Ինչպե՞ս դիմել

«Շարունակել» կոճակը սեղմելուց և նույնականացվելուց հետո անհրաժեշտ է.

• լրացնել  պահանջվող տվյալները,
• կատարել վճարումը,
• հանձնել հայտը։

Ուշադրություն 

• Այս պահին իրենց գործունեության մասին կարող են ծանուցել միայն ՀՀ քաղաքացի զբոսաշրջային օպերատորները (տնօրենները) և զբոսաշրջային գործակալները (տնօրենները)։ 
• Հյուրանոցային ծառայություն մատուցող անձանց, զբոսավարների, ուղեկցորդների և օտարերկրացիների համար ծանուցում ներկայացնելու հնարավորությունը հասանելի կլինի շուտով։

Ներկայացվող պահանջները

• Ծանուցում ներկայացնելու համար անհրաժեշտ է ունենալ «ԵսԵմ» թվային նույնականացում։
• Բացի տնօրենից՝ զբոսաշրջային օպերատորները և զբոսաշրջային գործակալները պետք է ունենան առնվազն մեկ հիմնական գրանցված աշխատող։
  
  

Յուրաքանչյուր գործունեության համար պահանջվում է հետևյալ կարգավիճակը․

• զբոսաշրջային օպերատորի դեպքում՝ գրանցված իրավաբանական անձ,
• զբոսաշրջային գործակալի դեպքում՝ իրավաբանական անձ կամ անհատ ձեռնարկատեր,
• հյուրանոցային ծառայություն մատուցողի դեպքում՝ իրավաբանական անձ, անհատ ձեռնարկատեր կամ ֆիզիկական անձ,
• զբոսավարի կամ ուղեկցորդի դեպքում՝ անհատ ձեռնարկատեր կամ ֆիզիկական անձ։
  
  

Պահանջվող տվյալները

Համակարգում տվյալների մեծ մասը լրացվում է ինքնաշխատ։

Անհրաժեշտ է միայն նշել.

• կազմակերպության անվանումը, որով կազմակերպությունը հայտնի է ոլորտում հայերեն, անգլերեն և ռուսերեն լեզուներով, 
• լրացուցիչ գործունեության հասցեն՝ առկայության դեպքում,
• այլ երկրներում գործող լիցենզիաների տվյալները՝ առկայության դեպքում։ 
  
  

Վճարման չափը և կարգը

Զբոսաշրջային ծառայությունների մասին ծանուցման վճարը 5,000-150,000 դրամ է` կախված գործունեության տեսակից։ 

• Զբոսաշրջային օպերատորի գործունեություն՝ 80,000 դրամ
• Զբոսաշրջային գործակալի գործունեություն՝ 30,000 դրամ
• Զբոսավարի գործունեություն՝ 5,000 դրամ
• Ուղեկցորդի գործունեություն՝ 5,000 դրամ
• Հյուրանոցային ծառայություններ հյուրանոցում՝ 150,000 դրամ
• Հյուրանոցային ծառայություններ ապարտհոթելում՝ 10,000 դրամ
• Հյուրանոցային ծառայություններ առողջարանում՝ 50,000 դրամ
• Հյուրանոցային ծառայություններ մոթելում՝ 50,000 դրամ
• Հյուրանոցային ծառայություններ հոսթելում՝ 50,000 դրամ
• Հյուրանոցային ծառայություններ մասնագիտացված ճամբարում կամ տանը՝ 30,000 դրամ
• Հյուրանոցային ծառայություններ հանգստյան տանը՝ 20,000 դրամ
• Հյուրանոցային ծառայություններ քեմփինգում՝ 15,000 դրամ
• Հյուրանոցային ծառայություններ հյուրատանը՝ 15,000 դրամ
• Հյուրանոցային ծառայություններ զբոսաշրջային տանը (B&B)՝ 5,000 դրամ

Ուշադրություն

Եթե ծանուցված գործունեությունն իրականացվում է մեկից ավելի հասցեներում, ապա յուրաքանչյուրի համար գանձվում է առանձին վճար։

Տրամադրման ժամկետը և կարգը

Ծանուցումը հաստատվում է հայտը ներկայացնելուց անմիջապես հետո։

Հղում օրենսդրությանը

• «Զբոսաշրջության մասին» ՀՀ օրենք
• «Գործունեության իրականացման ծանուցման մասին» ՀՀ օրենք
• «Պետական տուրքի մասին» ՀՀ օրենք 
• ՀՀ կառավարության՝ 2025 թվականի հունվարի 23-ի N 76-Ն որոշում

Օրենսդրական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։