել այլ քաղաքացիների կողմից ներկայացված առաջարկների օգտին։
Պետական միասնական գրանցամատյանի (ռեգիստրի) տեղեկությունները բաց են համընդհանուր ծանոթացման համար: Ռեգիստրի ամբողջական տեղեկությունները, ինչպես նաև իրավաբանական անձանց կանոնադրությունների պատճենները տրամադրվում են պետական տուրքի վճարումը կատարելուց հետո։
Յուրաքանչյուր անձ իրավունք ունի ծանոթանալու իր փնտրած տեղեկությանը և դա ստանալու նպատակով հարցմամբ դիմելու տեղեկատվություն տնօրինող մարմնին, այդ թվում՝ պետական կառավարման մարմիններին, տեղական ինքնակառավարման մարմիններին, պետական հիմնարկներին, պետական և տեղական բյուջեներից ֆինանսավորվող կազմակերպություններին, հանրային նշանակության կազմակերպություններին, պաշտոնատար անձանց:
Տեղեկատվություն հնարավոր է ստանալ ինչպես բանավոր, այնպես էլ գրավոր դիմումի հիման վրա։
